ថ្ងៃអាទិត្យ ទី០៥ ខែឧសភា ឆ្នាំ២០២៤
ថ្ងៃអាទិត្យ ទី០៥ ខែឧសភា ឆ្នាំ២០២៤
សម្តេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី២១ ខែធ្នូនេះ បានបន្តអំពាវនាវ អោយប្រជាពលរដ្ឋខ្មែរគ្រប់រូប ថែរក្សាសុខភាពខ្លួន និងក្រុមគ្រួសារ កុំអោយឆ្លងជំងឺកូវីដ-១៩ ដោយអនុវត្តតាមវិធានការសុខាភិបាល ដោយត្រូវរក្សាគម្លាតសុវត្ថិភាព ពាក់ម៉ាស់ ដុសលាងសម្អាតដៃជាមួយសាប៊ូ, ជែល, ឬទឹកអាល់កុលជាដើម។
សម្តេចនាយករដ្ឋមន្ត្រី ក៏បានដាក់ចេញនូវវិធានបន្ទាន់ចំពោះមុខ និងការទម្លាក់កញ្ចប់ថវិកា ដល់ខេត្ត ៧ នៅជាប់ព្រំដែនជាមួយប្រទេសថៃ ដើម្បីចាត់ចែងការងារ ចំពោះមុខមួយចំនួន ដូចជា ការរឹតបន្តឹងការធ្វើចត្តាឡីស័ក ជាដើម ក្នុងន័យទប់ស្កាត់ការចម្លងជំងឺកូវីដ-១៩ ពីប្រទេសថៃ ក្រោយពីអាជ្ញាធសុខាភិបាលថៃ បានរកឃើញជំងឺកូវីដ-១៩ ជាង ៥០០ករណីឯណ្ណោះ ក្នុងមួយថ្ងៃ នៅខេត្ត សាមុត សាខន ដែលស្ថិតនៅចម្ងាយប្រមាណ ៣០០គីឡូម៉ែត្រ ពីប្រទេសកម្ពុជា៕
អត្ថបទ៖ ហ៊ុន ឌីណូ រូបភាព៖ ក្រុមការងារ