ក្នុងនាមម្ចាស់ជយលាភីអន្តរជាតិឆ្នាំចាស់ កំលោះសង្ហា លាវ វេងហួរ ជឿជាក់ថា  ជា ឧត្តម ហ្វីឌែល Mister Friendship Cambodia 2024 នឹងក្រសោបពាននាការប្រកួតលើឆាកអន្តរជាតិនៅ តៃវ៉ាន់ បានក្នុងពេលដ៏ខ្លីខាងមុខ។

កំលោះសង្ហាជាកូនខ្មែរមកពីប្រទេសបារាំង ជា ឧត្តម ហ្វីឌែល បានក្លាយជាម្ចាស់ជយលាភី Mister Friendship Cambodia 2024 ដែលលោកនឹងតំណាងឱ្យកម្ពុជាទៅចូលរួមប្រកួតប្រជែងកម្មវិធី Mister Friendship International 2024 កោះតៃវ៉ាន់ នាពេលឆាប់ៗខាងមុខនេះ។

រកឃើញម្ចាស់ជយលាភីភ្លាម កំលោះសង្ហា លាវ វេងហួរ ដែលជាម្ចាស់ជយលាភី Mister Friendship International 2023 ទម្លាយចំនុចពិសេសរបស់ ជា ឧត្តម ហ្វីឌែល ខ្ទេចគ្មានសល់ ប៉ុន្តែលោកសូមលើកឡើងតែ ៣ ចំនុចធំៗប៉ុណ្ណោះមករៀបរាប់ឱ្យទស្សនិកជន និងអ្នកគាំទ្របានដឹង។

ផ្អែកលើចំនុចពិសេសខាងលើ វេងហួរ យល់ថា ហ្វីឌែល មិនមានអ្វីត្រូវកែតម្រូវច្រើនឡើយ គ្រាន់តែចង់ឱ្យប្រឹងហ្វឹកហាត់បន្ថែមបន្តិចទៀត ដើម្បីបង្កើនភាពជឿជាក់ឱ្យខ្លួនឯង ឱ្យកាន់តែច្រើនជាងនេះ។

ក្នុងនាមជាជយលាភី Mister Friendship Cambodia 2023 និងជាម្ចាស់ជយលាភីអន្តរជាតិ Mister Friendship International 2023 វេងហួរ សង្ឃឹមថា ជា ឧត្តម ហ្វីឌែល នឹងធ្វើបានល្អក្នុងការតំណាងកម្ពុជាចូលរួមប្រកួតលើវេទិកាអន្តរជាតិ ហើយក៏សង្ឃឹមថា លោកនឹងអាចបង្កើតប្រវត្តិសាស្ត្រ B2B សម្រាប់កម្ពុជាយើងផងដែរ៕

អត្ថបទ៖ រ៉ាត់ ចាន់ធីតា រូបភាព៖ ឆិល សុភ័ស្ត និងហ្វេសប៊ុក