មិនឱ្យហ្វេនៗខកបំណង តារាចម្រៀងសម្លេងពីរោះ ងួន វីរ៉ាវណ្ណ បានទម្លាក់បទចម្រៀងថ្មីចំណងជើង «កំលោះស្រែៗ» ជាចង្វាក់កន្ទ្រឹមបែបសប្បាយៗទុកសម្រាប់ពុកម៉ែបងប្អូនរាំលេងកម្សាន្តនាឱកាសពិធីបុណ្យចូលឆ្នាំថ្មីប្រពៃណីជាតិខ្មែរ។

 
តារាចម្រៀងរូបសង្ហាសម្លេងពីរោះរណ្តំចិត្ត លោក ងួន វីរ៉ាវណ្ណ ថ្មីៗនេះទើបតែទម្លាក់បទចម្រៀងថ្មីៗលើឆានែលយូធូប និងទំព័រហ្វេសប៊ុកផ្លូវការរបស់លោក ទុកសម្រាប់ត្រៀមរាំលេងកម្សាន្តជាមួយពុកម៉ែបងប្អូនប្រជាជនកម្ពុជាយើងនាឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានមកដល់នៅប៉ុន្មានថ្ងៃខាងមុខនេះ។

 
«កំលោះស្រែៗ» ជាស្នាដៃចម្រៀងថ្មីរបស់អ្នកកំលោះ វីរ៉ាវណ្ណ  ដែលបទនេះជាចង្វាក់កន្ត្រឹមបែបសប្បាយៗស័ក្កសមបំផុតសម្រាប់ការរាំលេងកម្សាន្តនាឱកាសពិធីបុណ្យចូលឆ្នាំថ្មីប្រពៃណីជាតិខ្មែរ។
 

 
មិនត្រឹមតែចេញបទចម្រៀងថ្មីប៉ុណ្ណោះទេ តារាចម្រៀងរូបនេះក៏នឹងបង្ហាញខ្លួនតាមការប្រគំតន្រ្តីតាមបណ្តាខេត្តរយៈពេល ៣ ថ្ងៃនៃពិធីបុណ្យចូលឆ្នាំខ្មែរផងដែរ ពោរគឺចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៥ ខាងមុខ តាមទីតាំងដែលបានកំណត់រួចហើយ។

 
ម្ចាស់បទ «កំលោះស្រែៗ» សង្ឃឹមថា ពុកម៉ែបងប្អូននឹងចូលរួមលេងកម្សាន្តឱ្យបានច្រើនកុះករ ដើម្បីទទួលយកភាពសប្បាយរីករាយពីតារាចម្រៀងល្បីៗ ក៏ដូចជាលេងល្បែងប្រជាប្រិយខ្មែរយើង៕
 

អត្ថបទ៖ រ៉ាត់ ចាន់ធីតា រូបភាព៖ ឃាង ទូច និងហ្វេសប៊ុក