ថ្ងៃព្រហស្បតិ៍ ទី០៦ ខែតុលា ឆ្នាំ២០២២

៨ខែដើមឆ្នាំ មហាអំណាចសេដ្ឋកិច្ចចិន ទទួលបានលំហូរវិនិយោគចូលជាង ១៣៨ពាន់លានដុល្លារ

២០ កញ្ញា ២០២២ | សេដ្ឋកិច្ច

 

 

ក្នុងរយៈពេល ៨ខែ ដើមឆ្នាំ ២០២២នេះ មហាអំណាចសេដ្ឋកិច្ចចិន បានទាក់ទាញលំហូរវិនិយោគពីបរទេសជាង ១៣៨ពាន់លានដុល្លារអាមេរិក ដែលមានកើនឡើង ២០% បើប្រៀបធៀបនឹងរយៈពេលដូចគ្នា កាលពីឆ្នាំមុន។ 

 

 

ក្រសួងពាណិជ្ជកម្មចិន បានប្រកាសថា លំហូរវិនិយោគពីបរទេសចូលមកកាន់ ចិន នៅតែបន្តមានកើនឡើងតាំងពីដើមឆ្នាំមកម្ល៉េះ ដោយការវិនិយោគនៅក្នុងគ្រប់វិស័យ សម្រេចបានជាង ១៣៨ពាន់លានដុល្លារ ដោយក្នុងនោះ វិស័យឧស្សាហកម្មបច្ចេកវិទ្យាទំនើប កើនឡើង ៤៣% ខណៈវិស័យសេវាកម្មបច្ចេកវិទ្យាទំនើប មានកំណើនខ្ពស់ដល់ ៣១% ធៀបនឹងពេលដូចគ្នាកាលពីឆ្នាំមុន។

 


អំឡុងពេលនេះ ការវិនិយោគដោយផ្ទាល់ពី ប្រទេសកូរ៉េខាងត្បូង មានការកើនឡើងខ្លាំងជាងគេបំផុតដល់ទៅ ៥៩% ខណៈប្រទេសអាល្លឺម៉ង់ កើនឡើង ៣០% ជប៉ុន កើន ២៦% និងចក្រភពអង់គ្លេសកើនឡើង ១៧%។  សូមរម្លឹកថា លំហូរវិនិយោគផ្ទាល់ពីបរទេស ទៅកាន់ប្រទេសចិន បានកើនឡើង ២០% ដល់កម្រិតខ្ពស់បំផុត ១៧៩ពាន់លានដុល្លារអាមេរិក ក្នុងឆ្នាំ ២០២១៕

 

 

 

អត្ថបទ៖ ងួន សុភ័ត្រ្តា រូបភាព៖ ឯកសារ

 

 

ព័ត៌មានដែលទាក់ទង

Copyright © 2016 PNN NEWS. All Rights Reserved.