ថ្ងៃសុក្រ ទី០៦ ខែមិថុនា ឆ្នាំ២០២៥
ថ្ងៃសុក្រ ទី០៦ ខែមិថុនា ឆ្នាំ២០២៥
ប្រទេសបារាំង គ្រោងនឹងហាមប្រាមការជក់បារីនៅតាមឆ្នេរសមុទ្រ,ក្នុងឧទ្យាន,ខាងក្រៅសាលារៀន និងបណ្តាទីកន្លែងផ្សេងទៀតចាប់ពីខែកក្កដា ខាងមុខនេះដើម្បីការពារកុមារ។ យោងរដ្ឋាភិបាលបារាំង។
បំរាម នឹងលើកលែងហាងកាហ្វេនៅបរិវេណទីវាលខាងក្រៅ ហើយនឹងមិនអនុវត្តចំពោះបារីអេឡិចត្រូនិចទេ។
ចាប់ពីថ្ងៃទី១ខែកក្កដា, វិធានការនេះ នឹងត្រូវអនុវត្តន៍នៅតំបន់ឆ្នេរ សួនសាធារណៈ និងសួនច្បារ តំបន់សាលារៀន ចំណតរថយន្តក្រុង និងកន្លែងហាត់កីឡា។
ក្រសួងសុខាភិបាលបារាំង បាននិយាយថា ការជក់បារី បានសម្លាប់មនុស្សប្រហែល២០០នាក់ជារៀងរាល់ថ្ងៃក្នុងប្រទេសបារាំង។
ការជក់បារីនៅប្រទេសបារាំង ស្ថិតនៅកម្រិតទាបជាប្រវត្តិសាស្ត្រ។ យោងរបាយការណ៍ចេញផ្សាយនៅខែមិថុនាដោយក្រុមសង្កេតការណ៍បារាំងសម្រាប់គ្រឿងញៀន និងនិន្នាការគ្រឿងញៀ់ន។
ស្ថាប័នដដែល បន្តឱ្យដឹងថា តិចជាង១/៤នៃក្រុមមនុស្សដែលមានអាយុពី ១៨-៧៥ឆ្នាំ បានជក់បារីជារៀងរាល់ថ្ងៃ។ នេះជាកម្រិតទាបបំផុតចាប់តាំងពីប្រទេសបារាំង បានចាប់ផ្តើមកត់ត្រាទិន្នន័យនៅចុងឆ្នាំ១៩៩០។
ចក្រភពអង់គ្លេស បានប្រកាសហាមឃាត់ការជក់បារីស្រដៀងគ្នានេះកាលពីឆ្នាំមុន។ ចំណែកតំបន់មួយចំនួនរបស់អេស្ប៉ាញ បានហាមឃាត់ការជក់បារីនៅលើឆ្នេរ។
ប្រែសម្រួល៖ណាវ័ន្ត
.jpg)
.jpg)
