លោកប្រធានាធិបតីបារាំង Emmanuel Macron បាននិយាយនៅថ្ងៃសុក្រ(២៩សីហា)ថា លោកនឹងបន្តកាន់តំណែងជាប្រធានាធិបតិបារាំងរហូតដល់អណត្តិរបស់លោកត្រូវបញ្ចប់នៅឆ្នាំ២០២៧។ 

ការលើកឡើងនេះ បានច្រានចោលនូវពាក្យចចាមអារ៉ាមជាច្រើនដែលលើកឡើងថា អាចមានសម្ពាធចំពោះលោកMacron ត្រូវលាលែងតំណែងប្រធានាធិបតិបារាំង ប្រសិនបើរដ្ឋាភិបាលមិនជោគជ័យនៅក្នុងការបោះឆ្នោតសម្តែងការទុកចិត្តលើកញ្ចប់ថវិកានៅខែក្រោយ។

ថ្លែងក្នុងសន្និសីទសារព័ត៌មាន លោកMacron បន្តយ៉ាងដូច្នេះ «លោកសង្ឃឹមថា ការពិភាក្សាជាមួយលោកនាយករដ្ឋមន្ត្រីបារាំងFrancois Bayrou ជាមួយគណបក្សដទៃទៀត នឹងទទួលបានការគាំទ្រពីពួកគេ ហើយទទួលបានជោគជ័យនៅក្នុងការបោះឆ្នោតសម្តែងការទុកចិត្ត»។ 

ជាមួយគ្នាលោកMacron ក៏បានលើកឡើងពីបញ្ហារុស្ស៊ីវាយប្រហារលើប្រទេសអ៊ុយក្រែននាពេលថ្មីៗនេះផងដែរ ដូចជាការវាយប្រហារនៅថ្ងៃព្រហស្បតិ៍(២៨សីហា)សម្លាប់មនុស្សយ៉ាងតិច២៣នាក់ បានបង្ហាញគម្លាតរវាងជំហររបស់លោកVladimir Putinប្រធានាធិបតីរុស្ស៊ី ក្នុងការចូលរួមក្នុងកិច្ចពិភាក្សាសន្តិភាព។ 

ប្រែសម្រួល៖ណាវ័ន្ត