ជីវិតមើលមិនឃើញឡើយលោក ផាន់រ៉ុង ធ្លាប់ឆ្លងកាត់ជីវិតជាអ្នកជួសជុលទូរស័ព្ទរហូតក្លាយជាអ្នកបង្កើតមាតិការល្បីឈ្មោះនិងមានប្រាក់ចំណូលខ្ពស់នាពេលបច្ចុប្បន្ននេះ ។ 

ពីមួយថ្ងៃទៅមួយថ្ងៃលោក ផាន់រ៉ុង ដែលត្រូវមហាជនស្គាល់ថាជាអ្នកបង្កើតមាតិកាល្បីឈ្មោះមួយរូបនោះកាន់តែល្បីល្បាញឡើង និងទទួលបានប្រាក់ចំណូលខ្ពស់ជារៀងរាល់ថ្ងៃ ប៉ុន្តែមុននឹងមានមុខមាត់ដូចសព្វថ្ងៃនេះលោកទទួលរងនូវការប្រមាថ និងការតស៊ូយ៉ាងច្រើន ។

ជាក់ស្ដែងក្នុងការចូលរួមផលិតមាតិកាឱ្យកម្មវិធី Davida Vitamin C Mini Event កាលពីចុងសប្ដាហ៍មុន តារាចម្រៀង និងជាអ្នកផលិតមាតិកា កំពុងមានទីផ្សាររូបនេះបានននិយាយថាលោកក៏ស្ទើរមិនជឿលើខ្លួនឯងដូចគ្នា ដោយកាលដំបូងឡើងត្រឹមតែជាជាងជួសជុលទូសព្ទដៃម្នាក់ និងមិនដែលនឹកស្មានថាមានដូចថ្ងៃនេះទេ។

 ជាមួយនិងការបង្ហាញខ្លួននោះលោក ផាន់រ៉ុង ក៏បានរំលឹកពីជីវិតតស៊ូរបស់ខ្លួនតាំងពីអ្នកធ្វើជាជាងជួសជុលទូរស័ព្ទ រហូតបានក្លាយទៅជាអ្នកបង្កើតមាតិកាដូចសព្វថ្ងៃនេះដែលអាចរកប្រាក់ចំណូលបានខ្ពស់គួរសម ។ ដោយឡែកលោក សាំង សីហា ដែលជាអគ្គនាយកក្រុមហ៊ុន Davida Cosmetic Industry Cambodia ដែលបានជ្រើសរើសក្រុមលោក ផាន់ រ៉ុង មកធ្វើមាតិកាប្រម៉ូតផលិតផលរបស់ខ្លួន ព្រោះតែទីផ្សារតារារូបនេះ រួមនឹងក្រុមទាំងមូលគឺកំពុងទទួលការគាំទ្រខ្លាំងពីមហាជនលើបណ្ដាញសង្គម។

ទោះជាមានតម្លៃរាងខ្ពស់បន្តិចក្ដី ក៏ប៉ុន្តែអគ្គនាយកវ័យក្មេងរូបនេះនៅតែសម្រេចចិត្តជ្រើសរើស ព្រោះតែសក្ដានុពលទីផ្សារនាពេលបច្ចុប្បន្ន ហើយលោកផ្ទាល់ ក៏ធ្លាប់ជាអតីពលករនៅប្រទេស កូរ៉េ ផងដែរ មុននឹងជោគជ័យដូចសព្វថ្ងៃនេះ លោកបានតស៊ូនិងពុះពារឧបសគ្គជាច្រើន លោកពិតជាពេញចិត្តនូវស្នាដៃផលិតវិដេអូរបស់ក្រុមលោក ផាន់រ៉ុង ខ្លាំងណាស់ ។ 

 
សូមបញ្ជាក់ថា ផាន់រ៉ុង ចាប់ផ្តើមល្បីឈ្មោះនៅក្នុងឆ្នាំ ២០១៩ មកទល់ពេលនេះមានរយៈពេល៥ឆ្នាំហើយដែលលោកប្រឹងប្រែងតស៊ូក្នុងការផលិតវិដេអូប្លែកសម្រាប់ចែកចាយជូនបងប្អូនទស្សនិកជនទស្សនា ។ លោកថែមទាំងបានលើកទឹកចិត្តដល់យុវជនទាំងអស់ ប្រឹងប្រែងធ្វើការងារដែលខ្លួនស្រឡាញ់ដើម្បីស្វែងរកអ្វីស្រមៃរបស់ខ្លួន ៕ 

អត្ថបទ ៖ ម៉ា រីសា រូបភាព ៖ ឃាង ទូច