ថ្ងៃអាទិត្យ ទី០៨ ខែកញ្ញា ឆ្នាំ២០២៤
ថ្ងៃអាទិត្យ ទី០៨ ខែកញ្ញា ឆ្នាំ២០២៤
អាល់ប៊ុមថ្មីរបស់ក្រុមចម្រៀងខេប៉ុប Stray Kids មានចំណងជើង “ATE” អាចលក់ដាច់ជាង ២ លានបន្ទះដោយប្រើរយៈពេលត្រឹមតែ ៥ ថ្ងៃប៉ុណ្ណោះ។កាលពីថ្ងៃទី ១៩ ខែកក្កដា ក្រុមចម្រៀងខេប៉ុបកំពុងល្បីពីផលិតកម្ម JYP គឺ Stray Kids បានធ្វើការវិលត្រលប់មកវិញជាមួយមីនីអាល់ប៊ុមថ្មីមានចំណងជើងថា “ATE” (អេធីអ៊ី) និងបទចម្រៀងនាំមុខមានចំណងជើងថា “Chk Chk Boom” (ឈឹក ឈឹក ប៊ូម)។
រយៈពេលត្រឹមតែប្រាំថ្ងៃក្រោយមក គេហទំព័រ Hanteo Chart បានប្រកាសនៅថ្ងៃទី ២៤ ខែកក្កដានេះថា អាល់ប៊ុម "ATE" អាចលក់ដាច់សរុប ពីរលានពីរម៉ឺនប្រាំបីរយបន្ទះ (2,025,800)។
គួរបញ្ជាក់ថា “ATE” គឺជាអាល់ប៊ុមទីបួនជាប់ៗគ្នារបស់ Stray Kids ដែលអាចលក់បានច្រើនជាង ២ លានបន្ទះក្នុងសប្តាហ៍ដំបូងនៃការចេញផ្សាយ បន្ទាប់ពីអាល់ប៊ុម “MAXIDENT” (ម៉េកស៊ីដេន) អាល់ប៊ុម “★★★★★ (5-Star)” និងអាល់ប៊ុម “ROCK-STAR”។
ក្រឡេកទៅមើលវីដេអូចម្រៀងបទ “Chk Chk Boom” ដែលជាបទចម្រៀងនាំមុខក្នុងអាល់ប៊ុមថ្មីនេះក៏ទទួលបានការចាប់អារម្មណ៍យ៉ាងខ្លាំងផងដែរ ខណៈមានការចូលរួមសម្ដែងពីតារាសម្ដែងភាពយន្ត “Deadpool & Wolverine” (ឌេតភូល អេន វូលវើរីន) គឺតារាសម្ដែង Ryan Reynolds (រ៉ាយអិន រ៉េណុលស៍) និង Hugh Jackman (ហ្យូច ជេកមេន) ដោយក្នុងរយៈពេល ៥ ថ្ងៃ វីដេអូនេះមានអ្នកចូលទស្សនាជាង ៤៧ លានដងនៅលើយូធូប ៕
ប្រែសម្រួល៖ វ៉ាន់ថន