ខ្សែភាពយន្តភាគចិត្តដ៏ល្អឯកមួយទៀតគឺរឿង”សួស្ដីទេព្ដាមេអណ្ដើក” ដែលប្រជុំដោយតារាល្បីៗ និងសាច់រឿងមានគ្រប់រសជាតិ នឹងបង្ហាញវត្តមានលើកញ្ចក់ទូរទស្សន៍ PNN ចាប់ពីថ្ងៃត្រង់ស្អែកនេះតទៅហើយ។

ចំណងដៃថ្មី នៃកំពូលខ្សែភាពយន្តភាគចិនមួយរឿងទៀតហើយ ដែលត្រៀមនឹងបង្ហាញវត្តមាននៅលើកញ្ចក់ទូរទស្សន៍ភីអិនអិនចាប់ពីថ្ងៃត្រង់ស្អែកនេះតទៅ នោះគឺរឿង« សួស្តីទេព្តាមេអណ្តើក »។ ទស្សនិកជន នឹងប្លែកអារម្មណ៍ ប្លែកភ្នែក ជាមួយនឹងសាច់រឿងដែលត្រូវបានប្រឌិតឡើងក្រោមអភិនីហារ យុទ្ធសិល្បិ៍ ដែលបានចងក្រងឡើងជាឈុតឆាកល្អមើល ទាក់ចិត្ត ចង់តាមដានមួយភាគទៅមួយភាគ។ 

វត្តមានតារាសម្តែងចិនវ័យក្មេង  ពន្លកក្រោយជាច្រើនដួង គឺជាតួអង្គនៅក្នុងសាច់រឿង ដែលនឹងធ្វើឲ្យអ្នកទស្សនាគយគន់ពីសម្រស់ និងទេពកោសល្យក្នុងការសម្តែងយ៉ាងប៉ិនប្រសប់ទៀតផងដែរ។ អមជាមួយនឹង វីដេអូនៃឈុតឆាក ដែលពោរពេញទៅដោយទេសភាពយ៉ាងស្រស់បំព្រង ត្រជាក់ភ្នែក ហាក់នាំអារម្មណ៍លោកអ្នក អ្នកទស្សនា     អណ្តែងអណ្តូងទៅតាមទិដ្ឋភាពដ៏ស្រស់ត្រកាលផងដែរ។ 

សួស្តីទេព្តាមេអណ្តើក គឺជាសាច់រឿងថ្មីមួយដែលបង្ហាញពីរឿងរ៉ាវមនុស្សលោក និងទេវតា ដែលបានបណ្តាលនិស្ស័យឲ្យបានជួបគ្នា ក៏ដូចជារឿងព្រេងនិទានមួយដែលត្រូវបានលើកយកមកផលិតជាខ្សែវីដេអូជូនទស្សនា។ រឿងនេះ បង្ហាញពី តួអង្គ មនុស្សអមតៈអាយុមួយម៉ឺនឆ្នាំ បូយ៉ាន  គឺជាមនុស្សអមតៈ អាចរក្សាអាយុជាងមួយម៉ឺនឆ្នាំ ប៉ុន្តែក្រោយមក ជីវិតអាពាហ៍ពិពាហ៍របស់មនុស្សលោកនៅឋានកណ្តាល មួយចំនួននៅក្នុងពិភពជីវិតរមែងស្លាប់នោះ គាត់គ្មានជម្រើសអ្វីក្រៅពីទទួលយកផលវិបាកមួយនេះទេ ។

បូយ៉ាន បានលាលែងពីមុខតំណែងនៅឋានសួគ៌ ហើយ ត្រូវបានបញ្ជូនទៅកាន់ឋានមនុស្សលោក ដើម្បីទទួលយកបទពិសោធន៍ពីជីវិតគូកើតចាស់ ឈឺស្លាប់វិញម្តង។ នៅពេលដែល Bo Yan ត្រូវធ្លាក់មកពិភពមនុស្សលោក គេបានជួបនឹង គួនយ៉ា ដែលត្រូវបានគេល្បីថា ជាម្ចាស់អាជីវកម្មផ្គូផ្គងគូព្រេងដ៏ជោគជ័យ តាមរបៀបដែលមិននឹកស្មានដល់បំផុត។ យុវតីដ៏ចម្លែកម្នាក់មានប្រាជ្ញារហ័សរហួន និងចិត្តដ៏ប៉ិនប្រសប់ ។ នៅពេលដែលពួកគេចាប់ផ្តើមចំណាយពេលជាមួយគ្នាកាន់តែច្រើន វាកាន់តែច្បាស់ថាពួកគេក៏មានចិត្តឲ្យគ្នាទៅវិញទៅមក ដែលម្នាក់ជាទេព្តាមេអណ្តើកពីឋានសួគ៍ ម្នាក់ទៀត ជាអ្នករកស៊ីខាងផ្គូរផ្គងគូនៅឋានមនុស្សលោក។ 

ពួកគេ បានធ្វើការជាមួយគ្នាឆ្ពោះទៅរកគោលដៅរួម ហើយក្រោយមក អ្នកទាំងពីរចាប់ផ្តើមដឹងថាអារម្មណ៍របស់ពួកគេចំពោះគ្នាទៅវិញទៅមកបានផ្លាស់ប្តូរយ៉ាងខ្លាំងចាប់តាំងពីការជួបគ្នាលើកដំបូង ប៉ុន្តែមនុស្ស និងទេព្តា តើអាចក្លាយចំណងអាពាហ៍ពិពាហ៍បានដែរឬយ៉ាងណា? 

ខាងលើនេះ គ្រាន់តែជាការបកស្រាយនូវសង្ខេបសាច់រឿងតែប៉ុណ្ណោះ ប៉ុន្តែសម្រាប់ការបង្ហាញឈុតឆាក ល្អមើល ជក់ចិត្ត យ៉ាងណានោះ សូមកុំភ្លេចរង់ចាំទស្សនាការផ្សាយជូនទស្សនាជាផ្លូវការនៅលើកញ្ចក់ទូរទស្សន៍ភីអិនអិន  ក្នុងរឿង «សួស្តីទេព្តាមេអណ្តើក » ចាប់ពីថ្ងៃទី ០៧ ខែកញ្ញា ឆ្នាំ ២០២២ ពីថ្ងៃចន្ទ ដល់ ថ្ងៃសុក្រ វេលាម៉ោង ១២ ថ្ងៃត្រង់ ៕ 
 

អត្ថបទ និងរូបភាព៖ PNN