ថ្ងៃព្រហស្បតិ៍ ទី២៥ ខែមេសា ឆ្នាំ២០២៤

អ្នកស្រលាញ់សត្វនៅហ្វីលីពីននាំគ្នាប្រារព្ធបុណ្យនៃក្ដីស្រលាញ់ជាមួយសត្វនៅមណ្ឌលសង្គ្រោះ

១៦ កុម្ភៈ ២០២៤ | កម្សាន្ដ

 

អ្នកស្រឡាញ់សត្វចិញ្ចឹមហ្វីលីពីនបានជ្រើសរើសប្រារព្ធពិធីបុណ្យនៃក្ដីស្រលាញ់ជាមួយសត្វដែលត្រូវបានជួយសង្គ្រោះ នៅឯមណ្ឌលសត្វមួយកន្លែងក្នុងទីក្រុងម៉ានីល ដើម្បីបង្ហាញពីក្តីស្រលាញ់ដល់ពួកគេ និងលើកកម្ពស់ការទទួលចិញ្ចឹមសត្វផងដែរ។

 


សមាគមសុខុមាលភាពសត្វហ្វីលីពីន បានរៀបចំព្រឹត្តិការណ៍ "FURst date" (ហ្វើស ដេត) ដែលអ្នកចូលរួមទាំងអស់អាចមកលេងជាមួយសត្វឆ្កែ និងឆ្មាដែលត្រូវបានជួយសង្គ្រោះ ដោយភ្ញៀវដែលចូលរួមអាចទទួលបានអាហារសម្រន់ បន្ទាប់ពីចូលរួមបរិច្ចាគទៅកាន់សមាគមចំនួន ១៣ដុល្លារ។

 


មន្ត្រីយុទ្ធនាការរបស់សមាគមគឺអ្នកនាង Sharon Yap (ស្ហារ៉ុន យ៉ាប) បាននិយាយថា ៩០ ភាគរយនៃសត្វនៅទីនេះត្រូវបានជួយសង្គ្រោះពីចេញ “ភាពឃោរឃៅ និងការធ្វេសប្រហែស”។ 

 

 

អ្នកចូលរួមកម្មវិធីអាចមើលថែសត្វទាំងនោះ ហើយទោះបីជាពួកគេមិនអាចចិញ្ចឹមពួកវាជារៀងរហូត យ៉ាងហោចណាស់ពួកគេអាចចូលរួមបរិច្ចាគដើម្បីសង្គ្រោះពួកវាដែរ។

 


អ្នកនាងបន្ថែមថា សកម្មភាពនេះនឹងអាចជួយកាត់បន្ថយរូបភាពនៃការបង្កគ្រោះថ្នាក់ចំពោះសត្វ ហើយសង្ឃឹមថា វិញ្ញាណនៃទិវាក្តីស្រឡាញ់នឹងលើកទឹកចិត្តប្រជាជនហ្វីលីពីនឱ្យទទួលចិញ្ចឹមសត្វពីមណ្ឌលសង្គ្រោះ ជាជាងទិញសត្វចិញ្ចឹម។

 


នាពេលបច្ចុប្បន្ន សមាគមមួយនេះមានសត្វឆ្កែ ៦៥ ក្បាល និងឆ្មាចំនួន ១៧០ ក្បាល ដែលភាគច្រើនបានរងគ្រោះពីការទាក់យកទៅលក់ ឬការធ្វេសប្រហែសរបស់ម្ចាស់។ កម្មវិធីពិសេសនេះនឹងបន្តស្វាគមន៍អ្នកចូលរួមលេងជាមួយសត្វចិញ្ចឹមរហូតដល់ថ្ងៃទី១៧ ខែកុម្ភៈ ៕

 

 

ប្រែសម្រួល៖ វ៉ាន់ថន

 

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024