ជាលើកដំបូងក្នុងប្រវត្តិសាស្ត្រ ដែលរូបគំនូរស្នាដៃមនុស្សយន្ត AI អាចលក់ដេញថ្លៃបានខ្ពស់បំផុតរហូតដល់ខ្ទង់លានដុល្លារ។ ចង់ដឹងថារូបគំនូរ និងម្ចាស់ស្នាដៃនោះមានមុខមាត់យ៉ាងណា សូមតាមដានទាំងអស់គ្នា។

មនុស្សយន្តឈ្មោះ Ai-Da Robot បានបង្កើតកំណត់ត្រាថ្មីមួយនៅក្នុងពិភពសិល្បៈគំនូរមនុស្សយន្ត ដោយការដាក់លក់ស្នាដៃសិល្បៈរបស់នាងគឺ 'A.I. God' នៅមជ្ឈមណ្ឌលដេញថ្លៃស្នាដៃសិល្បៈឌីជីថល Sotheby's (សូដឺប៊ីស៍)។

ផ្អែកតាមការចុះផ្សាយរបស់សារព័ត៌មានរ៉យទ័រ រូបគំនូរខ្នាតធំរបស់ Ai-Da អាចលក់ដេញថ្លៃបានក្នុងតម្លៃខ្ពស់គួរឱ្យភ្ញាក់ផ្អើល ពោលគឺរហូតដល់មួយលានបីសែនដុល្លារ ខណៈតម្លៃដែលគេរំពឹងទុកកន្លងមកគឺត្រឹមតែចន្លោះ ១២ ម៉ឺន ទៅ ១៨ ម៉ឺនដុល្លារ តែប៉ុណ្ណោះ។

ការដាក់លក់លើកនេះមិនត្រឹមតែជាលើកទីមួយនោះទេដែលស្នាដៃសិល្បៈរបស់មនុស្សយន្តត្រូវបានលក់នៅឯការដេញថ្លៃ ប៉ុន្តែក៏ជាការគូសបញ្ជាក់ពីកំណើនកើនឡើងនៃការរួមបញ្ចូលបច្ចេកវិទ្យាបញ្ញាសិប្បនិម្មិតនៅក្នុងទីផ្សារសិល្បៈផងដែរ។

គួរបញ្ជាក់ដែរថា មនុស្សយន្ត Ai-Da គឺជាស្នាដៃបង្កើតឡើងដោយអ្នកវិទ្យាសាស្ត្រអង់គ្លេសឈ្មោះ Alan Turing (អាឡាន ធួរីង) ដែលបានទទួលមរណភាពក្នុងវ័យ ៤១ឆ្នាំ។ តាមរយៈវីដេអូផ្សព្វផ្សាយ មនុស្សយន្ត Ai-Da បានរៀបរាប់ថានាងបានរូបគំនូរនេះដែលជារូបរបស់លោក Alan Turing ដើម្បីរំឭកដល់ខួប ៧០ ឆ្នាំនៃការចាកចេញរបស់លោក គឺនៅថ្ងៃទី៧ ខែមិថុនា ឆ្នាំ១៩៥៤ ៕

ប្រែសម្រួល៖ វ៉ាន់ថន