ថ្ងៃអង្គារ៍ ទី១៧ ខែកញ្ញា ឆ្នាំ២០២៤
ថ្ងៃអង្គារ៍ ទី១៧ ខែកញ្ញា ឆ្នាំ២០២៤
ចំណាត់ថ្នាក់ប្រជាប្រិយភាពក្រុមចម្រៀងខេប៉ុបជំនាន់ថ្មីសម្រាប់ខែកញ្ញាទើបតែត្រូវបានបង្ហាញដោយក្រុមចម្រៀងបុរស RIIZE ពីផលិតកម្ម SM Entertainment បានជាប់លេខ ១។
វិទ្យាស្ថានស្រាវជ្រាវពាណិជ្ជកម្មកូរ៉េទើបតែបញ្ចេញបញ្ជីចំណាត់ថ្នាក់កេរ្តិ៍ឈ្មោះក្រុមចម្រៀងខេប៉ុបជំនាន់ថ្មីសម្រាប់ខែកញ្ញា ដោយផ្អែកលើការបូកសរុបទិន្នន័យផ្សេងៗចាប់តាំងពីសកម្មភាពអ្នកគាំទ្រ ការលេចមុខលើបណ្ដាញព័ត៌មាន និងទំនាក់ទំនងសាធារណៈ។
ក្នុងនោះចំណាត់ថ្នាក់កំពូលបានលើក្រុមចម្រៀង RIIZE (រ៉ាយស៍) ដែលទទួលបានសន្ទស្សន៍ពិន្ទុសរុប ១,៥ លាន ដោយក្នុងនោះប្រធានបទពាក់ព័ន្ធនឹងពួកគេដែលទទួលបានការចាប់អារម្មណ៍ខ្លាំងបំផុតសម្រាប់រយៈពេលមួយខែកន្លងទៅមានដូចជា កម្មវិធី BOSS RIIZE ការប្រគំតន្ត្រីនៅជប៉ុន និងការលក់អាល់ប៊ុម ស្របពេលដែលការបញ្ចេញមតិនានាពាក់ព័ន្ធនឹងពួកគេ មានមតិវិជ្ជមានជាង ៨៤ ភាគរយ។
ចំណែកឯចំណាត់ថ្នាក់លេខ ២ គឺបានលើ TWS ក្រុមចម្រៀងបុរសថ្មីរបស់ HYBE (ហែប) ជាមួយសន្ទស្សន៍ពិន្ទុសរុប ១,៣ លាន ខណៈកាលពីខែមុន ក្រុមចម្រៀងមួយនេះទើបតែប្រកាសឈ្មោះក្លឹបអ្នកគាំទ្ររបស់ពួកគេ មានឈ្មោះថា “42 (SAI)”។
ចំណាត់ថ្នាក់កំពូលទី៣ បានលើក្រុមចម្រៀងនារី KISS OF LIFE ជាមួយសន្ទស្សន៍ពិន្ទុសរុប ១ លាន ស្របពេលចំណាត់ថ្នាក់លេខ ៤ បានលើក្រុមនារី TripleS និងចំណាត់ថ្នាក់លេខ ៥ បានលើក្រុមចម្រៀងបុរស ZEROBASEONE ៕
ប្រែសម្រួល៖ វ៉ាន់ថន