ថ្ងៃព្រហស្បតិ៍ ទី០៧ ខែកក្កដា ឆ្នាំ២០២២

“ស្នេហ៍ក្រោមពពកខ្មៅ” ភាគយន្តភាគថៃថ្មី អមជាមួយសាច់រឿងស្នេហាយុវវ័យប្លែកមិនធ្លាប់ទស្សនាពីមុនកំពុងមានវត្តមាននៅ PNN 

២២ កុម្ភៈ ២០២២ | កម្សាន្ដ

 

“ស្នេហ៍ក្រោមពពកខ្មែរ” ខ្សែភាពយន្តភាគថៃថ្មីដែលទស្សនិកជនមិនធ្លាប់បានទស្សនាពីមុនមក អមជាមួយសាច់រឿងស្នេហាបែបយុវវ័យសម័យថ្មីកំពុងចាក់បញ្ចាំងលើកញ្ចក់ទូរទស្សន៍ PNN ។  ខ្សែភាពយន្តភាគថ្មីមួយរឿងទៀត កំពុងបម្រើអារម្មណ៍ទស្សនិកជនជាបន្ទាប់ពីរឿង “វិថីស្នេហ៍កូនភ្លោះ” ត្រូវបានបញ្ចប់ទៅ នោះគឺ រឿង «ស្នេហ៍ក្រោមពពកខ្មៅ »ដែលជាសាច់រឿងស្នេហាថ្មី ប្លែក ជារឿងភាគមុនៗ។ 

 


ទស្សនិកជន ដែលនិយមតាមដានរឿងភាគថៃ នឹងជក់ចិត្ត ប្លែកអារម្មណ៍ ពីចំណងសាច់រឿងថ្មីមួយនេះ បង្កប់ទៅដោយស្នាមស្នេហ៍គំនុំពីជីវិតយុវវ័យមួយគូ។ ក្តីស្រឡាញ់ ប្រែទៅជាការស្អប់ និងការគុំគួន បានធ្វើឲ្យនារីម្នាក់ផ្លាស់ប្តូរនិស្ស័យរបស់ខ្លួន ដោយល្បិចពិសពុលឈាមត្រជាក់យ៉ាងសាហាវ។ នៅក្នុងសាច់រឿងនេះ តួអង្គ ឆាឡាថុន និង ប្រាវមុក ត្រូវបានគ្រួសាររៀបចំឲ្យរៀបការជាមួយគ្នា ដោយសំអាងទៅលើរឿងអបិយជំនឿ កាត់នូវសំណាងអាក្រក់ដែលនឹងកើតមាននៅលើ ឆាឡាថុន។

 


ការរៀបការនេះ វាគ្រាន់តែធ្វើឡើងដើម្បីតម្រូវចិត្តគ្រួសាររបស់ឆាឡាថុនតែប៉ុណ្ណោះ ព្រោះគេមានជំនឿ ប្រាវមុក ជានារីដែលអាចកម្ចាត់នូវសំណាងអាក្រក់ចេញពីខ្លួនរបស់ឆាឡាថុនបាន។ ការពិតនៃពួកគេទាំងពីរ គឺប្រាវមុក មិនត្រូវបានឆាឡាថុន ចាត់ទុកជាភរិយានោះទេ ផ្ទុយទៅវិញថែមទាំងមានចិត្តស្អប់ទៀតផង។ ថ្ងៃមួយ សំណាងអាក្រក់នៅតែកើតមាននៅលើឆាឡាថុនដដែល ដែលពេលនោះ ប្រាវមុក ត្រូវបានរៀបចំឲ្យមានពិធីអាពាហ៍ពិពាហ៍ជាថ្មីម្តងទៀត។

 


ក្នុងជីវិតរបស់ពួកគេ មានតែបញ្ហាដែលមើលមុខគ្នាមិនចំ រស់នៅដោយមិនមែនជាប្តីប្រពន្ធ ប៉ុន្តែមើលទៅប្រាវមុក នៅតែព្យាយាមយកឈ្នះបេះដូងរបស់ឆាឡាថុនគ្រប់ពេល។ ដោយចង់ឈ្នះទៅលើប្រាវមុកវិញ ឆាឡាថុន បានបង្វែរចិត្តទាក់ទងមិត្តស្រីម្នាក់ទៀត ដើម្បីធ្វើឲ្យប្រាវមុកដកចិត្តចេញពីខ្លួន ។ ប្រាវមុក នៅតែប្រកាន់ចិត្តឈ្នះទៅលើរឿងស្នេហាមួយនេះ បើទោះជាមានវត្តមានអ្នកទីបីយ៉ាងណាក៏ដោយ។ 

 


នេះគ្រាន់តែជាការសង្ខេបសាច់រឿងទាំងមូលតែប៉ុណ្ណោះ តែសម្រាប់ការបង្ហាញនូវឈុតឆាកល្អមើលជក់ចិត្តយ៉ាងណាទៀតនោះ សូមរង់ចាំទស្សនានៅក្នុងរឿង «ស្នេហ៍ក្រោមពពកខ្មៅ» ដែលកំពុងផ្សាយជូនទស្សនានៅលើកញ្ចក់ទូរទស្សន៍ភីអិនអិន  ពីថ្ងៃចន្ទ ដល់ថ្ងៃសុក្រ វេលាម៉ោង ០៦ ល្ងាច៕

 

 

អត្ថបទ និងរូបភាព៖ PNN 

 

ព័ត៌មានដែលទាក់ទង

Copyright © 2016 PNN NEWS. All Rights Reserved.