បន្ទាប់ពីប្រឡូកសិល្បៈជាង ៣០ឆ្នាំ តារាស្រីតៃវ៉ាន់ Shu Qi ក៏បង្ហាញភាពយន្តដែលខ្លួនដឹកនាំដំបូងមានចំណងជើងថា “Girl” ដែលត្រូវបានចាក់បញ្ចាំងលើកដំបូងនៅមហោស្រពភាពយន្តក្រុង Venice។

តារាសម្តែងជួរមុខតៃវ៉ាន់ដែលបានវិវត្តខ្លួនក្លាយជាផលិតករភាពយន្ត គឺ Shu Qi (ស៊ូ ឈី) បាននាំយកភាពយន្តជាស្នាដៃដឹកដំបូងរបស់នាងមានចំណងជើងថា "Girl" ទៅចាក់បញ្ចាំងលើកដំបូងនៅមហោស្រពភាពយន្តក្រុង Venice ប្រទេសអ៊ីតាលី កាលពីថ្ងៃទី ៤ ខែកញ្ញា ។

មុនដល់ពេលបញ្ចាំងភាពយន្ត តារាស្រីវ័យ ៤៩ឆ្នាំរូបនេះព្រមជាមួយតួសម្តែងរបស់នាង រួមមានតារាសម្ដែង Roy Chiu, Bai Xiao-Ying និងតារាចម្រៀង 9m88 បានថតរូបជុំគ្នាសម្រាបសន្និសីទសារព័ត៌មានរបស់កម្មវិធីមហោស្រព។

ឆ្លើយតបអ្នកសារព័ត៌មាន Shu Qi បានរៀបរាប់ថានាងបាននិពន្ធរឿង “Girl” ឡើងដោយ​ដកស្រង់បទពិសោធន៍ជីវិតដ៏លំបាករបស់នាងពេលនៅក្មេង ខណៈត្រូវធំឡើងជាមួយឪពុកដែលញៀនស្រា។ថា

​តារា​ស្រីដែលបានសម្ដែងភាពយន្តរាប់រយចំណងជើងចាប់តាំងពីប្រឡូកសិល្បៈនៅឆ្នាំ១៩៩៦រូបនេះ បាន​ចំណាយ​ពេល ១០ ឆ្នាំ​ដើម្បី​និពន្ធរឿង "Girl" នេះឡើង ដែលសាច់រឿងនិយាយអំពី​គ្រួសារ​ក្រីក្រ​មួយ​ក្នុង​រដ្ឋធានី​តៃប៉ិ​របស់​តៃវ៉ាន់​ក្នុង​ចុង​ទសវត្សរ៍​ឆ្នាំ ១៩៨០។

សូមបញ្ជាក់ថា "Girl" គឺជាខ្សែភាពយន្តមួយក្នុងចំណោមភាពយន្តចំនួន ២១ ដែលមានឈ្មោះប្រកួតប្រជែងដណ្តើមពានរង្វាន់ Golden Lion ជាពានរង្វាន់ធំរបស់មហោស្រព Venice ដែលនឹងប្រកាសអ្នកឈ្នះនៅថ្ងៃទី៦ ខែកញ្ញានេះ ៕

ប្រែសម្រួល៖ វ៉ាន់ថន