អតីតតារាចម្រៀង ម៉ូលីកា បានរៀបចំពិធីឡើងហេដ្ឋានថ្មីធំដុំមួយដោយបានអញ្ជើញមិត្តសិល្បករជាច្រើនចូលរួមអបអរសាទរ ដោយអ្នកនាង ក៏បានទំលាយពីជីវិតតស៊ូយ៉ាងលំបាកក្នុងរយៈពេល ៥ ឆ្នាំទំរាំមានមុខរបរច្រើនដូចសព្វថ្ងៃ។

តស៊ូក្នុងអាជីពអនឡាញ ៥ឆ្នាំ ទីបំផុត អតីតតារាចម្រៀង និងជាអ្នកលក់ជ្រក់ជើងមាន់ ម៉ូលីកា ក្លាយទៅជាថៅកែស្រី ដែលមានជំនួញជាច្រើននៅក្នុងដៃ មិនថា លុយ រថយន្ត វិឡា គឺនាងមានសព្វគ្រប់។ ជាក់ស្តែងនៅថ្ងៃឡើង កេហដ្ឋានថ្មីរួមជាមួយពីធីខួបកំណើតកូនស្រីខ្លួន នាងបានរៀបចំពិធីជួបជុំយ៉ាងធំដុំ និងបង្ហើបប្រាប់ពីជីវិតយ៉ាងលំបាកដែលខ្លួនបានឆ្លងកាត់ជាមួយស្វាមី ។ 

អតីតារាចម្រៀងនៅក្នុងផលិតកម្ម រ៉ុក រូបនេះបានអញ្ជើញភ្ញៀវក្នុងនិងក្រៅសិល្បៈជិតមួយពាន់នាក់ចូលរួមអបអរសាទរក្នុងកម្មវិធីពិសេសរបស់ខ្លួន ។ ផ្ទះវីឡាថ្មីរបស់ ម៉ូលីកា ត្រូវបានគេដឹងថា មានតម្លៃជាង ៣០ ម៉ឺនដុល្លារស្ថិតនៅក្នុងបុរីមួយនៅម្តុំ ក្រាំងខ្នុង ។  ម៉ូលីកា បានរៀបរាប់ប្រាប់ថា តាមពិតផ្ទះនេះនាងបានទិញតាំងពីឆ្នាំមុនមកម្ល៉េះ ទើបតែធ្វើពិធីឡើងផ្ទះថ្មីរួមជាមួយការធ្វើខួបកំណើតកូនស្រីតែម្តង ដោយផ្ទះនេះនាងទិញបង់រំលោះ  ។ 

ម៉ូលីកា ធ្លាប់ជាតារចម្រៀងនៅក្នុងផលិតកម្ម រ៉ុក ដែលមានឈ្មោះល្បីល្បាញគួរសម ប៉ុន្តែក្រោយពីបរាជ័យនៅក្នុងអាជីពចម្រៀងបានធ្វើឱ្យ ម៉ូលីកា ងាកមកចាប់អាជីពលក់ជ្រក់ជើងមាន់ជាមូយស្វាមីខ្លួនវិញ ជីវិតនាងបានឆ្លងកាត់នូវការលំបាករាប់មិនអស់ ទំរាំមានបានដូចសព្វថ្ងៃ  ។ 

បច្ចុប្បន្ន ម៉ូនីកា និងស្វាមី មានជំនួញជាច្រើននៅក្នុងដៃ ទាំង លក់ផលិតផលគ្រឿងសំអាង ឡេ និងជំនួញអចនទ្រព្យ ព្រមទាំងមានហ៊ុនរកស៊ីជាច្រើនមុខទៀតជាមួយមិត្តភក្តិ  ។

បើទោះបីជាជីវិតរបស់ ម៉ូលីកា និងស្វាមី មានការប្រែប្រួលមួយរយដឺក្រេ តែនាងមិនភ្លេចពីការតស៊ូ ជូរចត់ ដឹកជ្រក់ជើងមាន់ក្រោមថ្ងៃ ក្រោមភ្លៀងជាមួយស្វាមីខ្លួននោះទេ ។ ទៅថ្ងៃមុខនាងមានបំណងនឹងពង្រើកអាជីវកម្មតាមអនឡាញ ឱ្យកាន់តែធំជាងនេះ ។ ចំពោះអាជីពចម្រៀងវិញ ម៉ូលីកា នៅតែស្រឡាញ់ និងមានបំណងចង់កសាងស្នាដៃថ្មីក្នុងអាជីពដែលបានធ្វើឱ្យនាងល្បីល្បាញ ៕  

អត្ថបទ ៖ ម៉ា រីសា រូបភាព ៖ ហ៊ុន សុជាតា