នៅថ្ងៃទី២៧ និងថ្ងៃទី២៨ ខែមិថុនា ឆ្នាំ២០២៥ ក្នុងសប្តាហ៍នេះ ក្រសួងសាធារណការ និងដឹកជញ្ជូន នឹងរៀបចំពិព័រណ៍ផ្លាកលេខពិសេសផ្ទាល់ខ្លួន សម្រាប់ទោចក្រយានយន្ត ត្រីចក្រយានយន្ត និងម៉ូតូកង់បួន នៅផ្សារទំនើបអូឡាំព្យា។ សាធារណជន នឹងមានឱកាសស្វែងយល់បន្ថែមពីការដាក់លក់ផ្លាកលេខពិសេស និងការផ្សព្វផ្សាយពីសុវត្ថិភាពចរាចរណ៍ផងដែរ។   ក្រសួងសាធារណការ និងដឹកជញ្ជូន នៅថ្ងៃទី ២៧ និង ២៨ ខែមិថុនា ខាងមុខនេះ នឹងរៀបចំពិព័រណ៌ផ្លាកលេខពិសេសផ្ទាល់ខ្លួន សម្រាប់ទោចក្រយានយន្ត ត្រីចក្រយានយន្ត និងម៉ូតូកង់បួន នៅផ្សារទំនើបអូឡាំព្យា ព្រមទាំងសម្ពោធមណ្ឌលផ្តល់សេវាសាធារណៈរបស់ក្រសួង។  ពិព័រណ៌នេះ បើកឱកាសឱ្យបងប្អូនប្រជាពលរដ្ឋ ចូលរួមទស្សនាដោយសេរី ពីពិព័រណ៍ផ្លាកលេខម៉ូតូ និងរថយន្ត ការលក់លេខពិសេសម៉ូតូ ព្រមទាំងផ្សព្វផ្សាយពីសុវត្ថិភាពចរាចរណ៍ និងខួប៥ឆ្នាំ ក្នុងការដាក់ដំណើរការលេខពិសេសផ្ទាល់ខ្លួនរថយន្តរបស់ក្រសួងសាធារណៈ និងដឹកជញ្ជូនផងដែរ។ កន្លងមក ក្រសួងសាធារណការ និងដឹកជញ្ជូន ក៏បានធ្វើការស្ទង់មតិប្រជាពលរដ្ឋ ពីតម្លៃនៃសេវាផ្តល់ផ្លាកលេខពិសេសផ្ទាល់ខ្លួនសម្រាប់ម៉ូតូ ហើយជាលទ្ធផលចុងក្រោយ ផ្លាកលេខពិសេសម្រាប់ម៉ូតូ ម៉ូតូកង់បួន និងត្រីចក្រយានយន្ត មានតម្លៃចាប់ពី ១០ម៉ឺនរៀល ដល់ ៨លានរៀល។ បើតាមក្រសួងដដែល ការដាក់ដំណើរការផ្លាកលេខពិសេសសម្រាប់ម៉ូតូ និងម៉ូតូកង់បួន និងត្រីចក្រយានយន្តនេះ ធ្វើឡើងក្នុងគោលបំណងផ្តល់ជម្រើសកាន់តែល្អ និងសំបូរបែបដល់ប្រជាពលរដ្ឋ។ អាស្រ័យហេតុនេះ បងប្អូនដែលមានបំណងចង់ស្វែងយល់ពីផ្លាកលេខពិសេសនេះ អាចចូលរួមទស្សនាដោយសេរី នៅក្នុងពិព័រណ៌ផ្លាកលេខពិសេសផ្ទាល់ខ្លួន សម្រាប់ទោចក្រយានយន្ត ត្រីចក្រយានយន្ត និងម៉ូតូកង់បួន នៅផ្សារទំនើបអូឡាំព្យានៅថ្ងៃទី ២៧ និង ២៨ ខែមិថុនា ឆ្នាំ២០២៥ខាងមុខនេះ ចាប់ពីម៉ោង ៩ព្រឹក ដល់ម៉ោង ៧ល្ងាច ព្រមទាំងមានឱកាសទទួលបានរង្វាន់ជាច្រើនដូចជា អាវយឺត ដបទឹក និងមួកសុវត្ថិភាពផងដែរ៕   អត្ថបទ៖ អ៊ីសា ហាសាណះ  រូបភាព៖ ក្រសួងសាធារណការ និងដឹកជញ្ជូន   

  ពិព័រណ៍អាពាហ៍ពិពាហ៍ លើកទី២ នឹងធ្វើឡើង នៅថ្ងៃទី១៨-១៩ និងថ្ងៃទី២០ ខែកក្កដា ឆ្នាំ ២០២៥ នេះ នៅ ដឹ ព្រីមៀ សេនធ័រ សែនសុខ ក្រោមអធិបតីភាពដ៏ខ្ពង់ខ្ពស់របស់លោកជំទាវបណ្ឌិត ពេជ ចន្ទមុនី ហ៊ុន ម៉ាណែត។ គូស្រករ ដែលមិនមានលទ្ធភាព និងមិនមានឱកាសរៀបអាពាហ៍ពិពាហ៍ តែបានរៀបការ នៅក្នុងពិព័រណ៌នេះ បានសម្តែងភាពរីករាយយ៉ាងក្រៃលែង ដែលហោចណាស់ ក្នុងមួយជីវិតរបស់ពួកគេ បានរៀបអាពាហ៍ពិពាហ៍ បានសមរម្យតាមប្រពៃណី។       អត្ថបទ៖ អ៊ីសា ហាសាណះ  រូបភាព៖ ហ៊ុន សុជាតា   

  អ្នកឧកញ៉ា ហេង ឡុង ថៅកែរោងចក្រចម្រាញ់កៅស៊ូ ចម្ការចេក ចម្ការទុរេន និងវិស័យផ្សេងទៀត នៅស្រុកស្ទឹងត្រង់ ខេត្តកំពង់ចាម បានប្រកាសទទួលពលករ ពីក្រៅប្រទេស ចូលធ្វើការ ចំនួន ១០០០នាក់។ ការប្រកាសនេះ គឺស្របនឹងការអំពាវនាវរបស់រាជរដ្ឋាភិបាល ដែលសំដៅលើពលករខ្មែរ នៅប្រទេសថៃ។       អត្ថបទ៖ តុល សុភ័ណ    រូបភាព៖ ឆិល សុភ័ស្ត  

ក្នុងឱកាសដ៏មហានក្ខត្តឫក្សឧត្តុង្គឧត្តម នៃព្រះរាជពិធីបុណ្យចម្រើនព្រះជន្មវស្សាគម្រប់ ៨៩ យាងចូល ៩០ ព្រះវស្សា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយសកាកបាទក្រហមកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នៅព្រឹកថ្ងៃទី១៦ ខែមិថុនា ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា រួមជាមួយឥស្សរជន ថ្នាក់ដឹកនាំ ភរិយាថ្នាក់ដឹកនាំ សប្បុរសជន មន្ត្រី បុគ្គលិក និងយុវជនកាកបាទក្រហមកម្ពុជា បានទទួលព្រះបរមរាជានុញ្ញាតដ៏ខ្ពង់ខ្ពស់បំផុត រៀបចំព្រះរាជពិធីចម្រើនព្រះជន្មវស្សាថ្វាយព្រះអង្គ។      ពិធីជួបជុំនេះ មានការយាង និងនិមន្តពីសម្តេចព្រះមហាសង្ឃរាជ សម្តេចព្រះសង្ឃនាយករង និងសម្តេចព្រះសង្ឃ-ព្រះតេជគុណព្រះសង្ឃ សរុប ៩០អង្គ ចម្រើនព្រះបរិត្ត និងនិមន្តគោចរបិណ្ឌបាត្រ ជាកិច្ចចម្រើនព្រះជន្មវស្សា ស្របតាមព្រះរាជប្បវេណី និងតាមគន្លងព្រះពុទ្ធសាសនា ដែលពិធីនេះ ប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។    អត្ថបទ៖ ហ៊ុន ឌីណូ រូបភាព៖ សុខ ពិសិដ្ឋ   

តាមរយៈសារនៅលើបណ្តាញសង្គម នាថ្ងៃទី១៦ មិថុនា ឆ្នាំ២០២៥ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអរគុណចំពោះសមាគមធនាគារនៅកម្ពុជា និង សមាគមមីក្រូហិរញ្ញវត្ថុកម្ពុជា ដែលបានបង្ហាញនៅឆន្ទៈជាវិជ្ជមានទៅនឹងការអំពាវនាវរបស់រាជរដ្ឋាភិបាល ក្នុងការពិនិត្យលទ្ធភាពជួយសម្រាលបន្ទុកហិរញ្ញវត្ថុសម្រាប់បងប្អូនប្រជាពលករដែលត្រលប់មកពីថៃវិញ ចំពោះអ្នកដែលមានជាប់ជំពាក់បំណុលជាមួយធនាគារ ឬគ្រឹះស្ថានមីក្រូហិរញ្ញវត្ថុទៅតាមលទ្ធភាពដែលអាចធ្វើទៅបាន ។  សម្តេចបវរធិបតី ហ៊ុន ម៉ាណែត បានចាត់ទុកថា សមាគមធនាគារនៅកម្ពុជា និង សមាគមមីក្រូហិរញ្ញវត្ថុកម្ពុជា នាពេលនេះគឺបង្ហាញអំពីឆន្ទៈក្នុងការចូលរួម ក្នុងស្មារតីសាមគ្គីឯកភាពជាតិ និងការជួយគ្នាទៅវិញទៅមក ពេលប្រទេសជាតិនិងប្រជាពលរដ្ឋខ្មែរយើងប្រឈមនឹងបញ្ហា។ គួរេម្លឹកថា នៅក្នុងសេចក្តីថ្លែងការណ៍រួម កាលពីថ្ងៃទី១៤ ខែមិថុនា ឆ្នាំ២០២៥ សមាគមធនាគារនៅកម្ពុជា និង សមាគមមីក្រូហិរញ្ញវត្ថុកម្ពុជា បានប្រកាសគាំទ្រយ៉ាងពេញទំហឹងចំពោះការអំពាវនាវរបស់សម្តេចនាយករដ្ឋមន្ត្រី ដែលឲ្សមាគមទាំងពីរ «ពិនិត្យលទ្ធភាពក្នុងការ ជួយសម្រាលបន្ទុកហិរញ្ញវត្ថុសម្រាប់ ប្រជាពលករដែលត្រលប់មកពីប្រទេសថៃវិញ ចំពោះអ្នក ដែលមានជាប់ជំពាក់កម្ចីជាមួយធនាគារ ឬគ្រឹះស្ថានមីក្រូហិរញ្ញវត្ថុ ទៅតាមលទ្ធភាព ឬក្នុងមួយរយៈពេលកំណត់ណាមួយដែលអាចធ្វើទៅបាន។ ក្នុងនោះ គ្រឹះស្ថានសមាជិកនៃសមាគមទាំងពីរ នឹងពិនិត្យឱ្យអស់លទ្ធភាពចូលរួមដាក់ចេញនូវវិធានការសមស្របក្នុងការបន្ធូរបន្ថយបន្ទុកហិរញ្ញវត្ថុ សម្រាប់ប្រជាពលករ តាមរយៈការរៀបចំឥណទានឡើងវិញ ដែលជាយន្តការរបស់សមាគមបាននិងបន្តអនុវត្ត។  ក្នុងករណីមានតម្រូវការជាក់ស្តែងក្នុងរៀបចំឥណទានឡើងវិញ ក៏ដូចជាសំណើសុំផ្តល់ការគាំទ្រផ្សេងៗ សមាគមស្នើសុំប្រជាពលករទាំងអស់ដែលជាអតិថិជនទាក់ទងផ្ទាល់ជាមួយគ្រឹះស្ថានធនាគារនិងហិរញ្ញវត្ថុ នៅរៀងរាល់ម៉ោងធ្វើការ ដោយភ្ជាប់មកជាមួយនូវអត្តសញ្ញាណបណ្ណ ឯកសារឥណទាន បណ្ណ/សៀវភៅការងារ និងលិខិតពាក់ព័ន្ធនានា ដើម្បីពិភាក្សារិះរកដំណោះស្រាយដ៏សមរម្យ។ សមាគមទាំងពីរ នឹងបន្តសហការជាមួយធនាគារជាតិនៃកម្ពុជា និងភាគីពាក់ព័ន្ធ ដើម្បីធានាថាគ្រឹះស្ថានហិរញ្ញវត្ថុ នៅតែចូលរួមយ៉ាងពេញលេញនិងទូលំទូលាយក្នុងការគាំទ្រដល់ការអភិវឌ្ឍសង្គម- សេដ្ឋកិច្ចជាតិ និងលើកស្ទួយជីវភាពរបស់ប្រជាជន ទៅតាមលទ្ធភាពជាក់ស្តែង និងការដឹកនាំចង្អុល បង្ហាញរបស់ធនាគារជាតិ នៃកម្ពុជា និងរាជរដ្ឋាភិបាល៕   អត្ថបទ៖ សន រដ្ឋា  រូបភាព៖ ឯកសារ 

ក្នុងឱកាសអញ្ជើញជាអធិបតីជួបសំណេះសំណាលជាមួយពិធីករពីធីការិនី និងអ្នកផលិតមាតិកាលើបណ្តាញសង្គម នៅទីស្តីការក្រសួងទេសចរណ៍ នាព្រឹកថ្ងៃទី១២ ខែមិថុនានេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានជំរុញ និងលើកទឹកចិត្ត អោយពិធីករពិធីការិនី អ្នកធ្វើការងារពាក់ព័ន្ធនឹងបណ្តាញផ្សព្វផ្សាយទំាងអស់ រួមគ្នាផ្សព្វផ្សាយ និងទាក់ទាញអ្នកទេសចរបរទេសបន្ថែម ចូលមកទស្សនាកម្ពុជា នៅ ក្នុងរដូវកាលបៃតង ពេលនេះ។       អត្ថបទ៖ ហ៊ុន ឌីណូ រូបភាព៖ ហ៊ុន សុជាតា   

នៅថ្ងៃទី១២ ខែមិថុនា ឆ្នាំ២០២៥នេះ រាជរដ្ឋាភិបាល បានចេញអនុក្រឹត្យ ស្តីពី ការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកូនអាយុក្រោម ២ឆ្នាំ តាមម្តាយនៅក្នុងពន្ធនាគារ។ ការសម្រេចនេះ ដើម្បីគិតគូរដល់សុខុមាលភាពមាតា និងទារក ព្រមទាំងរួមចំណែកដោះស្រាយកង្វះខាតអាហារូបត្ថម្ភរបស់កូន និងម្តាយ នៅក្នុងពន្ធនាគារ។ ការទូទាត់ចំណាយលើការឧបត្ថម្ភកម្មវិធីនេះ ក្នុង១វដ្ត នៃការមានផ្ទៃពោះ រហូតដល់កុមារអាយុ ២ឆ្នាំ សម្រាប់ជនជាប់ឃុំ ជាស្ត្រីមានផ្ទៃពោះ និងកូនតាមម្តាយ នៅក្នុងពន្ធនាគារ មិនត្រូវលើសពី ១ ៥២០ ០០០រៀល លើកលែងករណីសម្រាលកូនភ្លោះ។  រាជរដ្ឋាភិបាលនៅថ្ងៃទី ១២ ខែមិថុនា ឆ្នាំ២០២៥នេះ បានចេញអនុក្រឹត្យស្តីពី ការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកូនអាយុក្រោម ២ឆ្នាំតាមម្តាយនៅក្នុងពន្ធនាគារ ដើម្បីចូលរួមលើកកម្ពស់សុខុមាលភាពមាតា និងទារក ព្រមទាំងរួមចំណែកដោះស្រាយកង្វះខាតអាហារូបត្ថម្ភរបស់កូនតាមម្តាយនៅក្នុងពន្ធនាគារ ចាប់តាំងពីកូនក្នុងផ្ទៃ រហូតដល់អាយុ ២ឆ្នាំ សំដៅជំរុញការលូតលាស់ទាំងកាយសម្បទា និងបញ្ញាស្មារតី។   បើតាមការឱ្យដឹងពីឯកឧត្តម ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម បានឱ្យដឹងថា តាមរយៈកម្មវិធីឧបត្ថម្ភសាច់ប្រាក់នេះ ការគិតគូរចម្បងជាងគេបង្អស់គឺក្មេង ដែលការគិតគូរនេះ គឺគិតគូរតាំងពីក្មេងចាប់ផ្តើមចាប់កំណើតមកម្ល៉េះ ដើម្បីបង្កើនអាហារូបត្ថម្ភដល់ក្មេង។     តាមរយៈការផ្តល់ជូននេះ គឺជនជាប់ឃុំជាស្ត្រីមានផ្ទៃពោះ និងកូនអាយុក្រោម ២ឆ្នាំ តាមម្តាយនៅក្នុងពន្ធនាគារ ដែលទទួលសេវាពិនិត្យសុខភាពនៅមូលដ្ឋានសុខាភិបាលសាធារណៈ ជាដំណាក់កាលដូចជា៖ ដំណាក់កាលទី១៖ ផ្តល់ការឧបត្ថម្ភចំនួន ៨ម៉ឺនរៀលក្នុងមួយដងដែលផ្តល់ជាអតិបរិមានចំនួន ៤ដងសម្រាប់ការទទួលសេវាពិនិត្យផ្ទៃពោះមុនពេលសម្រាលកូន។  ដំណាក់កាលទី២៖ ផ្តល់ការឧបត្ថម្ភនៅពេលសម្រាលតែ ១ដងគត់ដូចខាងក្រោម គឺករណីសម្រាលកូនទោល ទទួលបានថវិការចំនួន ៤០ម៉ឺនរៀល។ ករណីសម្រាលបានកូនភ្លោះពីរនាក់ ទទួលបានថវិការចំនួន ៦០ម៉ឺនរៀល និងករណីសម្រាលបានកូនភ្លោះចំនួន ៣នាក់ នោះនឹងទទួលបានថវិការចំនួន ៨០ម៉ឺនរៀល។ ដោយឡែកក្នុងករណីស្ត្រីនោះ សម្រាលបានកូនភ្លោះលើសពី៣នាក់ នឹងទទួលបានថវិការចំនួន ២០ម៉ឺនរៀលសម្រាប់កូនភ្លោះម្នាក់បន្ថែម។  ដំណាក់កាលទី៣ គឺផ្តល់ការឧបត្ថម្ភចំនួន ៨ម៉ឺនរៀលក្នុង ១ដង ដែលផ្តល់ជាអតិបរមាចំនួន ១០ដង ក្នុង ៣ដង នៅពេលទទួលសេវាពិនិត្យសុខភាពក្រោមពេលសម្រាលកូន និង ៧ដង នៅពេលកូនទទួលថ្នាំបង្ការរហូតដល់កូនអាយុ ២ឆ្នាំ៕   អត្ថបទ៖ អ៊ីសា ហាសាណះ  រូបភាព៖ ក្រមប្រឹក្សាជាតិគាំពារសង្គម   

ជាងដំដែក នៅក្រុងអរិយក្សត្រ បន្តរក្សាក្បួនខ្នាតបែបបុរាណ ទោះបីរកចំណូលមិនបានច្រើនយ៉ាងក៏ដោយបច្ចុប្បន្ន វិធីធ្វើកាំបិត ចប និងឧបករណ៍ផ្សេងៗ សម្រាប់វិស័យកសិកម្ម បានឈានដល់ការផលិតដោយម៉ាស៊ីន។ ប៉ុន្តែលោក សុស វ៉ាន់នី នៅតែបន្តប្រកបមុខរបរដំដែក ដោយរក្សាក្បួនខ្នាតបែបបុរាណ ដើម្បីរក្សាទំនៀមទម្លាប់ខ្មែរផង និងសម្រាប់ខ្មែរជំនាន់ក្រោយផង។    អត្ថបទ៖ តុល សុភ័ណ រូបភាព៖ ឆិល សុភ័ស្ត   

 អភិបាលរាជធានីភ្នំពេញ ឯកឧត្តម ឃួង ស្រេង បានជំរុញកងកម្លាំងសមត្ថកិច្ច និងអាជ្ញាធរខណ្ឌទាំង១៤ បង្កើនវិធានការបង្ក្រាបម៉ូតូ និងរថយន្តច្នៃបំពង់ស៊ីម៉ាំងខុសលក្ខណៈបច្ចេកទេស និងបង្កសំឡេងរំខាន ហើយធ្វើចរាចរណ៍នៅក្នុងភូមិសាស្ត្ររាជធានីភ្នំពេញ ។ ការជំរុញនេះបានធ្វើឡើង នៅក្នុងកិច្ចប្រជុំសាមញ្ញលើកទី១៣ របស់ក្រុមប្រឹក្សារាជធានីភ្នំពេញ នៅសាលារាជធានីភ្នំពេញ នាព្រឹកថ្ងៃទី១១ មិថុនានេះ។ ឯកឧត្ដម ឃួង ស្រេង បានលើកឡើងថា ការបង្ក្រាបម៉ូតូ និងរថយន្តច្នៃបំពង់ស៊ីម៉ាំងខុសលក្ខណៈបច្ចេកទេស និងបង្កសំឡេងរំខាន កន្លងមកអាជ្ញាធររាជធានីភ្នំពេញបានអនុវត្តការងារនេះ បានជាច្រើនមកហើយ ប៉ុន្តែទោះបីជាយ៉ាងណា ត្រូវមានវិធានការចំពោះបញ្ហានេះបន្តទៀត ដើម្បីរក្សាសណ្តាប់ធា្នប់នៅក្នុងរាជធានីភ្នំពេញ។ សម្រាប់ការងារចំពោះមុខ ឯកឧត្តម ក៏ណែនាំឲ្យបង្កើនការផ្សព្វផ្សាយអប់រំ ដល់អ្នកប្រើប្រាស់ម៉ូតូ និងរថយន្តឲ្យយល់ដឹង ការរំខាននៃច្នៃបំពង់ស៊ីម៉ាំងខុសលក្ខណៈបច្ចេកទេស និងបង្កសំឡេងរំខានផងដែរ។ ក្រៅផ្តោតលើវិធានការបង្ក្រាបម៉ូតូច្នៃបំពង់ស៊ីម៉ាំងដែលបង្កការរំខាន ឯកឧត្ដម ឃួង ស្រេង ក៏បានជំរុញឲ្យអាជ្ញាធរ និងកងកម្លាំងសមត្ថកិច្ច បន្តការរឹតបន្តឹងច្បាប់ចរាចរណ៍ផ្លូវគោក ពិសេសរថយន្តដឹកធ្ងន់ដែលដាក់វាំងននបិទជិត បង្កហានិភ័យច្រើនដល់គ្រោះថ្នាក់ចរាចរណ៍ ដោយផ្សព្វផ្សាយ អប់រំឱ្យច្រើនជាងការផាកពិន័យ។  ពាក់ព័ន្ធនឹងការបង្ក្រាបម៉ូតូច្នៃបំពង់ស៊ីម៉ាំងបង្កការរំខាននេះ រយៈពេលតែ៦ថ្ងៃប៉ុណ្ណោះ ពោលគឺចាប់ពីថ្ងៃទី៣០ ខែឧសភា រហូតដល់ថ្ងៃទី០៤ ខែមិថុនា កម្លាំងនគរបាលរាជធានីភ្នំពេញ បានឃាត់ម៉ូតូប្រើប្រាស់បំពង់ស៊ីម៉ាំងខុសលក្ខណៈបច្ចេក សរុបចំនួនបាន១២៦គ្រឿង ។  ក្នុងនោះសមត្ថកិច្ចក៏ បានណែនាំអប់រំ និងធ្វើកិច្ចសន្យាដល់អ្នកបើកបរម៉ូតូ និងតម្រូវឱ្យម្ចាស់ម៉ូតូយកបំពង់ស៊ីម៉ាំងដើមមកដោះដូរ ដើម្បីប្រគល់ម៉ូតូឱ្យត្រឡប់ទៅផ្ទះវិញ ។  ទន្ទឹមគ្នានេះ កម្លាំងនគរបាលរាជធានីភ្នំពេញ ក៏បានចុះផ្សព្វផ្សាយណែនាំតាមបណ្ដាហាងជួសជុល លក់សម្ភារម៉ូតូ និងរថយន្ត និងហាមមិនឱ្យមានលក់ និងដំឡើង ឬកែច្នៃ ស៊ីផ្លេ បំពង់ស៊ីមុំាងម៉ូតូ និងរថយន្ដ គ្រប់ប្រភេទផងដែរ៕  អត្ថបទ៖ សន រដ្ឋា  រូបភាព៖ ក្រុមការងាររដ្ឋបាលរាជធានីភ្នំពេញ  

'ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ TVET លើកទី៨ ឆ្នាំ២០២៥ នឹងធ្វើឡើងរយៈពេល ២ថ្ងៃ គឺនៅថ្ងៃទី១៥ និងថ្ងៃទី១៦ ខែមិថុនាខាងមុខ។ វេទិកាជាតិនេះ ធ្វើឡើងក្រោមប្រធានបទ « TVET បង្កើតឱកាសការងារ សាងក្តីសង្ឃឹមដល់យុវជន» ដោយមន្ត្រីជាន់ខ្ពស់ក្រសួងការងារ និងបណ្តុះបណ្តាលវិជ្ជាជីវៈ រំពឹងថា យុវជន និងប្រជាពលរដ្ឋនឹងចូលរួមក្នុងទិវាប្រចាំឆ្នាំនេះ យ៉ាងច្រើនកុះករ។  ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៨ ឆ្នាំ២០២៥ នឹងត្រឡប់មកជាថ្មីនៅថ្ងៃទី ១៥ និង ១៦ ខែមិថុនា ឆ្នាំ២០២៥នេះ ក្រោមប្រធានបទ «TVET បង្កើតឱកាសការងារ សាងក្តីសង្ឃឹមដល់យុវជន»។  ទិវាជាតិនេះ នឹងធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។  បើតាមការឱ្យដឹងពីឯកឧត្តម ហ៊ីង ស៊ីដេត ប្រតិភូរាជរដ្ឋាភិបាលទទួលបន្ទុកអគ្គនាយក នៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ នៅក្នុងសន្និសិទសារព័តមាននៅព្រឹកថ្ងៃទី ១០ ខែមិថុនា ឆ្នាំ ២០២៥នេះ នៅទីស្តីការក្រសួងការងារ និងបណ្តុះបណ្តាល វិជ្ជាជីវៈ ទិវាជាតិនេះ រំពឹងថាមានការចូលរួមពីយុវជនប្រមាណ ៧ម៉ឺននាក់ក្នុងរយៈពេល ២ថ្ងៃនេះ។  ទិវាជាតិនេះ ក្រសួងនឹងរៀបចំដាក់តាំងបង្ហាញពីវឌ្ឍនភាពពីវិស័យអប់រំបណ្តុះបណ្តាល បច្ចេកទេស និងវិជ្ជាជីវៈ ដែលមានការចូលរួមពីក្រសួង ស្ថាប័ន គ្រឹះស្ថានសិក្សា វិស័យឯកជន ដៃគូអភិវឌ្ឍ និងផ្នែកពាក់ព័ន្ធនានាសរុបចំនួន ១៣៤ ស្មើនឹង ២០៥ស្តង់ ព្រមទាំងមានការធ្វើបទបង្ហាញចែករំលែកបទពិសោធន៍ពីវាគ្មិនល្បីៗ និងកម្មវិធីសំខាន់ៗដូចជា៖ កិច្ចពិភាក្សាលើប្រធានបទ ស្តីពី «TVET បង្កើតឱកាសការងារ សាងក្តីសង្ឃឹមដល់យុវជន» ការចែករំលែកបទពិសោធន៍ការអភិវឌ្ឍន៍ជំនាញ និងកម្មវិធី ASEAN Year of Skills 2025 របស់ប្រទេសម៉ាឡេស៊ី និងគ្រឹះស្ថាន TVET មកពីប្រទេសចិន ការធ្វើតេស្តវាយតម្លៃផ្អែកលើសមត្ថភាព ដើម្បីទទួលបានគុណវុឌ្ឍិជាតិ និងទទួលបានសញ្ញាបត្របញ្ជាក់សមត្ថភាព ការតាំងបង្ហាញស្នាដៃសិស្ស និស្សិត របស់គ្រិះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ ដូចជា រ៉ូបូតអាចនិយាយឆ្លើយឆ្លងជាមួយមនុស្ស រ៉ូបូតឆុងកាហ្វេដោយស្វ័យប្រវត្តិ ព្រមទាំងឧបករណ៍ សម្ភារ និងស្នាដៃស្រាវជ្រាវ គំនិតច្នៃប្រឌិតរបស់សាធារជនដែលអាចប្រើប្រាស់ក្នុងវិស័យឧស្សាហកម្ម ពាណិជ្ជកម្ម កសិកម្ម និងវិស័យសំណង់ ការតាំងបង្ហាញសមិទ្ធផលនានារបស់ក្រសួង ស្ថាប័ន គ្រឹះស្ថានសិក្សា អង្គការសមាគម ព្រមទាំងខ្សែសង្វាក់ផលិតកម្មក្រុមហ៊ុនឯកជននានា ការទទួលបានព័ត៌មានសិក្សាអំពីកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស មួយលានប្រាំសែននាក់ ព័ត៌មានអាហាររូបករណ៍ ហើយអាចមកចុះឈ្មោះរៀនភ្លាមៗបានដោយផ្ទាល់ និងអាចមកដាក់ពាក្យស្វែងរកការងារភ្លាមៗ ជាមួយក្រុមហ៊ុនធំ ក្នុងថ្ងៃនោះ និងមានកម្មវិធីកម្សាន្តផ្សេងៗទៀតផងដែ។ អ្វីដែលកាន់តែពិសេសនោះ គឺទិវាជាតិនេះ ក៏នឹងប្រារព្ធព្រមគ្នានៅគ្រប់ខេត្តទូទាំងប្រទេសផងដែរ។ អាស្រ័យហេតុនេះ សូម សិស្ស និស្សិត យុវជន កម្មការនិយោជិត មាតាបិតា អាណាព្យាបាល និងសាធារណជន ជាពិសេសបណ្តាអ្នកសារព័ត៌មានជាតិ និងអន្តរជាតិ ជ្រាបជាព័ត៌មាន និងចូលរួមទស្សនាដោយសេរី។  អត្ថបទ៖ អ៊ីសា ហាសាណះ  រូបភាព៖ ហ៊ុន សុជាតា  

ក្រៅតែពីបណ្ដុះបណ្ដាលផ្នែកតន្ត្រី ចម្រៀង អក្សរស្ទាប និងកុំព្យួទ័រ ជាដើម សមាគមតន្ត្រីសំនៀងជនពិការ ដោយទទួលបានការគាំទ្រពីរដ្ឋមន្ត្រីក្រសួងសង្គមកិច្ច សហការជាមួយក្រសួងទេសចរណ៍ បានបើកវគ្គបណ្ដុះបណ្ដាលផ្នែកម៉ាស្សា ដល់ជនពិការភ្នែក ចាប់ពីកម្រិតដំបូង រហូតដល់កម្រិតខ្ពស់។ សំខាន់បំផុត ការបណ្តុះបណ្តាលជំនាញនេះ គឺមិនយកថវិកា ថែមទាំងជូនអាហារ និងកន្លែងស្នាក់នៅទៀតផង។      អត្ថបទ៖ ខឿន សាឃាង  រូបភាព៖ សែត ប៊ុនថាន់ និងមន្ត្រី  

ផ្តើមចេញពីការហាត់ប្រាណ ដើម្បីព្យាបាលជំងឺសួត លោក អ៊ុន ប៊ូរ៉ាត់ ចំណាយពេលជាង១០ឆ្នាំ ឈ្នះមេដាយមាស១ ប្រាក់២ សំរិទ្ធ១  កីឡាកាយវប្បកម្មខ្មែរ បានឈ្នះមេដាយ រហូតដល់ទៅ ៣គ្រឿងពីប្រទេសវៀតណាម មានមេដាយមាស១ ប្រាក់២ សំរិទ្ធ១។ ការទទួលបានជោគជ័យនេះ ផ្តើមចេញពីការហាត់ប្រាណ ដើម្បីសុខភាព និងព្យាបាលជំងឺសួត។      អត្ថបទ៖ តុល សុភ័ណ រូបភាព៖ ឆិល សុភ័ស្ត 

 ពិព័រណ៌អាពាហ៍ពិពាហ៍ លើកទី២ នឹងធ្វើឡើង នាថ្ងៃទី១៨-១៩ និងថ្ងៃទី២០ ខែកក្កដា ឆ្នាំ២០២៥ នៅ ដឹព្រមៀ សេនធ័រ សែនសុខ។ ក្នុងពិធីនេះ នឹងមានការរៀបចំអាពាហ៍ពិពាហ៍ ដល់គូស្រករ ដែលមិនមានលទ្ធភាព ចំនួន ៥គូ។ ការរៀបចំរៀបអាហ៍ពិពាហ៍ដល់អ្នក ដែលពុំមានលទ្ធភាព និងពុំមានឱកាស ដើម្បីរៀបការនេះ ទាំងគូស្រករ និងទាំងឪពុកម្តាយរបស់កូនកម្លោះកូនក្រមុំ បានសម្តែងនូវការរីករាយឥតឧបមា ដែលពួកគេ មិននឹកស្មានថា មានឱកាសរៀបការ នៅក្នុងកម្មវិធីធំបែបនេះទេ។  នៅក្នុងពិព័រណ៌អាពាហ៍ពិពាហ៍ លើកទី២ ដែលរៀបចំដោយ ដឹព្រេមៀ សេនធ័រសែនសុខ នៅថ្ងៃទី ១៨ ១៩ និង២០ ខែកក្កដាខាងមុខនេះ កាន់តែខិតជិតមកដល់ គូរស្រករដែលមិនមានលទ្ធភាពចំនួន ៥គូរ ក៏បានត្រៀមលក្ខណៈចូលរួមរៀបការនៅក្នុងកម្មវិធីដ៏ធំនេះ ដែលមានការចូលរួមពីប្រមុខថ្នាក់ដឹកនាំធំៗជាច្រើន នៅក្នុងកម្មវិធីរបស់ពួកគេ ដែលរៀបចំ និងរ៉ាប់រងដោយ  ដឹព្រេមៀ សេនធ័រសែនសុខ។  លោកស្រី ប៉ុម ឡុង មានស្រុកកំណើតនៅខេត្តតាកែវ និងកំពុងរស់នៅជាមួយកូនៗនៅរាជធានីភ្នំពេញ បានសម្រក់ទឹកភ្នែក ដោយសារកត្តាជីវភាព ស្របពេលដែលកូនៗសុទ្ធសឹងតែជាអ្នកលំបាក មិនដែលមានលទ្ធភាពរៀបចំអាពាហ៍ពិពាហ៍ស្របទៅតាមប្រពៃណីទំនៀមទម្លាប់ម្តងណាឡើង និងទទួលដំណឹងថា កូនៗរបស់លោកស្រីត្រូវបានផ្តល់ឱកាសឱ្យរៀបអាពាហ៍ពិពាហ៍នៅក្នុងពិព័រណ៌ខាងមុខនេះ ជាគូរស្រករដែលមិនមានលទ្ធភាពមួយគូរ ក្នុងចំណោម ៥គូរនៅទូទាំងប្រទេស។    ដោយឡែកកញ្ញា តាន់ ណារី ជាកូនក្រមុំមួយរូបដែលត្រូវរៀបអាពាហ៍ពិពាហ៍នៅក្នុងពិព័រណ៌ខាងមុខនេះ បានថ្លែងអំណរគុណយ៉ាងធំធេងដល់ ដឹព្រេមៀ សេនធ័រសែនសុខ ដែលបានផ្តល់ឱ្យខ្លួនរៀបការនៅក្នុងឱកាសនេះ ដែលកន្លងមកខ្លួនមិនដែលសូម្បីតែគិតពីការរៀបចំអាពាហ៍ពិពាហ៍ឱ្យបានសមរម្យ ដោយហេតុថា ជីវភាពខ្វះខាតខ្លាំង។ ចំណែកលោក ចាន់ ទូច ជាកូនកម្លោះ បានឱ្យដឹងថា លោកបានឃើញការផ្សព្វផ្សាយព័ត៌មានពីការជ្រើសរើសគូរស្រករដែលមិនមានលទ្ធភាពទៅរៀបអាពាហ៍ពិពាហ៍នៅក្នុងពិព័រណ៌អាពាហ៍ពិពាហ៍នៅក្នុងឆ្នាំនេះ និងបានសាកទាក់ទងសួរព័ត៌មាន ដោយមិនរំពឹងថា ជាប់នៅក្នុងលក្ខខណ្ឌរបស់គេនោះទេ។  សូមបញ្ជាក់ដែរថា ពិព័រណ៍អាពាហ៍ពិពាហ៍ ដែលគ្រោងនឹងធ្វើឡើងនៅថ្ងៃទី១៨ ១៩ និង២០ ខែកក្កដាខាងមុខនេះ នឹងកាន់តែប្លែកពីរាល់ឆ្នាំ ដែលកន្លងមក ពិព័រណ៌នេះ នាំមកនូវបណ្តុំសេវាកម្មជាច្រើនដែលបម្រើក្នុងវិស័យរោងការ ដូចជា ចុងភៅ ដេគ័រ សម្អាងការ ថតរូប ភេសជ្ជៈ  ពិធីការ ពីសព្រំ  គ្រឿងអលង្ការ និងតន្ត្រីសម័យជាដើម ជាមួយនឹងការផ្តល់ជូននូវការបញ្ចុះតម្លៃយ៉ាងច្រើនពី បណ្តាសេវាកម្មរោងការទាំងអស់ដែលបានតាំងបង្ហាញសេវាកម្មរបស់ខ្លួននៅក្នុងកម្មវិធីនេះ។ ហើយអ្វីដែលកាន់តែពិសេសនោះ គឺមានការរៀបចំអាពាហ៍ពិពាហ៍ដល់គូរស្រករដែលមិនមានលទ្ធភាពចំនួន ៥គូរថែមទៀត ព្រមជាមួយការប្រគុំតន្ត្រីខ្នាតធំ ពីតារាល្បីៗជាច្រើនរូបផងដែរ៕    អត្ថបទ៖ អ៊ីសា ហាសាណះ រូបភាព៖ ហ៊ុន សុជាតា   

ផ្សារបន្លែផ្លែឈើសុវត្ថិភាព បានប្រឹងប្រែងជួយបណ្តុះបណ្តាលកសិកររាប់រយនាក់ តាមបណ្តាខេត្តសំខាន់ៗ តាំងពីជ្រើសពូជបន្លែផ្លែឈើ និងដាំឱ្យត្រូវតាមតម្រូវការទីផ្សារ។មិនត្រឹមតែប៉ុណ្ណោះ សន្យាប្រមូលទិញក្នុងតម្លៃកិច្ចសន្យាទៀតផង។    ផ្សារបន្លែផ្លែឈើសុវត្ថិភាពមួយនេះ សន្យាថា នឹងជួយកសិករកាន់តែច្រើនថែមទៀត ដើម្បីឱ្យការផលិតកាន់តែបានទិន្នផលល្អប្រសើរ និងកសិករទទួលបានប្រាក់ចំណេញខ្ពស់ និងអតិថិជនទទួលបានតម្លៃសមរម្យ។     អត្ថបទ៖ តុល សុភ័ណ រូបភាព៖ ឆិល សុភ័ស្ត  

បច្ចុប្បន្ននេះ ពលរដ្ឋខ្មែរកាន់តែច្រើន ចាប់អារម្មណ៍ដាំដូង ដើម្បីធ្វើអាជីវកម្ម ទាំងក្នុងស្រុក និងក្រៅស្រុក។ ប៉ុន្តែកសិករខ្មែរ មានរបៀបដាំដុះផ្សេងៗគ្នា។ កសិករខ្លះ ចំណាយច្រើន ហើយកសិករខ្លះ ចំណាយតិចទៅតាមបទពិសោធន៍។ ជាក់ស្តែង កសិករនៅស្រុកសំឡូត ខេត្តបាត់ដំបង បានដាំដូងក្រអូបជាង ៥ពាន់ដើម តាមបែបដូនតា និងចំណាយតិចបំផុត។       អត្ថបទ៖ តុល សុភ័ណ រូបភាព៖ ឆិល សុភ័ស្ត  

កាលពីប៉ុន្មានថ្ងៃមុននេះ អគ្គនាយកដ្ឋានបច្ចេកវិទ្យាគមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាគមន៍ បានរៀបចំការប្រកួតប្រជែងសន្តិសុខសាយប័រ ប្រចាំឆ្នាំរបស់ខ្លួន យ៉ាងជោគជ័យអស្ចារ្យ។  តទៅនេះ គឺជាការចែករំលែកបទពិសោធរបស់បេក្ខនារីម្នាក់ និងបេក្ខជនម្នាក់ ដែលបានចូលរួមប្រកួតប្រជែងនោះ។     iframe width="560" height="315" src="https://www.youtube.com/embed/eez9ZjhBds0?si=252-aFN1n1vs_DBa" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen>  អត្ថបទ៖ ខឿន សាឃាង  រូបភាព៖ សែត ប៊ុនថាន់  

នៅថ្ងៃទី២៩ ខែឧសភាខាងមុខនេះ ទីភ្នាក់ងារជាតិ និងមុខរបរ NEA នឹងនាំមកនូវឱកាសការងារជិត ៦០០កន្លែង សម្រាប់សិស្ស និស្សិត និងអ្នកដែលកំពុងស្វែងរកការងារធ្វើ។  វេទិកាការងារ ដែលនឹងធ្វើឡើងនៅចុងខែឧសភានេះ នឹងមានក្រុមហ៊ុនធំៗចំនួន ១០ ចូលរួម។ ដូច្នេះអ្នកដែលស្វែងរកការងារធ្វើ អាចយកប្រវត្តិរូបសង្ខេប ដើម្បីចូលរួមក្នុងវេទិកានេះ ដោយអាចដាក់ពាក្យភ្លាម សម្ភាសភ្លាម នៅទីតាំងផ្ទាល់ នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ ជាប់នឹងវិទ្យាស្ថានភាសាបរទេស IFL ក្នុងរាជធានីភ្នំពេញ។ នៅថ្ងៃទី២៩ ខែឧសភា ខាងមុខនេះ NEA នឹងនាំយកឱកាសការងារថ្មីៗយ៉ាងតិច៥៧៤កន្លែង ផ្តល់ជូនយុវជន សិស្ស និស្សិត និងអ្នក កំពុងស្វែងរកការងារ ក្នុងវេទិកាការងាររបស់ ទីភ្នាក់ងារជាតិមុខរបរ និងការងារ ព្រមទាំងឱកាសកម្មសិក្សាការងារនៅមជ្ឈមណ្ឌលការងាររាជធានីភ្នំពេញ។ វេទិកាការងារនេះនឹងរៀបចំឡើងចាប់ពីម៉ោង៨ព្រឹកដល់ម៉ោង៥ល្ងាច នៅអគារទីភ្នាក់ងារជាតិមុខរបរ និងការងារ ក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។   ក្នុងឱកាសនោះដែរ នឹងមានក្រុមហ៊ុនធំៗចំនួន១០ ដែលចូលរួមក្នុងនោះរួមមាន៖ ក្រុមហ៊ុនមីក្រូហិរញ្ញវត្ថុ JACCS, ក្រុមហ៊ុន ខូហ្វី (Kofi), ក្រុមហ៊ុន មហានគរ, ភោជនីយដ្ឋាន HAILA, ក្រុមហ៊ុន ដាយអ៊ិឈិ ឡាយ, ក្រុមហ៊ុនស៊ីប៊ីស៊ី, ធនាគារ អេ អឹម ខេ, ភោជនីយដ្ឋាន Elevent One Kitchen, ក្រុមហ៊ុន PH Restaurant, ក្រុមហ៊ុន SNKH Cambodia ដែលនឹងជ្រើសរើសបុគ្គលិកភ្លាមៗនៅទីភ្នាក់ងារជាតិមុខរបរ និងការងារ (NEA) ផ្ទាល់តែម្ដង។  ដូច្នេះយុវជន សិស្ស និស្សិត និងអ្នកកំពុង ស្វែងរកការងារធ្វើ ឬចង់ផ្លាស់ប្តូរការងារ អាចយកប្រវត្តិរូបសង្ខេប (CV) ដើម្បីចូល រួមដាក់ពាក្យ និងសម្ភាសផ្ទាល់ជាមួយ អ្នកតំណាងក្រុមហ៊ុនទាំងនោះ ពោលគឺដាក់ ភ្លាមសម្ភាសភ្លាមតែម្ដង។សម្រាប់ព័ត៌មានបន្ថែម សូមយុវជន សិស្ស/និស្សិត និងអ្នកស្វែងរកការងារ ទាក់ទង មជ្ឈមណ្ឌលការងាររាជធានីភ្នំពេញ នៃទីភ្នាក់ងារជាតិមុខរបរ និងការងារ (NEA) តាមរយៈលេខទូរស័ព្ទ៖ ០៧៧ ២៣២ ៣៧៨ / ០១៦ ៧៨៦ ៦៥៥ ឬគេហទំព័ររបស់ NEA និងតាមរយៈទំព័រហ្វេសប៊ុក neakhmer ឬតិកតុក ការងារខ្ញុំ-My Job ដើម្បីទទួលបានព័ត៌មានបន្ថែម៕   អត្ថបទ៖ អ៊ីសា ហាសាណះ  រូបភាព៖ NEA   

 តាមការប្រកាសរបស់ក្រសួងសុខាភិបាល ក្នុងរយៈពេល ៤០នាទី មានមនុស្សម្នាក់ បានស្លាប់ដោយសារជំងឺមហារីក ដែលជាការព្រួយបារម្ភ សម្រាប់ពលរដ្ឋទូទៅ។ ជាក់ស្តែង ពលរដ្ឋនៅរាជធានីភ្នំពេញ ដែលមានលទ្ធភាព បានជ្រើសរើសបន្លែល្អ បន្លែដែលគ្មានសារធាតុគីមី និងសំណូមពរឱ្យពលរដ្ឋនៅតាមទីជនបទ ដែលមានដីទំនេរ គួរដាំដុះបន្លែឱ្យបានច្រើន រួមចំណែកបញ្ចៀសជំងឺមហារីក។       អត្ថបទ៖ តុល សុភ័ណ រូបភាព៖ ឆិល សុភ័ស្ត