ថ្ងៃអង្គារ៍ ទី០៧ ខែឧសភា ឆ្នាំ២០២៤
ថ្ងៃអង្គារ៍ ទី០៧ ខែឧសភា ឆ្នាំ២០២៤
នៅថ្ងៃទី០៤ ខែមិថុនា នេះ អគ្គស្នងការដ្ឋាននគរបាលជាតិ បានបើកកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការប្រចាំខែឧសភា និងដាក់ចេញទិសដៅអនុវត្តបន្ត ។ កិច្ចប្រជុំនាយឧត្តមសេនីយ៍ អគ្គស្នងការនគរបាលជាតិ បានជំរុញអោយនាយកដ្ឋាន អង្គភាពជំនាញ និងស្នងការដ្ឋាននគរបាលខេត្តជាប់ព្រំដែនទាំងអស់ ត្រូវធ្វើការទប់ស្កាត់ការនាំពលករឆ្លងដែនខុសច្បាប់ចូលទៅប្រទេសជិតខាងតាមច្រករបៀង។
បើតាមឯកឧត្តម ឧត្តមសេនីយ៍ឯក ឆាយ គឹមឃឿន អគ្គស្នងការរងនិងជា អ្នកនាំពាក្យអគ្គស្នងការនគរបាលជាតិ បានបញ្ជាក់ថា កិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការប្រចាំខែឧសភា និងដាក់ចេញទិសដៅអនុវត្តបន្ត នៅព្រឹកថ្ងៃទី០៤ ខែមិថុនានេះ នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ បានជំរុញអោយនាយកដ្ឋាន អង្គភាពជំនាញ និងស្នងការដ្ឋាននគរបាលខេត្តជាប់ព្រំដែនទាំងអស់ ត្រូវធ្វើការទប់ស្កាត់ការនាំពលករឆ្លងដែនខុសច្បាប់ចូលទៅប្រទេសជិតខាងតាមច្រករបៀង។
ឯកឧត្តម ឧត្តមសេនីយ៍ឯក បានបន្ថែមថា ក្រៅពីការជំរុញការងារទប់ស្កាត់ការនាំពលករឆ្លងដែនខុសច្បាប់ នាយឧត្តមសេនីយ៍ អគ្គស្នងការនគរបាលជាតិ ក៏មានការលើកទឹកចិត្តអោយមានការបង្កបង្កើនផលនៅនឹងកន្លែង ដើម្បីលើកកម្ពស់ជីវភាពកងកម្លាំងតាមវរសេនាតូចនគរបាលការពារព្រំដែនតាមលទ្ធភាពជាក់ស្តែង។
គួរបញ្ជាក់ថា ដោយសារប្រជាពលរដ្ឋខ្មែរមួយចំនួន ត្រូវបានមេខ្យល់នាំឆ្លងដែនខុសច្បាប់ចូលទៅក្នុងប្រទេសជិតខាង ខណៈពេលដែលប្រទេសជិតខាងទាំងនោះកំពុងដាក់ប្រទេសក្នុងគ្រាអាសន្ន ដើម្បីបង្ការទប់ស្កាត់ការរីករាលដាលនៃជំងឺកូវីដ១៩នោះ កាលពីថ្ងៃទី១៣ ខែឧសភា រដ្ឋមន្ត្រីក្រសួងមហាផ្ទៃ បានណែនាំឲ្យអភិបាលខេត្តជាប់ព្រំដែន ត្រូវធ្វើការទប់ស្កាត់ប្រជាពលរដ្ឋខ្មែរ កុំឲ្យឆ្លងដែនខុសច្បាប់ចូលទៅប្រទេសជិតខាងតាមច្រករបៀង។
បើតាមរដ្ឋក្រសួងមហាផ្ទៃវិធានការនេះធ្វើ ឡើងដើម្បីបង្ការការរីករាលនៃជំងឺកូវីដ១៩ និងពង្រឹងសន្តិសុខសណ្តាប់ធ្នាប់សាធារណៈ ខណៈប្រទេសជិតខាងកំពុងដាក់ប្រទេសក្នុងភាពអាសន្នដោយសារជំងឺនេះ៕
អត្ថបទ៖ សន រដ្ឋា រូបភាព៖ ញិល សុជា