ថ្ងៃច័ន្ទ ទី២៥ ខែកញ្ញា ឆ្នាំ២០១៧

កម្សាន្ដ

ដួង ម៉ានិច មិនបារម្ភទស្សនិកជនជ្រេញមុខ

ដួង ម៉ានិច មិនបារម្ភទស្សនិកជនជ្រេញមុខ

តារា​សម្ដែង សិចស៊ី ​ដែល​កំពុង​មាន​ទីផ្សារ​ខ្ពស់​នា​ពេល​បច្ចុប្បន្ន​ កញ្ញា ដូង ម៉ានិច និយាយ​ថា​ នាង​មិន​បារម្ភ​​រឿង​ទស្សនិកជន ​អាច​ជ្រេញ​មុខ ចំពោះ​វត្តមាន​របស់​នាង​លេចមុខ​ច្រើន ​លើ​​ទីផ្សារ​ភាពយន្ត ​​ក្នុង​ឆ្នាំ​២០១៧​នេះ​ទេ​។ ​កញ្ញា​ មាន​តែ​បង្ហាញ​ក្ដី​សប្បាយ​រីករាយ​ទៅ​វិញ ​នៅ​ពេល​ឃើញ​ទស្សនិកជន​ងាក​មក​គាំទ្រ​ច្រើន​លើ​វិស័យ​ភាពយន្ត​ខ្មែរ។  តារា​សម្ដែង​ កំពុង​លេចធ្លោ​ ក្នុង​រឿង​ភាគ​របស់ PNN គឺ​រឿង”ពស់​កេងកង” បន្ត​ថា ​នៅ​ក្នុង​ឆ្នាំ​២០១៧​នេះ កញ្ញា​ទទួល​ថត​ភាពយន្ត​ទាំង​ដុំ និង​ភាគ ដោយ​ទទួលតំណែង​ជា​តួឯក​មិន​ក្រោម ៥​រឿង​នោះ​ទេ។ បើ​ទោះ​​មាន​ការ​​លើក​ឡើង​ថា នាង​បង្ហាញ​មុខ​ក្នុង​រឿង​​ច្រើន​បន្ដិច​ក្ដី ប៉ុន្តែ​សម្រាប់ ដួង ម៉ានិច នៅ​តែ​គិត​ថា​ជា​ចំនួន​មួយ​តិចតួច​នៅ​ឡើយ​សម្រាប់​នាង​។  តារា​សម្ដែង​រូប​នេះ ចង់​សម្ដែង​ភាពយន្ត​ឱ្យ​បាន​កាន់​តែ​ច្រើន​ទៀត​តាម​ដែល​អាច​ធ្វើ​បាន ដើម្បី​ធ្វើ​យ៉ាង​ណា​​ជួយ​លើក​ប្រជាប្រិយភាព​ឱ្យ​កាន់​តែ​ខ្ពស់​ជាង​មុន។ ម៉ានិច ​អះអាង​ថា​ រយៈ​ពេល ១០​ឆ្នាំ​ហើយ​ ដែល​កញ្ញា​រង់ចាំ​​ទម្រាំ​មាន​ថ្ងៃ​នេះ ដូច្នេះ​កញ្ញា​មិន​ចង់​ឱ្យ​ឱកាស​បាត់បង់​ឡើយ ដោយ​ធ្វើ​យ៉ាង​ណា​ខិត​ខំ​សម្ដែង​​ភាពយន្ត​ឱ្យ​បាន​ច្រើន​ទាន់​នៅ​មាន​ទីផ្សារ។  ក្រៅ​ពី​ការ​ថត​ភាពយន្ត​តារា​សម្ដែង​ស៊ិចស៊ី​រូប​នេះ ក៏​ត្រៀម​ចេញ​ទៅ​សម្ដែង​នៅ​ក្រៅ​ប្រទេស​ផង​ដែរ ដោយ​ផ្ដើម​ចេញ​ទៅ​ប្រទេស បារាំង​នា​ចុង​ឆ្នាំ​នេះ។  តារា​សម្ដែង ​កញ្ញា ដួង ម៉ានិច ​​មាន​ទីផ្សារ​ខ្ពស់ ​នៅ​ក្នុង​ឆ្នាំ​២០១៧ បន្ទាប់​​​នាង​ហ៊ានបញ្ចេញ​ភាព​ស៊ិចស៊ី​ ធ្វើ​ឱ្យ​ទស្សនិកជន​ចាប់​អារម្មណ៍​ខ្លាំង។ អ្វី​​ដែល​ពិសេស​​នោះ​ គឺ​ការ​សម្ដែង​រឿង​ភាគ​ឱ្យ PNN ”ពស់​កេងកង” ដោយ​សម្ដែង​ជា​មួយ​សត្វពស់​បាន​ល្អ​ កាន់​តែ​ធ្វើ​ឱ្យ​​នាង​ទទួល​បាន​ការ​ចាប់​អារម្មណ៍​ខ្លាំង​ថែម​ទៀត​ពី​ទស្សនិកជន ​និង​កំពុង​ក្លាយ​ជា​តារា​​ស្ថិត​ក្នុង​ជម្រើស​របស់​​ផលិតករ​ផង​ដែរ៕  សូមទស្សនាព័ត៌មានជាវីដេអូ៖    ប្រភព៖ PNN News

០១ កញ្ញា ២០១៧
ទូច ស្រីលក្ខណ៍ ច្រានចោលដំណឹងបាក់បែកគ្រួសារដូចបទចម្រៀង

ទូច ស្រីលក្ខណ៍ ច្រានចោលដំណឹងបាក់បែកគ្រួសារដូចបទចម្រៀង

បន្ទាប់​ពី​​មាន​ការ​លើក​ឡើង​ថា​ចម្រៀង​​ដែល​កំពុង​ទទួល​ការ​ចាប់​អារម្មណ៍​ពី​ទស្សនិកជន ទាក់ទងនឹង​​ការ​បាក់​បែក​គ្រួសារ​ អ្នក​នាង ទូច ស្រីលក្ខណ៍ បាន​ចេញ​មុខ​បដិសេធន៍ ដោយ​លើក​ឡើង​ថា​ ​នេះ​គឺ​គ្រាន់​តែ​ចង់​បញ្ជាក់​អារម្មណ៍​ក្រុម​គ្រួសារ​មួយ​ចំនួន​តូច​ប៉ុណ្ណោះ។  តារា​ចម្រៀង និង​ជា​តារា​ម៉ូដែល​ ចូល​ចិត្ត​បង្ហាញ​ភាព​ប្លែកៗ​ឱ្យ​ទស្សនិកជន​ចាប់​អារម្មណ៍​អ្នក​នាង ទូច ស្រី​លក្ខណ៍ និយាយ​ថា​បទ​ចម្រៀង​បាក់​បែក​គ្រួសារ ដែល​កំពុង​ទទួល​ការ​គាំទ្រ​ពី​ទស្សនិកជន​ ​នៅ​ពេល​​អ្នក​នាង​យក​មក​​ច្រៀង​តាម​បណ្ដា ស្ថានីយ​ទូរទស្សន៍​មួយ​ចំនួន​គឺ​បទ «សុភមង្គម​មិន​ស្ថិត​លើ​លុយ​មួយ​មុខ» គឺ​មិន​មែន​ជា​​រឿង​ពិត​របស់​ខ្លួន​នោះ​ទេ។  អ្នក​នាង​បន្ត​ថា បទ​ចម្រៀង​នេះ​គឺ​គ្រាន់​តែ​ចង់​ពញ្ញាក់​អារម្មណ៍​ក្រុម​គ្រួសារ​មួយ​ចំនួន​តូច ជា​ពិសេស​បុរសៗ តែ​ម្ដង គឺ​ត្រូវ​ធ្វើ​យ៉ាង​​ចេះ​ស្វែក​រក​សុភមង្គម​ជូន​ក្រុម​គ្រួសារ ដោយ​មិន​ត្រូវ​ផ្ដោត​​សំខាន់​ទៅ​លើ​លុយ​តែ​មួយ​មុខ​ឡើយ។ បើ​ទោះ​ជា​យ៉ាង​ណា​ក៏​ដោយអ្នក​នាង ទូច ស្រីលក្ខណ៍ ទទួល​ស្គាល់​ថា បទ​មច្រៀង​នេះ​ពិត​ជា​បាន​បរិយាយ ​អំពី​ការ​ឃ្លាត​ឆ្ងាយ​របស់​គ្រួសារ​ខ្លួន​ពិត​មែន ដោយ​ស្វាមី និង​កូន​ប្រុស កំពុង​រស់​នៅ​​ប្រទេស ន័រវេស ឯ​អ្នក​នាង​រស់​នៅ​​ស្រុក​ខ្មែរ។  តារា​ចម្រៀង និង​សម្ដែង ដែល​​កំពុង​មាន​ទីផ្សារ​ឡើង​វិញរូប​នេះ​ បន្ថែម​ថា ការ​ឃ្លាត​ឆ្ងាយ​មួយ​រយៈ​នេះ ​​ព្រោះ​តែ​ស្វាមី​របស់​ខ្លួន ​កំពុង​ប្រកបរបរ​រកស៊ី​នៅ​ទីនោះ ហើយ​គ្រួសារ​របស់​ខ្លួន​ នឹង​វិល​ជួប​គ្នា​នា​ពេល​ឆាប់ៗ។  ក្រៅ​​ពី​បទ​ចម្រៀង”សុភមង្គម​មិន​ស្ថិត​លើ​លុយ​មួយ​មុខ” អ្នកនាង ទូច ស្រីលក្ខណ៍ កំពុង​ត្រៀម​បទ​ចម្រៀង​ជា​ច្រើន​ថែម​ទៀត ជា​ពិសេស​ចម្រៀង​ទាក់ទង​ការ​ឃ្លាត​ឆ្ងាយ​ពី​គ្នា​​របស់​គ្រួសារ ក្នុង​ពិធី​បុណ្យ ភ្ជុំបិណ្ឌ និង​ការ​ថត​ភាពយន្ត​ថ្មី​ជា​ច្រើន​នា​ចុង​ឆ្នាំ​នេះ៕ សូមទស្សនាព័ត៌មានជាវីដេអូ៖   ប្រភព៖ PNN Entertainment News

៣១ សីហា ២០១៧
រឿង«ហ្លួងព្រះស្ដេចកន» កំពុងក្លាយជាចំណីអារម្មណ៍ថ្មី សម្រាប់អ្នកទស្សនា ទាំងចាស់ទាំងក្មេង

រឿង«ហ្លួងព្រះស្ដេចកន» កំពុងក្លាយជាចំណីអារម្មណ៍ថ្មី សម្រាប់អ្នកទស្សនា ទាំងចាស់ទាំងក្មេង

ភាពយន្ត​បែប​ប្រវត្តិសាស្ត្រ​លើក​ដំបូង​របស់កម្ពុជា​រឿង «ហ្លួង​ព្រះ​ស្ដេចកន» កំពុង​ក្លាយ​ជា​ចំណី​អារម្មណ៍​ថ្មី ប្លែក​សម្រាប់​អ្នក​ទស្សនា​ទាំង​ចាស់ ទាំង​​ក្មេង កោត​សរសើរ និង​ជជែក​ពិភាក្សា។ ​ខុស​ប្លែក​ពី​ភាពយន្ត​ខ្មែរ បាន​ចាក់​បញ្ចាំងនា​ពេល​កន្លង​ទៅ ដោយ​ភាគ​ច្រើន​មាន​តែ​ក្រុម​យុវវ័យ​ប៉ុណ្ណោះ​ចូល​ទស្សនា។ អ្នក​ចូល​ទស្សនា​រឿង «ហ្លួង​ព្រះ​ស្ដេចកន» ទាំង​ចាស់ និង​ក្មេងសុទ្ធតែ​​មាន​ចំណាប់​អារម្មណ៍​ស្រដៀងៗ​គ្នា​ថា ភាពយន្ត​បែប​ប្រវត្តិសាស្រ​មួយ​នេះ ល្អ​មើល​ខ្លាំង និង​បាន​ផ្ដល់​ចំណេះ​ដឹង​ជា​ច្រើន​ដល់​អ្នក​ទស្សនា ជា​ពិសេស​ក្មេងៗ​ជំនាន់​ក្រោយ​តែ​ម្ដង។  ក្រុម​អ្នក​ចូល​ទស្សនា​ភាពយន្តរឿង «ហ្លួង​ព្រះ​ស្ដេចកន» ស្នើ​ឱ្យ​ផលិតករ ផលិត​ភាពយន្ត​ឱ្យ​មាន​គុណ​ភាព​ដូច​រឿង​នេះ​ឱ្យ​បាន​ច្រើន ដើម្បី​ធ្វើ​​ឱ្យ​ក្មេងៗ​ជំនាន់​ក្រោយ បាន​យល់​​ដឹង​ច្រើន​ពី​ប្រវត្តិសាស្ត្រ​របស់​ខ្មែរ។ បើ​យោង​តាម​អ្នក​គ្រប់​គ្រង​រោង​ភាពយន្ត បញ្ជាក់​ថា ​រយៈ​ពេល ៣​ថ្ងៃ​នៃ​ការ​ចាក់​បញ្ចាំង​រឿង «ហ្លួង​ព្រះ​ស្ដេចកន» នេះ​ មាន​មនុស្ស​ចូល​ទស្សនា​ពេញៗ​រោង​ភាពយន្ត ហើយ​អ្វី​ដែ​ល​ពិសេស​ អ្នកទស្សនា បាន​ទះដៃ​អបអរសាទរ​ជា​ខ្លាំង​ក្រោយ​ចប់​ការ​ទស្សនា​។   ភាពយន្ត​រឿង «ហ្លួង​ព្រះ​ស្ដេច​កន» កំពុង​បន្ត​ចាក់​បញ្ចាំង​នៅ​គ្រប់​រោង​ភាពយន្ត​ទាំង​អស់​ក្នុង​ប្រទេសកម្ពុជា។ ​ទស្សនិកជន ដែល​មាន​បំណង​ចង់​ទស្សនា​ភាពយន្ត​ដ៏​ល្អ​ឯក​មួយ​នេះ កុំ​ភ្លេច​កក់​សំបុត្រ​ចូល​ទស្សនា ដើម្បី​លើក​ទឹក​ចិត្ត​ដល់​អ្នក​ផលិត ក៏​ដូច​ជា​លើក​កម្ពស់​វិស័យ​ភាពយន្ត​របស់​ខ្មែរ​ផង​ដែរ៕សូមទស្សនាព័ត៌មានជាវីដេអូ៖  ប្រភព៖ PNN Entertainment News

២២ សីហា ២០១៧
ទេព រិនដារ៉ូ ៖ រឿង “ហ្លួងព្រះស្ដេចកន” នឹងធ្វើឱ្យកូនខ្មែរស្គាល់ពីអ្វីដែលពួកគេមិនធ្លាប់ជួបប្រទះកន្លងមក

ទេព រិនដារ៉ូ ៖ រឿង “ហ្លួងព្រះស្ដេចកន” នឹងធ្វើឱ្យកូនខ្មែរស្គាល់ពីអ្វីដែលពួកគេមិនធ្លាប់ជួបប្រទះកន្លងមក

តារា​សម្ដែង​ជើង​ចាស់​ លោក ទេព រិនដារ៉ូ និយាយ​ថា​ ភាពយន្ត​បែប​ប្រវត្តិសាស្ត្ររឿង ”ហ្លួងព្រះ​ស្ដេច​កន” នឹង​ធ្វើ​ឱ្យ​ប្រជាជន​ខ្មែរ ជា​ពិសេស​មិត្ត​យុវវ័យ បាន​ស្គាស់ និង​យល់​កាន់​តែ​ច្បាស់​ពី​អ្វី​ដែល​ពួកគេ​មិន​​ធ្លាប់​ជួប​ និង​ដឹង​ពី​មុន​មក។ តារា​សម្ដែង​ជើង​ចាស់​រូប​នេះ បន្ត​ថា​ទម្រាំ​តែ​ភាពយន្ត​បែប​ប្រវត្តិសាស្ត្រ​មួយ​នេះ​អាច​ផលិត​ចប់​ជា​ស្ថាពរ គឺ​មាន​ភាព​លំបាក​ខ្លាំង​ណាស់ ទាំង​តួ​សម្ដែង ក្រុម​ផលិត និង​ក្រសួង​ពាក់ព័ន្ធ​នានា។ ទាំង​នេះ​ ធ្វើ​ឡើង​ក្នុង​ន័យ ​ដើម្បី​ទទួល​ការ​ចាប់​អារម្មណ៍​ពី​ទស្សនិកជន និង​បង្ហាញ​បរទេសថា​ ខ្មែរ​ក៏​មាន​សមត្ថភាព​ផលិត​ភាពយន្ត​ខ្នាត​អន្តរជាតិ​ដែរ។   លោក ទេព រិនដារ៉ូ ស្នើ​ឱ្យ​ទស្សនិកជន​ចូល​ទស្សនា​ភាពយន្ត​រឿង ”ហ្លួង​ព្រះ​ស្ដេច​កន” នេះ​ឱ្យ​បាន​ច្រើន ដើម្បី​ជួយ​លើក​កម្ពស់​វិស័យ​ភាពយន្ត​ខ្មែរ និង​ការ​ស្វែង​យល់​កាន់​តែ​ច្បាស់​ពី​ប្រវត្តិសាស្ត្រ​ខ្មែរ នា​សម័យ​កាល​នោះ។ ពិសេស​ គឺ​ការ​ស្លៀកពាក់ និង​ទំនៀមទំលាប់​ប្រពៃណី ដែល​កូន​ខ្មែរ​បច្ចុប្បន្ន​មិន​ធ្លាប់​បាន​ដឹង​នា​សម័យ​កាល​នោះ។  រឿង ”ហ្លួង​ព្រះ​ស្ដេចកន” ដែល​លោក ទេព រិនដារ៉ូ សម្ដែង​ជា​តួ​​ព្រះ​បាទ​ស្រី សុគន្ធបទ នឹង​ចាក់​បញ្ចាំង​ជា​ផ្លូវ​ការ ​ចាប់​ពី​ថ្ងៃ​ទី ១៨ ខែ​សីហា ឆ្នាំ​២០១៧ ខាង​មុខ​​នេះ។ ទាំង​តារា​សម្ដែង និង​ផលិតករ ​សុទ្ធតែ​ជឿជាក់​ថា​ស្នាដៃ​ជា​ប្រវត្តិសាស្ត្រ​មួយ​នេះ ​នឹង​ធ្វើ​ឱ្យ​វិស័យ​ភាពយន្ត​ខ្មែរ​ទាំង​មូល​មាន​ការ​ប្រែប្រួល ហើយ​អន្តរជាតិ​ នឹង​ទទួល​ស្គាល់​កុន​ខ្មែរ​ថា​​មាន​លក្ខណៈ​អាជីព៕ សូមទស្សនាវីដេអូព័ត៌មានបន្ថែម៖  ប្រភព៖ PNN Entertainment News

១៥ សីហា ២០១៧
បេក្ខជនបួនរូបឡើងមកដល់វគ្គពាក់កណ្តាលផ្តាច់ព្រ័ត្រ ក្នុងកម្មវិធី Drama KaraokeContest

បេក្ខជនបួនរូបឡើងមកដល់វគ្គពាក់កណ្តាលផ្តាច់ព្រ័ត្រ ក្នុងកម្មវិធី Drama KaraokeContest

បេក្ខជនចំនួនបួនរូប បានឡើងមកដល់វគ្គពាក់កណ្តាលផ្តាច់ព្រ័ត្រ Online Contest ហើយ ក្នុងចំណោមបេក្ខជនជាច្រើនដែលបានផ្ញើបទចំរៀង Cover បទ «ភរិយាល្អរបស់បង» ក្នុងខ្សែភាពយន្ត «ភរិយាបណ្តូលចិត្ត» មកកាន់គេហទំព័រហ្វេសប៊ុករបស់ភីអិនអិន PNN TV Cambodia ដើម្បីប្រឡងក្នុងកម្មវិធី Drama Karaoke Contest។ បេក្ខជនទាំងបួននាក់នេះរួមមាន បេក្ខជនពាក់ស្លាកលេខ១ មានឈ្មោះថា ប៊ូឡាម កាក្រៃ បេក្ខជនពាក់ស្លាកលេខ២ មានឈ្មោះថា បេឡា រ៉ាកូ បេក្ខជនពាក់ស្លាកលេខ៣ មានឈ្មោះថា សែម សំណាង និងបេក្ខជនពាក់ស្លាកលេខ៤ មានឈ្មោះថា ស៊ុន ឆាយ។ សូមបញ្ជាក់ផងដែរថា សម្រាប់បេក្ខជនដែលទទួលបានជ័យលាភីក្នុងកម្មវិធីនេះ លុះត្រាបេក្ខជនទទួលបានពិន្ទុខ្ពស់ពីគណៈកម្មាការ នៃស្ថានីទូរទស្សន៍ភីអិនអិនក្នុងការវិនិច្ឆ័យសំលេង និងមួយផ្នែកទៀតទទួលបានការគាំទ្រនៅក្នុងគេហទំព័រ Facebook PNN TV Cambodia ដោយចុច Like និង share... ពីសំណាក់មហាជន។      អ្នកឈ្នះ នឹងបានក្លាយជាអ្នកចំរៀងក្នុងរឿងភាគ រួមនិងឱកាសបង្ហាញសម្ថភាពក្នុងកម្មវិធីផ្សេងៗ របស់ស្ថានីយទូរទស្សន៍ភីអិនអិន។ ដូច្នេះប្រសិនបើចង់អោយបេក្ខជនណាមួយទទួលបានជ័យលាភី ប្រិយមិត្តគ្រាន់តែចូលទៅកាន់គេហទំព័រ PNN TV Cambodia រួចហើយចុច Like និង Share ទៅលើវីដេអូចំរៀងរបស់បេក្ខជន។ កាលបរិច្ឆេទទទួលការចុច Vote វីដេអូរបស់បេក្ខជន ចាប់ពីថ្ងៃទី ០២ ខែមករា រហូតដល់ថ្ងៃទី ០៨ ខែមករា សម្រាប់លទ្ធផល នឹងប្រកាសជូននៅលើគេហទំព័រហេ្វសប៊ុគរបស់ភីអិនអិន PNN TV Cambodia នៅថ្ងៃទី ០៩ ខែមករា៕ ទស្សនាវីដេអូចំរៀងរបស់បេក្ខជនទាំងបួនរូបខាងក្រោម៖  ច្រៀងដោយ បេក្ខជន បូឡាម កាក្រៃ  ច្រៀងដោយ បេក្ខជន បេឡា រ៉ាកូ  ច្រៀងដោយ បេក្ខជន សែម សំណាង  ច្រៀងដោយ បេក្ខជន ស៊ុន​ ឆាយ 

០៣ មករា ២០១៧
ផលិតករ ទម្លាយ​មូលហេតុ​ផ្ដួចផ្ដើម​ផលិត​រឿង​ភាគ «ភក្តី​ស្នេហ៍​ទ្វេ​ភព»

ផលិតករ ទម្លាយ​មូលហេតុ​ផ្ដួចផ្ដើម​ផលិត​រឿង​ភាគ «ភក្តី​ស្នេហ៍​ទ្វេ​ភព»

កាល​ពី​ថ្ងៃ​សុក្រ សប្ដាហ៍​មុន ចាងហ្វាង​ផលិតកម្ម និង​ជា​ផលិតករ​នៃ​ផលិតកម្ម AD MUSIC លោក អ៊ុង ឌុចសិត្ថាវីរៈ បាន​លើក​ឡើង​ក្នុង​កិច្ចសម្ភាស​ពិសេស​ជាមួយ​ស្ថានីយ​ទូរទស្សន៍​ភីអិនអិន ពី​មូល​ហេតុ​ចម្បង​ដែល​ភីអិនអិន សម្រេច​ចិត្ត​ប្រគល់​រឿង​ទុំ​ទាវ​ឲ្យ​មក​ផលិតកម្ម​លោក យក​មក​ផលិត​ថ្មី និង​ថត​ជា​ខ្សែ​ភាពយន្ត​ភាគ​ដោយ​ដាក់​ចំណង​ជើង «ភក្តី​ស្នេហ៍​ទ្វេ​ភព» និង​កំពុង​តែ​ចាក់​ផ្សាយ​លើ​កញ្ចក់​ទូរទស្សន៍​ភីអិនអិន។ លោក​ថា ដោយសារ​តែ​រឿង​ទុំ​ទាវ ជា​រឿង​អក្សរសិល្ប៍​ខ្មែរ​ដ៏​ល្បី និង​មាន​បង្កប់​ទស្សនៈ​មួយ គឺ​នំ​មិន​ធំ​ជាង​នាឡិ ដែល​ផ្តល់​ជា​ចម្ងល់​ដល់​យុវជន​សម័យ​ថ្មី ហើយ​មក​ដល់​សព្វ​ថ្ងៃ​នេះ​អ្វី​ដែល​យុវជន​ទទួល​បាន គឺ​ហាក់​ដូចជា​ផ្ទុយ​ស្រឡះ និង​ម្យ៉ាង​ទៀត​ដោយ​ភីអិនអិន មាន​គោល​ការណ៍​គាំទ្រ​សាច់​រឿង​ក្នុង​ស្រុក​ច្រើន ជា​ជាង​ការ​ទិញ​សាច់​រឿង​បរទេស ក្នុង​នោះ​ភីអិនអិន បាន​កំណត់​ឲ្យ​លោក​រក្សា​សាច់​រឿង​បុរាណ​តាម​លំនាំ​រឿង​ដើម ឯ​សាច់​រឿង​សម័យ​គឺ​ត្រូវ​និពន្ធ​ទៅ​តាម​បរិបទ​សម័យ​បច្ចុប្បន្ន ដើម្បី​ឲ្យ​មាន​ការ​ទាក់​ទាញ​ជូន​ទស្សនិកជន​ទស្សនា។  លោក​បញ្ជាក់​បន្ថែម​ថា រឿង «ភក្តី​ស្នេហ៍​ទ្វេ​ភព» លោក​ផលិត​យ៉ាង​សម្រិតសម្រាំង ដោយ​ចំណាយ​ពេល​វេលា​ក្នុង​ការ​ផលិត​រហូត​ដល់​ទៅ​មួយ​ឆ្នាំ មុន​នឹង​ចាក់​ផ្សាយ​លើ​កញ្ចក់​ទូរទស្សន៍ ហើយ​ក៏​មាន​ការ​ថ្លឹងថ្លែង​សាច់​រឿង​រវាង​សម័យ​កាល​ចាស់ និង​សម័យ​កាល​ថ្មី ក្នុង​សាច់​រឿង​តែ​មួយ​ដោយ​សារ​តែ​រឿង​នេះ​មាន​លាយ​គ្នា​ទាំង​ឈុត​ឆាក​បុរាណ និង​សម័យ។ ជា​ពិសេស បទ​ចម្រៀង​ក្នុង​រឿង​នេះ​ ត្រូវ​ច្រៀង​ថ្មី​ទាំង​អស់ ដោយ​រក្សា​ប៉ារ៉ូល​ចាស់​សរុប​ទាំង​អស់ ២០ បទ បូក​រួម​ទាំង​ការ​ស្មូត​ដោយ​អ្នក​ជំនាញ​ផង​ដែរ។ រឿង «ភក្តី​ស្នេហ៍​ទ្វេ​ភព» គ្រង​តំណែង​តួ​ឯក​ដោយ​លោក អ៊ុន សុទ្ធា ចាប់​ដៃគូ​ជាមួយ​តារា​សម្បុរ​ស្រអែម កញ្ញា មឿង សុផាណែត រួម​ជាមួយ​តារា​ល្បីៗ​ជា​ច្រើន​រូប​ទៀត ហើយ​ក៏​កំពុង​តែ​អង្រួន​ចិត្ត​ប្រិយមិត្ត​ទស្សនិក​ជន​ឲ្យ​ទន្ទឹង​រង់ចាំ​ទស្សនា​ពី​មួយ​សប្តាហ៍​ទៅ​មួយ​សប្តាហ៍ និង​មាន​ចាក់​ផ្សាយ​ជូន​ទស្សនា​រៀង​រាល់​ថ្ងៃ​ចន្ទ ដល់ ពុធ វេលា​ម៉ោង ៨:០០-៩:០០ យប់ នៅ​លើ​កញ្ចក់​ទូរទស្សន៍​ភីអិនអិន៕ សូម​ទស្សនា​កិច្ច​សម្ភាស​ពិសេស៖ 

៣០ ធ្នូ ២០១៦
ស្រី​ស្អាត Matt បង្ហាញ​ខ្លួន​ជា​ថ្មី​ក្នុង​រឿង​ភាគ​ថៃ «ល្បិច​ស្នេហ៍​បញ្ឆោត​បេះដូង»

ស្រី​ស្អាត Matt បង្ហាញ​ខ្លួន​ជា​ថ្មី​ក្នុង​រឿង​ភាគ​ថៃ «ល្បិច​ស្នេហ៍​បញ្ឆោត​បេះដូង»

តារា​សម្តែង និង​តារា​បង្ហាញ​ម៉ូដ​ដ៏​ល្បី​របស់​ថៃ គឺ​កញ្ញា Peeranee Kongthai ឬ Matt ដែល​ប្រិយមិត្ត​ធ្លាប់​ស្គាល់​រួច​មក​ហើយ​តាម​រយៈ​ខ្សែ​ភាព​យន្ត​ភាគ​ថៃ​​នៅ​លើ​ទូរទស្សន៍​ភីអិនអិន ដូចជា រឿង «កូន​ក្រមុំ​រីករាយ» និង​រឿង «ភ្លើង​ស្នេហ៍​ភ្លើង​គំនុំ» នឹង​បង្ហាញ​ខ្លួន​ក្នុង​ភាគ​ថៃ​ថ្មី​មួយ​ទៀត​ហើយ នៅ​ចុង​ខែ​ធ្នូ​ នេះ។ តារា​វ័យ​២៨​ឆ្នាំ​កូន​កាត់​ថៃ-ន័រវែស​ រូប​នេះ​ អាច​សម្ដែង​បាន​គ្រប់​ទម្រង់​ទាំង​អស់​នៃ​សាច់​រឿង ទាំង​កម្សត់ កំប្លែង មនោសញ្ចេតនា​ស្នេហា ហើយ​នាង​​នឹង​ត្រលប់​មក​សាជាថ្មី​ម្ដង​ទៀត​ដោយ​សម្តែង​ជា​តួ​ឯក​ក្នុង​រឿង «ល្បិច​ស្នេហ៍​បញ្ឆោត​បេះដូង» ឬ «Pan Rai Phai Ruk» ដែល​នឹង​ត្រូវ​ចាក់​ផ្សាយ​នៅ​លើ​ទូរទស្សន៍​ភីអិនអិន ដោយ​រឿង​នេះ​តម្រូវ​ឲ្យ​កញ្ញា​សម្តែង​ជា​តួអង្គ​ដែល​មាន​ចិត្ត​គំនុំ​គុំគួន​វិញ​ម្តង ទៅ​លើ​តួអង្គ​ប្រុស គឺ​លោក Film (Phaisaeng) ហើយ​នេះ​ក៏​ជា​លើក​ទី​១​ ដែល Film មាន​វត្តមាន​នៅ​លើ​ភីអិនអិន។  ពួកគេ​ទាំង​ពីរ នឹង​ចាប់​ដៃ​គ្នា​បង្កើត​ឈុត​ឆាក​ប្លែកៗ​ល្អ​មើល​មិន​ចេះ​ជិនណាយ រំសាយ​អស់​ទុក្ខ​កង្វល់​រយៈ​ពេល​មួយ​ម៉ោង​ពេញ​លើ​កញ្ចក់​ទូរទស្សន៍​ភីអិនអិន។ «ល្បិច​ស្នេហ៍​បញ្ឆោត​បេះដូង» រៀបរាប់​ពី​ខ្សែ​ជីវិត​របស់​នាង Kemmik (Matt) ជា​នារី​អាកាសចរណ៍​ម្នាក់​ដែល​ធ្លាប់​ដិតដាម​ស្នាម​អតីតកាល​ដ៏​សែន​ឈឺ​ចាប់ និង​ខក​ចិត្ត ដោយ​នាង​បាន​បណ្តែត​បណ្ដោយ​ខ្លួន​ជាមួយ Phaisaeng (Film) ជា​បុរស​សង្ហា និង​ជា​កូន​អ្នក​មាន​ម្នាក់ ហើយ​ក៏​បោះបង់​នាង​ចោល​ដោយ​មិន​ទទួល​ខុស​ត្រូវ​អ្វី​ទាំង​អស់។ ដោយសារ​តែ​ការ​ឈឺ​ចាប់​នេះ​ហើយ ទើប​ធ្វើ​ឲ្យ​នាង​នឹក​ឃើញ​ល្បិច និង​ផែនការ​អាក្រក់ ធ្វើ​យ៉ាង​ណា​ឲ្យ Phaisaeng ឈឺ​ចាប់ ដូច​ដែល​នាង​ធ្លាប់​ទទួល ប៉ុន្តែ​មិន​ដូច​បំណង​ឡើយ ក្តី​គំនុំ​ទាំង​ប៉ុន្មាន​ក៏​ក្លាយ​ទៅ​ជា​ស្នេហា។ Kemmik មាន​គម្រោង​បែប​ណា​ចំពោះ Phaisaeng? គំនុំគំកួន​នេះ​ក្លាយ​ជា​ស្នេហា​ដោយ​របៀប​ណា? ចម្ងល់​ទាំងអស់​នេះ​នឹង​ត្រូវ​លាត​ត្រដាង​ក្នុង​រឿង «ល្បិច​ស្នេហ៍​បញ្ឆោត​បេះដូង» ចាប់​ពី​ថ្ងៃ​ទី ២៤ ធ្នូ រៀង​រាល់​ថ្ងៃ​ព្រហស្បតិ៍ ដល់​សៅរ៍ វេលា​ម៉ោង ៦:០០-៧:០០ ល្ងាច លើ​កញ្ចក់​ទូរទស្សន៍​ភីអិអិន បន្ទាប់ពី​រឿង «មាន​សំបុក តែ​រងា» ដែល​នឹង​ចប់​នៅ​ថ្ងៃ​សុក្រ ទី​២៣ ធ្នូ នេះ៕ ទស្សនា​ឈុត​ខ្លីៗ​នៃ​សាច់​រឿង៖ 

២០ ធ្នូ ២០១៦
រឿង​«​ពស់​កេងកង​»​បាន​ផលិត​ជា​កុន​ភាគ ដោយមាន​ការសហការ​និង​ក្រុមការងារ​មកពី​បី​ប្រទេស​ផ្សេងគ្នា

រឿង​«​ពស់​កេងកង​»​បាន​ផលិត​ជា​កុន​ភាគ ដោយមាន​ការសហការ​និង​ក្រុមការងារ​មកពី​បី​ប្រទេស​ផ្សេងគ្នា

ស្ថានីយទូរទស្សន៍​ភី​អិន​អិន បាន​នឹង​កំពុង​រៀបចំ​ផលិត​រឿង​«​ពស់​កេងកង​» ឡើងវិញ​ជា​រឿង​ភាគ ដោយ​រក្សា​នូវ​ទម្រង់​ដើម​ទាំងស្រុង ហើយ​ដំណើរការ​នៃ​ការផលិត​រឿងនេះ​ក្រុមការងារ​ទាំងអស់​មាន​ការសហការ​គ្នា​យ៉ាង​ល្អ និង​មកពី​បី​ប្រទេស​ផ្សេងៗ​គ្នា មានដូចជា ប្រទេស​កាណាដា ហ្វីលីពីន និង​កម្ពុជា​។  ​នៅក្នុង​ព្រឹត្តិការណ៍​បង្ហាញ​ពី​គម្រោង និង​ទិសដៅ​សម្រាប់​ឆ្នាំ ២០១៧ «PNN Showcase 2017»​ដែល​ស្ថានីយទូរទស្សន៍​ភី​អិន​អិន បានរៀបចំ​កាលពី​ចុងខែ​វិច្ឆិកា​កន្លងទៅនេះ ក៏បាន​បង្ហាញ​អំពី​ការគាំទ្រ​និង​ជម្រុញ​លើកទឹកចិត្ត​សម្រាប់​ការផលិត​រឿង​ក្នុងស្រុក​អោយ​កាន់តែ​រីកចម្រើន​បន្ថែមទៀត ហើយ​នៅ​ក្នុងនោះ​រឿង «​ពស់​កេងកង​» ក៏​ជា​រឿង​មួយ​ក្នុងចំណោម​រឿង​ខ្មែរ​ល្បីៗ​ជាច្រើន​ទៀត ដែល​ភី​អិន​អិន​មាន​គម្រោង​នឹង​ផលិត​ចេញ​ជា​រឿង​ភាគ​ដើម្បី​បំរើ​អារម្មណ៍​ប្រិយមិត្ត​ទស្សនិកជន​។ ​កញ្ញា​ទូច បុប្ផា ប្រធាន​ផ្នែក​គ្រប់គ្រង​កម្មវិធី​ផ្សាយ​របស់​ស្ថានីយទូរទស្សន៍​ភី​អិន​អិន​បានអោយដឹងថា​«​សម្រាប់​ភី​អិន​អិន​គឺ​យើង​មាន​ទិសដៅ​គាំទ្រ​នូវ​ស្នាដៃ​ក្នុងស្រុក​ច្រើន ហើយ​កន្លងមក​យើង​ក៏បាន​ជ្រើសរើស​នូវ​សាច់​រឿង​ក្នុងស្រុក​មួយចំនួន​មក​ផលិត​ជា​ភាពយន្ត​ភាគ​រួចមកហើយ​សម្រាប់​រឿង ពស់​កេងកង នេះ​គឺជា​រឿង​មួយ​ក្នុងចំណោម​រឿង​ជាច្រើន​ទៀត ដែល​នឹងត្រូវ​ផលិត​នា​ដើមខែ​មករា ឆ្នាំ​២០១៧​នេះ ដោយ​ដកស្រង់​សាច់រឿង​តាម​លំនាំ​រឿង​ដើម​នា​ឆ្នាំ​១៩៧០ ហើយ​ខ្លឹមសារ​នៃ​រឿងនេះ​គឹ​ឆ្លុះបញ្ចាំង​ពី​ជំនឿ បាប និង​បុណ្យ  តម្លៃ​គុណ​ធ​ម៏​កូន​ចំពោះ​ឪពុកម្តាយ ជាពិសេស​ផ្សាភ្ជាប់​មនុស្ស​និង​ធម្មជាតិ  ហើយ​នេះ​រឿង​ភាគ​ខ្នាត​ធំ​ដែល​ផលិត​ដោយ​ក្រុម​ផលិតករ​ខ្មែរ​ដែលមាន​បទពិសោធន៍​យូរ​ឆ្នាំ រួមជាមួយ​ក្រុម​ជំនាញ​មកពី​ប្រទេស​កាណាដា និង​ហ្វីលីពីន ដើម្បីអោយ​ភាគ​យន្ត​ភាគ​នេះ​ប្រក​ដោយ​គុណភាព​ខ្ពស់​»​។​ ​រឿង «​ពស់​កេងកង​» នឹង​ចាក់​បញ្ចាំង​នៅលើ​កញ្ចក់​ទូរទស្សន៍​ភី​អិន​អិន​នៅ​ពាក់កណ្តាល​ឆ្នាំ ២០១៧​នេះ ដោយ​សង្ឃឹមថានឹង​ទទួលបាន​ការគាំទ្រ​ច្រើន​ពី​សំណាក់​ប្រិយមិត្ត​​ទស្សនិកជន ព្រោះតែ​ការផលិត​រឿងនេះ ត្រូវបាន​សហការ​ផលិត​ជាមួយ​ក្រុមការងារ​ក្រៅប្រទេស​ពោរពេញ​ទៅដោយ​សមត្ថភាព និង​បទពិសោធន៍​ក្នុងការ​ផលិត​រឿង ធានា​មិន​ធ្វើ​អោយ​ប្រិយមិត្ត​ខកបំណង​ក្នុងការ​រង់ចាំ​តាមដាន​ទស្សនា​នូវ​ខ្សែភាពយន្ត​ដ៏​ល្អឥតខ្ចោះ​មួយ​នេះ​។ ​ស្ថានីយទូរទស្សន៍​ភី​អិន​អិន មាន​គម្រោង​ចំណាយ​ទុនវិនិយោគ​ជាង ១​លាន​ដុល្លា​អាមេរិក​សម្រាប់​ការផលិត​រឿង​ភាគ​ខ្មែរ​ក្នុង​ឆ្នាំ ២០១៧ និង​ច្រើនជាង​នេះ​ទ្វេ​រដង​សម្រាប់​ឆ្នាំ​បន្តបន្ទាប់​៕ រឿង​ភាគ​ខ្មែរ​ខ្លីៗ​ដែល​ត្រូវ​បញ្ចាំង​លើ​កញ្ចក់​ទូរទស្សន៍​ភី​អិន​អិន​សម្រាប់​ឆ្នាំ ២០១៧៖ 

១៦ ធ្នូ ២០១៦
រឿងភាគថៃដ៏ល្បីសុភាពបុរសទី២ «បវររុត»នៃសុភាពបុរសទាំងប្រាំ នឹងចាក់ផ្សាយនៅភីអិនអិន

រឿងភាគថៃដ៏ល្បីសុភាពបុរសទី២ «បវររុត»នៃសុភាពបុរសទាំងប្រាំ នឹងចាក់ផ្សាយនៅភីអិនអិន

ស្របពេលដែលខ្សែភាពយន្តភាគថៃរឿង «ភរិយាបណ្តូលចិត្ត» ដែលប្រិយមិត្តកំពុងតែចាប់អារម្មណ៍ខ្លាំង និងទស្សនាមិនដែលខាននោះ នឹងឈានចូលមកដល់ភាគបញ្ចប់នៅថ្ងៃទី០៩ ខែធ្នូ ខាងមុខនេះហើយ រឿងភាគបន្ទាប់ស្ថានីយទូរទស្សន៍ភីអិនអិននឹងចាក់ផ្សាយរឿង «សុភាពបុរសបវររុត» ហើយរឿងនេះធ្លាប់បានទទួលការគាំទ្រខ្លាំងនៅប្រទេសថៃTV3 ។ ភីអិនអិន សង្ឃឹម និងជឿជាក់ថារឿងភាគថៃមួយនេះ នឹងទទួលបានការគាំទ្រខ្លាំងពីសំណាក់ប្រិយមិត្តនៅប្រទេសកម្ពុជាដូចគ្នាបន្ទាប់ពីចាក់បញ្ចាំង។  រឿង «សុភាពបុរសបវររុត» សម្តែងដោយតារាល្បីនៃប្រទេសថៃគឺលោក Pope Tanawat Wattanaputi ចាប់ដៃគូជាមួយកញ្ញា Mew Nittha Jirayungyurn រួមនិងតារាសម្តែងល្បីៗជាច្រើនរូបទៀត។ ភាពយន្តនេះបង្ហាញពីមនោសញ្ចេតនាស្នេហា រវាងអ្នកកំលោះម្នាក់ ដែលត្រូវម្តាយបង្ខំអោយរៀបការ ជាមួយកូនស្រីខ្សែរាជវង្ស ប៉ុន្តែដោយចិត្តមិនស្រឡាញ់ ក៏សុខចិត្តរត់គេចទៅក្រៅប្រទេស រហូតបានជួបជាមួយនារីម្នាក់ដែលខ្លួនតែងតែសុបិន្តឃើញរាល់យប់ និងបានស្វែងយល់ពីចិត្តគ្នារហូតក្លាយជាស្នេហា។  ចង់ដឹងថាតើស្នេហារបស់ពួកគេមានរសជាតិផ្អែម ឬក៏ល្វីងយ៉ាងណានោះ សូមកុំភ្លេចរង់ចាំតាមដានទស្សនាចាប់ពីថ្ងៃទី១០ ខែធ្នូ រៀងរាល់ថ្ងៃព្រហស្បតិ៍ ដល់ថ្ងៃសុក្រ វេលាម៉ោង ៩:០០-១០:០០យប់នៅលើកញ្ចក់ទូរទស្សន៍ភីអិនអិន។ ទស្សនាឈុតខ្លីសូមចុច៖ 

០៥ ធ្នូ ២០១៦
អ៊ុន សុទ្ធា សុខចិត្តកោរសក់ ដើម្បីអោយការសម្តែង រឹតតែស័ក្តិសម

អ៊ុន សុទ្ធា សុខចិត្តកោរសក់ ដើម្បីអោយការសម្តែង រឹតតែស័ក្តិសម

តារាសម្តែងល្បីឈ្មោះមួយរូប គឺលោក អ៊ុន សុទ្ធា សុខចិត្តកោរសក់ ដើម្បីអោយការសម្តែងរឹតតែស័ក្តិសម និងទទួលបានចំណាប់អារម្មណ៍ កាន់តែខ្លាំងពីសំណាក់ទស្សនិកជន។ ការកោរសក់នេះ ក៏ព្រោះតែលោកទើបតែ ទទួលបានដំណែងជាតួឯកក្នុងរឿង «ភក្តីស្នេហ៍ទ្វេរភព» ដោយលោកត្រូវដើរតួជានេនទុំ ចាប់ដៃគូជាមួយកញ្ញា មឿន ផាណែត ដើរតួជានាងទាវ ហើយនេះគឺជាលើកទីមួយ ដែលពួកគេទាំងពីរនាក់បានសម្តែងរួមគ្នា។   បើនិយាយពីរឿង ទុំនិងទាវ ប្រិយមិត្តភាគច្រើន ប្រាកដជាធ្លាប់បានដឹងរួចមកហើយ ពីស្នេហាប្តូរផ្តាច់ ស្មោះស្ម័គ្រ រហូតដល់អស់ជីវិត ដោយសារតែមានការរារាំង បំបែកបំបាក់ និងការប្រកាន់វណ្ណៈពីម្តាយនាងទាវ ក្រោមពាក្យ នំមិនធំជាងនាឡិ។ ចុះចំណែកស្នេហាទុំ និងទាវនៅក្នុងរឿង «ភក្តីស្នេហ៍ទ្វេរភព» នឹងមានអ្វីដែលប្លែក? ប្រាកដជាប្លែក! ប្លែកដោយសារតែទុំ និងទាវនៅក្នុងរឿង «ភក្តីស្នេហ៍ទ្វេរភព» អ្នកដឹកនាំរឿងបានបន្ថែមឈុតឆាកពិសេស មួយចំនួនអោយរឹតតែល្អមើល និងគួរអោយចាប់អារម្មណ៍ ដោយក្នុងនោះនឹងមានបង្ហាញពីការតស៊ូ ចំពោះស្នេហាតាំងពីសម័យបុរាណ រហូតដល់សម័យបច្ចុប្បន្ន ហើយនៅក្នុងរឿងនេះ ក៏មានលាយឡំជាមួយនឹងយុទ្ធសិល្ប៍ អាគមន៍ផ្សេងៗ ដើម្បីបំបែកបំបាក់ស្នេហារវាងពួកគេផងដែរ។ ចង់ដឹងថា តើការតស៊ូចំពោះស្នេហានា សម័យបច្ចុប្បន្ននេះ អ្នកទាំងពីរ នឹងជួបឧបសគ្គអ្វីខ្លះ? តើជីវិតរស់នៅរបស់ពួកគេ ខុសប្លែកគ្នាបែបណា ពីសម័យបុរាណ? បើចង់ជ្រាបច្បាស់ សូមកុំភ្លេចរង់ចាំតាមដានទស្សនាខ្សែភាពយន្តភាគខ្មែរដ៏ល្អឥតខ្ចោះមួយនេះ នៅលើកញ្ចក់ទូរទស្សន៍ភីអិនអិន ដែលនឹងត្រូវចាក់ផ្សាយចាប់ពីថ្ងៃទី ០៥ ខែធ្នូ រៀងរាល់ថ្ងៃ ច័ន្ទ ដល់ថ្ងៃពុធ វេលាម៉ោង ៨:០០-៩:០០យប់ បន្ទាប់ពីរឿង «ម្ទេសហឹរប៉ះអំបិលប្រៃ»។ កញ្ញា ទូច បុប្ផា ប្រធានផ្នែកកម្មវិធីផ្សាយរបស់ស្ថានីយទូរទស្សន៍ភីអិនអិន បានមានប្រសាសន៍ថា« ស្ថានីយទូរទស្សន៍ភីអិនអិន បានសហការគ្នាជាមួយផលិតកម្ម Admusic production ដើម្បីផលិតរឿង ភក្តីស្នេហ៍ទ្វេរភព នេះឡើង ដោយនៅក្នុងរឿងនេះ ៥០ភាគរយ គឺយើងយកលំនាំតាមរឿងទុំទាវ ដោយរក្សារនូវសាច់រឿងដើមទាំងស្រុង ចំណែក៥០ភាគរយទៀត ត្រូវបានបង្កើតថ្មី ដោយបញ្ចូលនូវឈុតឆាកសម័យកាលបច្ចុប្បន្នវិញ ដើម្បីអោយប្រិយមិត្តប្លែកអារម្មណ៍ និងកាន់តែទាក់ទាញ»។ កញ្ញាបានបន្ថែមថា «រឿង ភក្តីស្នេហ៍ទ្វេរភព នឹងទទួលបានការគាំទ្រច្រើនពីសំណាក់ប្រិយមិត្តទស្សនិកជន ព្រោះតែការផលិតមានការសម្រិតសម្រាំង ដើម្បីយកនូវគុណភាពល្អ និងប្រើរយៈពេលរហូត ដល់ទៅជិតមួយឆ្នាំ។ ជាពិសេសសម្រាប់តួសម្តែងវិញសុទ្ធសឹងតែខិតខំបញ្ចេញអស់ពីសមត្ថភាព ដូចជាលោកអ៊ុន សុទ្ធាជាដើម ដែលគាត់ត្រូវលះបង់ដោយការកោរសក់ដើម្បីអោយសាច់រឿងមានភាពរស់រវើកនិងមើលទៅពិតប្រាកដ»។ សូមបញ្ជាក់ផងដែរថា ស្ថានីយទូរទស្សន៍ភីអិនអិន នឹងពង្រីកម៉ោងសម្រាប់ចាក់ផ្សាយខ្សែភាពយន្ត ភាគខ្មែរនៅក្នុងម៉ោងមាស រហូតដល់ទៅមួយម៉ោងពេញ ចាប់ពីម៉ោង ៨:០០-៩:០០យប់ ដើម្បីអោយប្រិយមិត្តបានកម្សាន្តអារម្មណ៍ និងទទួលយកនូវចំណីចក្ខុថ្មីៗពីរឿងភាគខ្មែរដែលភីអិនអិនបានផលិត។ ដូច្នេះសូមបន្តចូលរួមគាំទ្រ និងលើកស្ទួយវិស័យភាពយន្តភាគខ្មែរ អោយកាន់តែរីកចម្រើនបន្ថែមទៀត៕   ទស្សនាឈុតខ្លី៖ 

០៣ ធ្នូ ២០១៦
​ភី​អិន​អិន ​​បង្កើត​ម៉ោង​ផ្សាយ​ថ្មី​សម្រាប់​រឿង​ភាគ​ហុងកុង​ TVB​

​ភី​អិន​អិន ​​បង្កើត​ម៉ោង​ផ្សាយ​ថ្មី​សម្រាប់​រឿង​ភាគ​ហុងកុង​ TVB​

ចុងឆ្នាំ​២០១៦​នេះ ស្ថានីយ​ទូរ​ទស្សន៍​ភី​អិន​អិន​នឹង​បង្កើត​ម៉ោង​ផ្សាយ​ថ្មី​សម្រាប់​ប្រិយមិត្ត​ដែល​និ​យម​គាំទ្រ​រឿង​ភាគ​ហុងកុង​TVB ដោយ​ព​ង្រី​ក​ម៉ោង​ចាក់ផ្សាយ​រហូតដល់​ទៅ​ពីរ​ម៉ោង ​រៀ​ង​រាល់ថ្ងៃ​ច័​ន្ទ​ដល់​ថ្ងៃ​សុក្រ។  ខ្សែ​ភាព​យ​ន្ត​ភាគ​ហុង​កុង​ដែល​នឹងត្រូវ​ចាក់ផ្សាយ​សម្រាប់​រយៈពេល​ពីរ​ម៉ោង​នេះ​មាន​ចំ​នួន​ពីរ​រឿង គឺ​រឿង​ «​ឃាតកម្ម​អា​ថ៍​កំបាំង​» ឬ Presumed Accident និង​រឿង​ «​សង្សារ​ខ្ញុំ​មនុស្ស​ក្រៅភ​ព​» ឬ My love from the planet Meow ដែល​សុទ្ធសឹង​ជា​ភាព​យ​ន្ត​ទទួលបាន​ការគាំទ្រ​ខ្លាំង​ពី​សំ​ណាក់​ប្រិយមិត្ត ​TVB នៅ​ហុងកុង ហើយ​នឹង​មាន​វត្តមាន​នៅលើ​កញ្ចក់​ទូរ​ទស្សន៍​ភី​អិន​អិន​ឆាប់ៗ​ខាងមុខ​នេះ​។ «​ឃាតកម្ម​អា​ថ៍​កំបាំង​» ប្រជុំ​សុទ្ធសឹងតែ​​តារា​ល្បីៗ​ប្រចាំ​TVB ដូចជា​ Lawrence Ng, Sisley Choi, Selena Lin និង​តារា​ល្បីៗ​ជាច្រើនរូប​ទៀត​។ រឿង​នេះ​បង្ហាញ​ពី​ការស្រាវជ្រាវ ស៊ើបអង្កេត រក​មូល​ហេតុ​នៅ​ពីក្រោយ​ការស្លាប់​យ៉ាង​អាថ៍​កំបាំង​។ ថា​តើ​រឿង​ន​រណា​ខ្លះ​ដែល​នៅ​ពីក្រោយ​ការស្លាប់​ទាំង​នេះ​? តើ​ការស៊ើបអង្កេត​នេះ​នឹង​ត្រូវ​ដោះស្រាយ​ដោយ​វិធី​ណា​ដើម្បី​រក​មូលហេតុ​ពិត​ឃើញ​? បើ​ចង់​ជ្រាប​ច្បាស់​ សូម​រង់ចាំ​ទស្សនា​ចាប់ពី​ថ្ងៃទី​០៩ ខែ​ធ្នូ ឆ្នាំ​២០១៦​ខាងមុខ​នេះ រៀងរាល់ថ្ងៃ​ព្រហស្បតិ៍ ដល់​ថ្ងៃ​សុក្រ វេលា​ម៉ោង១១:០០-១៣:០០​រសៀល ​បន្ទាប់ពី​រឿង​ «​វិថី​ជីវិត វ​គ្គ​២» ដែល​នឹង​បញ្ចប់ទៅ​នៅ​ថ្ងៃទី​ ០៨ ខែ​ធ្នូ​។​  ​ដោយឡែក​ខ្សែ​ភាព​យ​ន្ត​ភាគ​ហុងកុង​ថ្មី​សន្លាង​មួយ​ទៀ​ត​ គឺ​រឿង ​«​សង្សារ​ខ្ញុំ​មនុស្ស​ក្រៅភ​ព​» ​ដែល​​មាន​តារា​ចូលរួម​សម្តែង​ក៏​មិន​ចាញ់​រឿង «​ឃាតកម្ម​អា​ថ៍​កំបាំង​» ដែរ​ ដូចជា​លោក Moses Chan កញ្ញា Nancy Wu អ្នកនាង Kristal Tin រួម​នឹង​តារា​សម្តែង​ល្បីៗ​ជាច្រើនរូប​ទៀត​។ ​«​សង្សារ​ខ្ញុំ​មនុស្ស​ក្រៅភ​ព​» ធ្លាប់​ធ្វើ​ឱ្យ​កក្រើក​ម្តង​រួច​មកហើយ​នៅ​ហុងកុង​កាលពី​ឆ្នាំ​២០១៥​។ ហើយ​ក្នុង​ឆ្នាំ​២០១៦ រឿង​នេះ​ត្រូវបាន​ផលិត​ថ្មី ដើម្បី​ឱ្យ​រឹតតែ​ទាក់ទាញ រឹតតែ​ពិសេស និង​គួរ​ឱ្យ​ចង់​ទស្សនា​ជាង​មុន។ ​ភាព​យន្ត​មួយ​នេះ​មាន​បង្ហាញ​ទាំង​ឈុត​​ខ្មោច លាយ​ឡំ​​​កំប្លែង មនោសញ្ចេតនា​ស្នេហា​រវាង​ខ្មោច និង​មនុស្ស​។ ប្រិយមិត្ត​ប្រាកដជា​ចង់ដឹង​ពី​ខ្លឹមសារ​នៃ​សាច់រឿង​ទាំងមូល ថា​តើ​ពួកគេ​មាន​ទំនាក់ទំនង​ជាមួយគ្នា​ដោយ​របៀប​ណា បើ​ម្នាក់​ជា​មនុស្សលោក និង​ម្នាក់​ទៀត​ជា​មនុស្ស​ក្រៅ​ភ​ព​? ចុងក្រោយ​តើ​ទំនាក់ទំនង​របស់​ពួកគេ​នឹង​ទៅជា​យ៉ាងណា បើ​ម្នាក់ៗ​រស់នៅ​ភ​ពពីរ​ផ្សេងគ្នា​បែប​នេះ​? ​សូម​​រង់ចាំ​​​ទស្សនា​ទាំងអស់គ្នា ចាប់ពី​ថ្ងៃទី​១២ ខែ​ធ្នូ ខាងមុខ​នេះ រៀងរាល់ថ្ងៃច័​ន្ទ ដល់​ថ្ងៃ​ពុធ វេលា​ម៉ោង១១:០០-១៣:០០​រសៀល បន្ទាប់ពី​រឿង «​ល្បែង​ស្នេហ៍​» ដែល​នឹងត្រូវ​បញ្ចប់​នៅ​ថ្ងៃទី​០៨​ ខែធ្នូ​នេះហើយ​៕ ​ទស្សនា​ឈុត​ខ្លី​ៗ​៖​ សង្សារ​ខ្ញុំ​មនុស្ស​ក្រៅ​ភព  ឃាតកម្ម​អា​ថ៍​កំបាំង 

០១ ធ្នូ ២០១៦
កម្មវិធី​កម្សាន្ត​មួយ​ចំនួន​របស់​ភីអិនអិន នឹង​ត្រូវ​ផ្លាស់​ប្តូរ​ម៉ោង​ចាក់​ផ្សាយ​

កម្មវិធី​កម្សាន្ត​មួយ​ចំនួន​របស់​ភីអិនអិន នឹង​ត្រូវ​ផ្លាស់​ប្តូរ​ម៉ោង​ចាក់​ផ្សាយ​

ដើម្បី​តម្រូវ​តាម​ពេលវេលា​សម​ស្រប​របស់​ទស្សនិកជន ស្ថានីយ​ទូរទស្សន៍​ភីអិនអិន នឹង​ផ្លាស់​ប្តូរ​ម៉ោង​ចាក់​ផ្សាយ​កម្មវិធី​កម្សាន្ត​មួយ​ចំនួន​ដូច​ខាង​ក្រោម៖ - កម្មវិធី​ជជែក​កម្សាន្ត​បែប​ប្រជាប្រិយ «​ស៊ីអារម្មណ៍ ឬ Chit Chat Show» នឹង​ចាក់​ផ្សាយ​នៅ​ម៉ោង ១១:០០-១១:៣០ ព្រឹក រៀង​រាល់​ថ្ងៃ​អាទិត្យ- កម្មវិធី «គ្រួសារ​រីករាយ ឬ Family Fun Day» នឹង​ចាក់​ផ្សាយ​នៅ​ម៉ោង ១៩:៣០-២០:០០ យប់ រៀង​រាល់​ថ្ងៃ​សៅរ៍- កម្មវិធី​ជជែក​វែក​ញែក​ពី​ព្រឹត្តិការណ៍​ក្នុង​សង្គម «បេសកកម្ម​ប្រចាំ​សប្តាហ៍ ឬ Mission Of the week» នឹង​ត្រូវ​ចាក់​ផ្សាយ​នៅ​ម៉ោង ១០:០០-១០:៣០ នាទី​ព្រឹក រៀង​រាល់​ថ្ងៃ​សុក្រ- កម្មវិធី​កំប្លែង​មិន​ចេះ​រីង​ស្ងួត «វេទិកា​ព្រហ្មម៉ាញ ឬ Promanh With Friend» នឹង​ត្រូវ​ចាក់​ផ្សាយ​ចាប់​ពី​ថ្ងៃ​ទី​៤ ធ្នូ ២០១៦ នៅ​រៀង​រាល់​ថ្ងៃ​អាទិត្យ វេលា​ម៉ោង ១១:៣០-១២:០០ ថ្ងៃ​ត្រង់។  ពាក់​ព័ន្ធ​នឹង​ការ​ផ្លាស់​ប្ដូរ​ម៉ោង​ផ្សាយ​នេះ​ដែរ កញ្ញា ទូច បុប្ផា ប្រធាន​ផ្នែក​កម្មវិធី​ផ្សាយ​របស់​ភីអិនអិន បាន​ឲ្យ​ដឹង​ថា៖ "ដោយ​សារ​តែ​មាន​សំណូមពរ​ពី​ទស្សនិកជន​ជា​ច្រើន ឲ្យ​បន្ថែម​ការ​ផ្សាយ​ខ្សែ​ភាព​យន្ត​ភាគ​ខ្មែរ ទើប​ចុង​ឆ្នាំ​នេះ ភីអិនអិន បាន​ពង្រីក​ម៉ោង​ផ្សាយ​រឿង​ភាគ​ខ្មែរ​រហូត​ដល់​មួយ​ម៉ោង ដូច្នេះ ​យើង​ផ្លាស់​ប្ដូរ​ម៉ោង​ចាក់​ផ្សាយ​កម្មវិធី​មួយ​ចំ​នួន​ទៅ​ចាក់​ផ្សាយ​នៅ​ចុង​សប្តាហ៍ ប៉ុន្តែ​ក៏​រៀបចំ​ឲ្យ​ត្រូវ​ទៅតាម​ពេលវេលា​សមស្រប​សម្រាប់​ប្រិយមិត្ត​ផង​ដែរ"។ កញ្ញា​បន្ថែម​ថា៖ "ក្នុង​នោះ​ដែរ ក្រៅពី​ការ​ផ្លាស់​ប្ដូរ​ម៉ោង​ចាក់​ផ្សាយ ភីអិនអិន​ក៏​នឹង​បង្កើត​កម្មវិធី​ថ្មីៗ​ឲ្យ​ត្រូវ​តាម​តម្រូវ​ការ​ទស្សនិកជន។ ខាង​មុខ​នេះ ភីអិនអិន នឹង​មាន​គម្រោង​បន្ថែម​ការ​ចាក់​ផ្សាយ​ភាព​យន្ត​ភាគ​ខ្មែរ​ឲ្យ​បាន​ច្រើន​ជាង​នេះ"។  ស្ថានីយ​ទូរទស្សន៍​ភីអិនអិន កំពុង​ខិត​ខំ​បង្កើត និង​ផលិត​កម្មវិធី​ថ្មីៗ ដើម្បី​ផ្តល់​ការ​កម្សាន្ត ចំណេះ​ដឹង និង​អត្ថប្រយោជន៍​ផ្សេងៗ​ដល់​ប្រិយមិត្ត​ដែល​កំពុង​គាំទ្រ និង​ទស្សនា​រាប់​លាន​នាក់​ទូទាំង​ប្រទេស។ ថ្មីៗ​នេះ ភីអិនអិន ក៏​បាន​បង្កើត​កម្មវិធី​មួយ​ឈ្មោះ​ថា «រសជាតិ​ប្រចាំ​ផ្ទះ​បាយ Teapot» ចាក់​ផ្សាយ​រៀង​រាល់​ថ្ងៃ​សៅរ៍ វេលា​ម៉ោង ១២:០០-១២:៣០ ថ្ងៃ​ត្រង់។ កម្មវិធី​នេះ​ក៏​នឹង​ផ្តល់​ចំ​ណេះ​ដឹង​ផ្នែក​ធ្វើ​ម្ហូប​ដល់​ប្រិយមិត្ត ទាំង​ម្ហូប​បែប​ខ្មែរ និង​ម្ហូប​បែប​ថៃ ព្រម​ទាំង​មាន​ការ​ចូលរួម​ពី​សំណាក់​តា​រាថៃ​ល្បីៗ បង្កើត​អ្វី​ដែល​ប្លែកៗ និង​គួរ​ឲ្យ​ចាប់​អារម្មណ៍​ពី​មួយ​សប្តាហ៍​ទៅ​មួយ​សប្តាហ៍៕

២២ ​វិច្ឆិកា ២០១៦
ភីអិនអិននឹងបង្ហាញជូន ខ្សែភាពយន្តភាគខ្មែរចំនួនពីរ នាពេលឆាប់ៗនេះ

ភីអិនអិននឹងបង្ហាញជូន ខ្សែភាពយន្តភាគខ្មែរចំនួនពីរ នាពេលឆាប់ៗនេះ

ស្របពេលដែលខ្សែភាពយន្តភាគខ្មែរចំនួនពីររឿង គឺរឿង «ម្ទេសហឹរប៉ះអំបិលប្រៃ» និងរឿង «សង្គ្រាមបេះដូង» កាន់តែខិតចូលមកដល់ ភាគបញ្ចប់នាពេលឆាប់ៗខាងមុខនេះ ភីអិនអិនក៏នឹងត្រៀមចាក់ផ្សាយ ខ្សែភាពយន្តភាគខ្មែរថ្មីសន្លាងចំនូនពីររឿងបន្ថែមទៀតនាចុងឆ្នាំ២០១៦។ រឿង «សង្គ្រាមបេះដូង» នឹងត្រូវបញ្ចប់នៅថ្ងៃទី២៤ ខែវិច្ឆិកា នេះហើយ។ ប្រិយមិត្តនឹងបានជួបជាមួយរឿងភាគខ្មែរ រសជាតិថ្មីមួយទៀតគឺរឿង «កែវភ្នែក»។ កែវភ្នែក «ជារឿងដែលរៀបរាប់ពីការតស៊ូរបស់ម្តាយពិការភ្នែកម្នាក់ ដែលបានតស៊ូប្រឹងប្រែងគ្រប់យ៉ាង ព្រោះតែចង់អោយកូនបានរៀនខ្ពស់ខ្ពស់ និងបានកាងារធ្វើល្អក្នុងសង្គម។ ប៉ុន្តែកូនបែរជាមានអារម្មណ៍ខ្មាស់គេ ព្រោះតែមានម្តាយជាអ្នកពិការភ្នែកទៅវិញ។ ក្នុងនាមជាម្តាយ មិនដែលខឹងនឹងកូនទេ ហើយក៏មិនចង់ឃើញកូនបាក់ទឹកចិត្តក្នុងការរៀនសូត្រដែរ ម្តាយបានខិតខំរិះ រកគ្រប់វិធីទាំងអស់ ដើម្បីអោយកូនមានទឹកចិត្តក្នុងការរៀនសូត្រ និងខិតខំទំនុកបម្រុងកូនគ្រប់ បែបយ៉ាងរហូតកូនបានរៀនចប់ និងមានកាងារធ្វើល្អ»។ ខ្សែរឿងមនោសញ្ចេតនាកម្សត់ តស៊ូ របស់ម្តាយពិការភ្នែកម្នាក់នេះ នឹងមានបង្ហាញជូនរៀងរាល់ថ្ងៃព្រហស្បត្ត៍ ដល់ថ្ងៃសៅរ៍ វេលាម៉ោង ៨:០០-៩:០០បយប់ ចាប់ពីថ្ងៃទី២៥ ខែវិច្ឆិកា តទៅ។ ជាមួយគ្នានេះដែររឿង «ម្ទេសហឹរប៉ះអំបិលប្រៃ» ក៏នឹងចូលមកដល់ភាគបញ្ចប់នៅថ្ងៃទី៣០ ចុងខែវិច្ឆិកានេះហើយ។   រឿងភាគខ្មែរដែលចូលខ្លួនមកបំរើអារម្មណ៍ប្រិយមិត្តបន្ទាប់គឺរឿង«ភក្តីស្នេហ៍ទ្វេរភព» ជារឿងប្លែក និងជាចំណីចក្ខុថ្មីសម្រាប់ទស្សិកជន។ តួឯកប្រុសក្នុងរឿងនេះគឺលោក អ៊ុន សុទ្ធា ចាប់ដៃគូជាមួយកញ្ញា មឿន ផាណែត។ រឿងនេះនិយាយអំពី «ស្នេហាស្មោះស្ម័គ្ររវាង នេនទុំ និងនាងទាវ។ នេនទុំគឺជាអ្នកដែលពូកែខាងស្មូត្រ ចំណែកនាងទាវ ក៏ជានារីម្នាក់ ដែលមានរូបសម្រស់ល្អឯកដាច់គេនៅស្រុកត្បូងឃ្មុំ។ទុំ និងទាវបានចាប់ចិត្តប្រតិព័ទ្ធលើគ្នាទៅវិញទៅមក នៅពេលដែលទុំទៅសូត្រមន្ត និងស្មូត្រនៅផ្ទះរបស់ទាវ។ ទុំក៏បានលាចាកសិក្ខាបទដោយពុំមានការយល់ព្រមពី លោកគ្រូឡើយដោយសារតែចិត្តចង់រួមរស់ជាមួយទាវ។ ប៉ុន្តែក្តីស្នេហារបស់ពួកគេទាំងពីរនាក់មិនបានសមដូចបំណងនោះឡើយ យាយផាន់តែងតែបំបែកពួកគេជានិច្ច រហូតពួកគេបានទៅកាន់ភពមួយទៀត»។ ចង់ដឹងថាតើនឹងមានអ្វីកើតឡើងទើបបណ្តាលអោយ ពួកគេអាចឆ្លងទៅកាន់ភពមួយផ្សេងទៀតបាន? តើពួកគេនឹងជួបឧបសគ្គអ្វីខ្លះ ហើយត្រូវដោះស្រាយដោយរបៀបណា? សូមកុំភ្លេចរង់ចាំតាមដានទស្សនារឿង «ភក្តីស្នេហ៍ទ្វេរភព» ផ្សាយជូនរៀងរាល់ថ្ងៃ ច័ន្ទ ដល់ថ្ងៃពុធ វេលាម៉ោង ៨:០០-៩:០០យប់ ចាប់ពីថ្ងៃទី ០៥ខែធ្នូនេះតទៅ៕  ទស្សនាឈុតខ្លីនៃសាច់រឿងសូមចុច៖ កែវភ្នែក៖  ភក្តីស្នេហ៍ទ្វេរភព៖ 

២១ ​វិច្ឆិកា ២០១៦
ខ្សែភាពយន្តភាគថៃថ្មី សន្លាងមួយទៀតនឹង បង្ហាញវត្តមាននៅភីអិនអិន

ខ្សែភាពយន្តភាគថៃថ្មី សន្លាងមួយទៀតនឹង បង្ហាញវត្តមាននៅភីអិនអិន

 ខ្សែភាពយន្តភាគថៃជាច្រើនរឿងកន្លងមកហើយដែលបានចាក់ផ្សាយនៅលើកញ្ចក់ទូរទស្សន៍ភីអិនអិន មានការគាំទ្រយ៉ាងខ្លាំងពីសំណាក់ទស្សនិកជនអ្នកទស្សនា មានដូចជារឿង «ភរិយាបណ្តូលចិត្ត» «សុភាពបុរសថៈរថន» និងរឿង «មានសំបុកតែរងារ»ជាដើម។ ដោយឡែករឿងភាគថៃថ្មីមួយទៀត «ភ្លើងស្នេហ៍ភ្លើងគំនុំ»ឬ Fai Lang Fai នឹងបង្ហាញវត្តមាននៅលើកញ្ចក់ទូរទ្សន៍ភីអិនអិន ចាប់ពីថ្ងៃទី២១ ខែវិច្ឆិកា បន្ទាប់ពីរឿង «សុភាពបុរសថៈរថន»។   «ភ្លើងស្នេហ៍ភ្លើងគំនុំ» ឬ Fai Lang Fai រៀបរាប់ពីរឿងរ៉ាវ ដែលបានកើតឡើងកាលពី ២៥ឆ្នាំមុន ដែលប៉ារបស់លីឡា និងប៉ារបស់ណារ៉ុត បានវិនិយោគមុខជំនួញជាមួយគ្នា ប៉ុន្តែមិនយូរប៉ុន្មានប៉ារបស់ណារ៉ុត បានក្បត់ប៉ារបស់លីឡា។ ប៉ារបស់លីឡាត្រូវបានជួបគ្រោះថ្នាក់ចរាចរ ហើយប្រពន្ធរបស់គាត់ក៏ បានស្លាប់ក្នុងឧបត្តិហេតុនេះ ចំណែកប៉ារបស់លីឡាក៏ត្រូវពិការអស់មួយជីវិត។ បន្ទុកទាំងអស់ត្រូវបានធ្លាក់ទៅលើលីឡាទាំងស្រុង ជីវិតក៏ត្រូវបានផ្លាស់ប្តូរ។ នាងគិតថានឹងសងសឹក អ្នកដែលបានយកអ្វីៗពីប៉ារបស់នាង ត្រឡប់មកវិញ។ លីឡាបានប្តេជ្ញាលះបង់ជីវិត ដើម្បីបំផ្លាញគ្រួសារសត្រូវរបស់នាង ដើម្បីចង់ឱ្យប៉ារបស់ នាងបានសប្បាយចិត្ត។ ប៉ុន្តែគម្រោងការនេះ មិនងាយស្រួលនោះឡើយ ណារ៉ុតតែង តែព្យាយាមការពារក្រុមគ្រួសាររបស់ខ្លួន។ ស្របពេលនោះដែរ សេចក្តីស្រឡាញ់ ក៏កើតឡើង ណារ៉ុតបានធ្វើគ្រប់យ៉ាងទាំងអស់ ដើម្បីពន្លត់ភ្លើងកំហឹងរបស់លីឡា ដោយព្យាយាមយកចិត្ត និងផ្តល់ក្តីស្រឡាញ់ដល់នាង ។ តើលីឡាព្រមទទួលយកក្តីស្រឡាញ់នេះ ហើយបោះបង់ចោល គំនុំសងសឹកនេះដែរទេ? ទាំងអស់នេះនឹងបង្ហាញជូននៅក្នុងរឿង «ភ្លើងស្នេហ៍ភ្លើងគំនុំ» ផ្សាយជូនចាប់ពីថ្ងៃទី ២១ ខែវិច្ឆិកា រៀងរាល់ថ្ងៃច័ន្ទ ដល់ថ្ងៃពុធ វេលាម៉ោង ៩:០០-១០:០០យប់។ «ភ្លើងស្នេហ៍ភ្លើងគំនុំ» នឹងមានវត្តមានកំពូលតារាសម្តែង ដ៏ល្បីនៃប្រទេសថៃគឺបុរសសង្ហាលោក Boy Pakorn Chatborirak ចាប់ដៃគូជាមួយតួឯកស្រី ដ៏ស្រស់សោភាគឺកញ្ញា Peeranee Kongthai (Matt)។ ដូច្នេះសម្រាប់ប្រិយមិត្តអ្នកគាំទ្រ សូមកុំភ្លេចរង់ចាំតាមដានទស្សនាខ្សែភាពយន្តភាគថៃ លំដាប់លេខមួយនៅលើកញ្ចក់ទូរទស្សន៍ភីអិនអិន៕ ទស្សនាឈុតខ្លីនៃរឿង«ភ្លើងស្នេហ៍ភ្លើងគំនុំ»សូមចុច៖ 

២១ ​វិច្ឆិកា ២០១៦
ភីអិនអិនផ្តល់ឱកាសពិសេស មិនធ្លាប់មានសម្រាប់អ្នក ដែលចង់ក្លាយជាអ្នកចំរៀង

ភីអិនអិនផ្តល់ឱកាសពិសេស មិនធ្លាប់មានសម្រាប់អ្នក ដែលចង់ក្លាយជាអ្នកចំរៀង

ភ្នំពេញ៖ ស្ថានីយទូរទស្សន៍ភីអិនអិន បានរៀបចំបង្កើតកម្មវិធីថ្មីសប្បាយៗគឺ «PNN KARAOKE» ថែមទាំងឈ្នះរង្វាន់ និងផ្តល់ឱកាសដល់ប្រិយមិត្ត ដែលមានបំណង និងក្តីស្រមៃចង់ក្លាយជា អ្នកចំរៀងនៅក្នុង រឿងភាគប្រចាំភីអិនអិន។  ប្រិយមិត្តប្រាកដជាចង់ដឹងថា តើធ្វើយ៉ាងណាដើម្បីទទួល បានឱកាសមាសនេះ? ងាយស្រួល! គ្រាន់តែច្រៀង Cover បទ«ភរិយាល្អរបស់បង» ក្នុងរឿង«ភរិយាបណ្តូលចិត្ត» បន្ទាប់មក Post ចម្រៀង Cover ទៅក្នុងគេហទំព័រហ្វេសប៊ុករបស់អ្នក ដោយសរសេរ #PNNKaraoke រួចផ្ញើ Link ចម្រៀង Cover របស់អ្នកមកកាន់ប្រអប់សារគេហទំព័រហ្វេសប៊ុក PNN TV Cambodia។ ប្រសិនបើប្រិយមិត្តគិតថា ខ្លួនមានសមត្ថភាព មានសម្លេងពិរោះ និងមានភាពក្លាហាន ក្នុងការបញ្ចេញសមត្ថភាព ប្រញាប់រួសរាន់ផ្ញើបទចំរៀង Cover របស់លោកអ្នកមកកាន់គេហទំព័រហ្វេសប៊ុក PNN TV Cambodia។កាលបរិច្ឆេទចាប់ផ្តើមទទួលបទចំរៀង Cover នៅថ្ងៃទី០៧ ខែវិច្ឆិកា ឆ្នាំ២០១៦ និងផុតកំណត់ត្រឹមថ្ងៃទី២៦ ខែវិច្ឆិកា ឆ្នាំ២០១៦។ សម្រាប់លទ្ធផលនឹងប្រកាសជូននៅថ្ងៃទី០៥ ខែធ្នូ ឆ្នាំ២០១៦។ រាល់បទចំរៀងCover របស់លោកអ្នកដែលបានផ្ញើមក នឹងត្រូវបានវាយតម្លៃជ្រើសរើស ដោយក្រុមកាងារដែលមានបច្ចេកទេស និងមានបទពិសោធន៍ច្រើនឆ្នាំក្នុងវិស័យចម្រៀងប្រចាំ ស្ថានីយទូរទស្សន៍ភីអិនអិន។រាល់ព័ត៌មានផ្សេងៗសូមចូលទៅកាន់គេហទំព័រហ្វេសប៊ុក PNN TV Cambodia៕ សូមចុច Link ខាងក្រោមសម្រាប់ MV និង Karaoke នៃបទចំរៀង«ភរិយាល្អរបស់បង»៖Karaoke: https://www.youtube.com/watch?v=Xw9b5PvgstQMV:  https://www.facebook.com/PNNTVCambodia/videos/1237926782945708https://www.youtube.com/watch?v=6gM0pdBx6rc

២១ ​វិច្ឆិកា ២០១៦
ភីអិនអិន ត្រៀម​រៀបចំ​កម្មវិធី​ពិសេស

ភីអិនអិន ត្រៀម​រៀបចំ​កម្មវិធី​ពិសេស "អបអរសាទរ​ព្រះ​រាជ​ពិធី​បុណ្យ​អុំទូក ២០១៦"

 នៅ​សល់​តែ​២​ថ្ងៃ​ទៀត​ប៉ុណ្ណោះ ព្រះ​រាជ​ពិធី​បុណ្យ​អុំទូក អក​អំបុក និង​សំពះ​ព្រះ​ខែ នឹង​មក​ដល់​ហើយ ចំ​ថ្ងៃ​ទី​១៤ ១៥ កើត និង ១ រោច ខែ​កក្តិក ត្រូវ​នឹង​ថ្ងៃ​ទី​១៣ ១៤ និង ១៥ វិច្ឆិកា ២០១៦។ ដើម្បី​ជា​ការ​អបអរ​សាទរ​ព្រះរាជ​ពិធីបុណ្យ​ធំ​ប្រចាំ​ឆ្នាំ​នេះ ស្ថានីយ​ទូរទស្សន៍​ភីអិនអិន នឹង​រៀបចំ​ការ​ប្រគំ​តន្ត្រី​ពិសេស "អបអរ​សាទរ​ព្រះ​រាជ​ពិធី​បុណ្យ​អុំទូក ២០១៦" ដែល​នឹង​ចាក់​ផ្សាយ​នៅ​ថ្ងៃ​ទី​១៣ និង​ទី​១៤ វិច្ឆិកា។ សម្រាប់​ថ្ងៃ​ទី​១ ត្រូវ​នឹង​ថ្ងៃ​ទី​១៣ វិច្ឆិកា នឹង​មាន​វត្តមាន​តារា​ចម្រៀង​ល្បីៗ ដូចជា អ្នកស្រី ហ៊ឹម ស៊ីវន អ្នក​នាង ខាត់ សុឃីម លោក ខាត់ ជេម កញ្ញា យ៉ុង ចាន់​សុធាវី រួមទាំង​សិល្បករ សិល្បការិនី​ជា​ច្រើន​រូប​ទៀត។   ឈាន​ចូល​ដល់​ថ្ងៃទី​២ ដែល​ត្រូវ​នឹង​ថ្ងៃទី​១៤​ វិច្ឆិកា នឹង​មាន​វត្តមាន​តារា​ចម្រៀង ដូចជា លោក ណយ វ៉ាន់ណេត លោក នូ ស៊ិប កញ្ញា ស៊ុន ស្រីពេជ្រ អ្នកនាង គ្រត អ្នកនាង ទូច ស្រីល័ក្ខ លោក នៅ ស៊ីនឿន រួម​ទាំង​សិល្បករ សិល្បការិនី​ជា​ច្រើន​រូប​ទៀត។ ប្រិយមិត្ត​ប្រាកដ​ជា​បាន​ប្លែក​ភ្នែក​ជាមួយ​កម្មវិធី​ប្រគំ​តន្ត្រី "អបអរ​សាទរ​ព្រះរាជ​ពិធី​បុណ្យ​អុំទូក ២០១៦" ដែល​ដំណើរ​ការ​កម្មវិធី​ទាំង​មូល​មាន​លក្ខណៈ​បែប​ប្រពៃណី ទាំង​ការ​រៀបចំ​ឆាក ទាំង​បទ​ចម្រៀង និង​ការ​រៀបចំ​ខ្លួន​របស់​តារា​ចម្រៀង ថែម​ទាំង​មាន​ឈុត​ឆាក​ពិសេស​ៗ​នឹង​ត្រូវ​បង្ហាញ​ជូន​គ្រប់​វគ្គ​ផង​ដែរ។ កម្មវិធី​ប្រគំ​តន្ត្រី "អបអរ​ព្រះ​រាជ​ពិធី​បុណ្យ​អុំទូក ២០១៦" នឹង​ចាក់​ផ្សាយ​នៅ​ថ្ងៃ​អាទិត្យ ទី​១៣ និង​ថ្ងៃ​ចន្ទ ទី​១៤ វិច្ឆិកា ចាប់​ពី​វេលា​ម៉ោង ៧:០០-៩:០០ យប់ លើ​កញ្ចក់​ទូរ​ទស្សន៍​ភីអិនអិន៕ ទស្សនា​ការ​បង្ហាញ​សកម្មភាព​ខ្លីៗ៖ 

២១ ​វិច្ឆិកា ២០១៦
ឌួង ហ្សូរីដា ​រំភើបខ្លាំង​ដែល​បាន​ធ្វើ​ការ​ ជាមួយ​តារា​ថៃ​ល្បី​ឈ្មោះ​

ឌួង ហ្សូរីដា ​រំភើបខ្លាំង​ដែល​បាន​ធ្វើ​ការ​ ជាមួយ​តារា​ថៃ​ល្បី​ឈ្មោះ​

ក្នុង​កិច្ចសម្ភាស​ពិសេស​ជាមួយ ​ទូរទស្សន៍​ភីអិនអិន​ ពិធីការិនី​ឌួង ហ្សូរីដា​បាន​សម្តែង​អារម្មណ៍​រំភើប ​និង​មោទនភាព​ដែល​បាន​ក្លាយ​ជា ​ពិធីការិនី​ដំបូង​គេ​បង្អស់​ ក្នុង​ប្រទេស​ថៃ ថែម​ទាំង​បាន​ក្លាយ​ជា​ដៃ​គូ​ជាមួយ​តារា​សម្តែង​ និង​ជា​អ្នក​ដឹកនាំ​កម្មវិធី​ដ៏​ល្បី​របស់​ថៃ​ក្នុង​កម្មវិធី​ «រសជាតិ​ប្រចាំ​ផ្ទះ​បាយ​ Teapot»​​។  ​ឌួង ហ្សូរីដា​​ប្រាប់​ភីអិនអិន​ថា​ «​ខ្ញុំ​ពិត​ជា​មាន​សំណាង​ និង​មោទន​ភាព​ដែល​បាន​រួម​ការងារ​ជាមួយ​តារា​សម្តែង ​​អ្នក​ដឹក​នាំ​រឿង និង​ជា​អ្នក​ផលិត​កម្ម​វិធី​ដ៏​ល្បី​មួយ​រូប​នៅ​ប្រទេស​ថៃ​ គឺ​​លោក Kai Varayuth​ ទាំង​ដែល​ខ្ញុំ​ចេះ​ថៃ​មិន​សូវ​ច្បាស់ គឺ​ចេះ​ត្រឹម​តែ​អាច​ប្តូរ​បាយ​ញុំា​បាន​»។ ពិធីការិនី​សម្បូរ​វោហា​រូប​នេះ​បាន​បន្ថែម​ថា «កម្មវិធី "រសជាតិ​ប្រចាំ​ផ្ទះ​បាយTeapot”​ នឹង​មាន​អ្វី​ដែល​ប្លែក​ៗ​រៀងរាល់​សប្តាហ៍​សម្រាប់​ទស្សនិកជន​ ព្រម​ទាំង​ផ្តល់​អត្ថប្រយោជន៍​ច្រើន​ទៀត​ផង​ ជា​ពិសេស​គឺ​ការ​ផ្លាស់​ប្តូរ​វប្បធម៌ អរិយធម៌​គ្នា​ទៅ​វិញ​ទៅ​មក ​ពាក់ព័ន្ធ​នឹង​វិធីសាស្ត្រ​នៃ​ការ​ធ្វើ​ម្ហូប។​ យើង​យក​ម្ហូប​ខ្មែរ​យើង​ទៅ​បង្ហាញ​ជន​ជាតិ​ថៃ​ឱ្យ​បាន​ស្គាល់​ ហើយ​គេ​ក៏​យក​ម្ហូប​គេ​បង្ហាញ​ជូន​ជន​ជាតិ​ខ្មែរ​យើង​ឱ្យ​បាន​ស្គាល់​ដូច​គ្នា។»  សូម​បញ្ជាក់​ថា​កម្មវិធី​ «រសជាតិ​ប្រចាំ​ផ្ទះ​បាយ​ Teapot»​ ជា​កម្មវិធី​ថ្មី​សន្លាង​មួយ​របស់​ស្ថានីយ៍​ទូរទស្សន៍​ភីអិន​អិន សហការ​ផលិត​ជាមួយ​ក្រុម​ការងារ​​ប្រទេស​ថៃ ​និង​ទទួល​បាន​ការ​ឧបត្ថម្ភ​ទឹក​ដោះ​គោ​ម៉ាក​ Teapot ​ពី​ក្រុមហ៊ុន​ F&N​។ កម្មវិធី​នេះ​នឹង​បង្ហាញ​ជូន​មុខ​ម្ហូប​បែប​ខ្មែរ​និង​ថៃ ​ព្រម​ទាំង​មាន​ការ​ចូល​រួម​ពី​សំណាក់​តារា​ល្បី​ៗ​នៃ​ប្រទេស​ថៃ​រៀងរាល់​សប្តាហ៍​ទៀត​ផង​។   ​ចង់​ដឹង​ថា តើ​កម្មវិធី​នេះ​​មាន​តារា​ថៃ​ល្បី​ៗ​ណា​ខ្លះ​ចូល​រួម?​ មាន​មុខ​ម្ហូប​អ្វី​ប្លែក​ចែក​ជូន​ដល់​ទស្សនិក​ជន​​​ សូម​កុំ​ភ្លេច​រង់​ចាំ​ទស្សនា​កម្មវិធី «រសជាតិ​ប្រចាំ​ផ្ទះ​បាយ​ Teapot» នឹង​ចាក់​ផ្សាយ​ចាប់​ពី​ថ្ងៃ​ទី​១២​ ​វិច្ឆិកា ​២០១៦ រៀងរាល់​ថ្ងៃ​សៅរ៍ ចាប់​ពី​ម៉ោង​៧:០០-៧:៣០​យប់៕

០៨ ​វិច្ឆិកា ២០១៦
ទូរទស្សនិកជន គាំទ្រវត្តមាន ភាពយន្តភាគខ្មែរ ដំបូងលើកញ្ចក់ទូរទស្សន៍ ភីអិនអិន

ទូរទស្សនិកជន គាំទ្រវត្តមាន ភាពយន្តភាគខ្មែរ ដំបូងលើកញ្ចក់ទូរទស្សន៍ ភីអិនអិន

វត្តមាន​ខ្សែ​ភាព​យន្ត​ភាគ​ខ្មែរ​​ លើ​កញ្ចក់​ទូរទស្សន៍​ភីអិនអិន បាន​​ធ្វើ​ឲ្យ​​ប្រិយមិត្តអ្នក​តាម​ដាន   ទស្សនាមានការ​​​​ជក់​​ចិត្តដិតអារម្មណ៍​​​ និង​រីករាយ​​ ដែល​ស្ថានីយទូរទស្សន៍មួយនេះ ​គាំទ្រស្នាដៃ ផលិតករក្នុងស្រុក ក៏ដូចជាតារាសម្តែង ក្នុងស្រុក ក្នុងការសម្រិតសម្រាំង រឿងភាគគួរជាទីចាប់អារម្មណ៍ ដល់អ្នកទស្សនា។ បើតាមការសាកសួ រប្រជាពលរដ្ឋ ដែលនិយមតាមដានរឿងភាគខ្មែរ ពួកគាត់មានការកោតសរសើ​រខ្លាំង ពីគុណភាពនៃការផលិតរឿង របស់ផលិតកម្ម ក្នុងស្រុក និងសមត្ថភាព នៃការសម្តែងរបស់តួអង្គ នៅក្នុងរឿង ដែលបានចាក់ផ្សាយ លើភីអិនអិនកាលពីថ្ងៃចន្ទកន្លងមកនេះ។មិនតែប៉ុននោះ នៅលើទំព័រហ្វេសប៊ុក របស់ភីអិនអិន (www.facebook.com/PNNDramaFanClub) អ្នកចូលទស្សនា វីដេអូខ្លីៗ ស្តីពីរឿងភាគខ្មែរទាំងពីរ ដែលត្រូវបានបង្ហោះ តាំងពីមុនមានការចាក់ផ្សាយរឿង ជាផ្លូវការមកម្ល៉េះ មានចំនួនរាប់សែនដង បូករួមទាំងការ comments & Likes រាប់សែននាក់។   កាល​ពី​ថ្ងៃ​ចន្ទ​ទី៥ ខែកញ្ញា ឆ្នាំ២០១៦ ​ជា​ថ្ងៃ​ដំបូង ​ដែល​ស្ថានីយ​ទូរទស្សន៍​ភីអិនអិន ​បាន​ចាក់​បញ្ចាំង ​ខ្សែ​ភាព​យន្ត​ភាគ​ខ្មែរ​គឺ​​រឿង​ «ម្ទេសហិរ​ ប៉ះ​អំបិល​ប្រៃ»។ វណ្ណកម្ម​ថ្មី​នេះបាន​ញ៉ាំង ​ឲ្យ​អ្នក​គាំ​ទ្រ​ ជា​ច្រើន​​សម្ដែង​ការ​ភ្ញាក់​ផ្អើល និង​កោត​សសើរ ​មិន​​ដាច់​ពី​មាត់​ពី​ស្នា​ដៃ​ផលិត និង​ទេពកោសល្យ​សម្ដែង ​ដ៏​ប៉ិន​ប្រសប់របស់​ តារា​សម្ដែង​ខ្មែរ។ «ម្ទេសហឹរ ប៉ះអំបិលប្រៃ» ​ជា​ស្នា​ដៃ​ផលិត ​របស់​ផលិត​កម្ម​ LD Picture ក្រោម​ការ​សហការ និង​ទុន​វិនិយោគ​​ផ្ទាល់​​ របស់​ភីអិនអិន។ សាច់​រឿង​ទាំង​មូល ​​មាន​បង្កប់​អត្ថន័យ​គ្រប់​រស​ជាតិ ជា​ពិសេស ​គឺ​​​មាន​ការ​ចូល​រួម​សម្ដែង ​ពី​សំណាក់​តារា​ភាព​យន្ត​ខ្មែរ​ល្បីៗ ​ជា​ច្រើន​រូប ដូចជា កញ្ញា តូតា លោក អេវីន អ្នកនាង គ្រត លោក ជាសំណាង លោក​ ចាបចៀន កញ្ញា ទឹម រដ្ឋា រួមនឹងសិល្បករ​ល្បី​ៗ ​ជាច្រើនរូបទៀត។ ដោយឡែក នៅថ្ងៃព្រហស្បតិ៍ ដល់​ ថ្ងៃសៅរ៍ ទស្សនិកជន នឹងបានតាមដាន ទស្សនារឿងមួយ បែបផ្សេងទៀត ដែលបង្កប់ដោយ អាថ៌កំបាំងច្រើន គឺរឿង សង្គ្រាមបេះដូង ដែលជាស្នាដៃផលិត របស់ផលិតកម្ម ខ្មែរមេគង្គ។ពាក់ព័ន្ធនឹងរឿង សង្គ្រាមបេះដូងនេះដែរ សូមប្រិយមិត្តកុំភ្លេចរង់ចាំ តាមដានទស្សនា ហើយចូលរួមឆ្លើយសំនួរងាយៗ ដោយចូលទៅកាន់ ទំព័រហ្វេសប៊ុករបស់ភីអិនអិន (www.facebook.com/PNNDramaFanClub) ដើម្បីមានឱកាស ឈ្នះរង្វាន់អាវយឺតដ៏ស្រស់ស្អាត។  ​​ភីអិនអិន​ បាន និងកំពុង​តែ​ សហការ​ជាមួយ​ផលិត​កម្ម​ធំៗ ​ក្នុង​ស្រុក ដើម្បី​​សម្រេច​ឲ្យ​បាន ​ក្នុង​ការ​ផលិត​ខ្សែ​ភាព​យន្ត​​ភាគ​ខ្មែរ ឲ្យបានច្រើនជាង​១០០ម៉ោង ក្នុងឆ្នាំ២០១៦ នេះ​ដើម្បីផ្សាយជូនដល់ ទូរទស្សនិកជន។ ខ្សែ​ភាព​យន្ត​ភាគ​ខ្មែរ​ ចំនួន​២រឿង ​ដែល​កំពុង​​ចាក់​បញ្ចាំង ​លើ​កញ្ចក់​ទូរទស្សន៍​ភីអិនអិន នៅម៉ោង៨យប់។ រឿងទីមួយគឺ​ ​ម្ទេស​ហឹរ​ ប៉ះ​​អំបិល​ប្រៃ ​មាន​ចាក់​បញ្ចាំង​ជូន​ទស្សនា​​​ ចាប់​ពី​ថ្ងៃ​ចន្ទ ​ដល់​ថ្ងៃ​ពុធ ហើយរឿង​ទី២ គឺ ​សង្គ្រាម​បេះ​ដូង ​ចាក់​បញ្ចាំង​ ចាប់​ពី​ថ្ងៃ​ព្រហស្បតិ៍ ដល់​ថ្ងៃ​សៅរ៍៕  

២៦ តុលា ២០១៦
កម្សាន្ដផ្សេងទៀត

Copyright © 2016 PNN NEWS. All Rights Reserved.