ថ្ងៃសុក្រ ទី០៤ ខែមេសា ឆ្នាំ២០២៥
ថ្ងៃសុក្រ ទី០៤ ខែមេសា ឆ្នាំ២០២៥
មិនធ្លាប់ទទួលបានមកុដជាម្ចាស់ជ័យលោភីក្នុងការប្រកួតសម្រស់ណាមួយ កញ្ញា ចាន់ណា ពិសី ដាច់ចិត្តដាក់ពាក្យប្រកួតជាថ្មីនៅលើឆាក Miss Cosmo Cambodia 2025 បន្ទាប់ពីដកឃ្លាពង្រឹងសមត្ថភាពជាងមួយឆ្នាំ ។
ថ្វីដ្បិតតែធ្លាប់ជាប់ក្នុង Top ការប្រកួតធំៗចំនួន២លើកមកហើយក្តី កញ្ញា ចាន់ណា ពិសី នៅតែមិនអស់ចិត្ត ហើយបានត្រឡប់មកប្រកួតក្នុងឆាកបវរកញ្ញាជាថ្មីដោយរំពឹងថានឹងទទួលបានមកុដ ។
ការវិលត្រឡប់មកប្រកួតក្នុងឆាក Miss Cosmo Cambodia 2025 នេះ កញ្ញា ចាន់ណា ពិសី បានប្រកាសបន្ធូរដៃសម្រាប់បេក្ខភាពដូចគ្នានៅក្រោយឆាក ប៉ុន្តែសម្រាប់លើឆាកនាងសុំមិនបន្ធូរដៃឡើយ ។
កញ្ញា ធ្លាប់ឆ្លងកាត់ការប្រកួតបវរកញ្ញាក្នុងឆាកធំៗចំនួន២លើកមកហើយដូចជាកម្មវិធី Miss Grand Cambodia 2023 , Miss Universe Cambodia 2023 ដោយជាប់ចំណាត់ថ្នាក់ក្នុង Top សំខាន់ៗ ។ ដោយមិនអស់ចិត្ត ពិសី បានចំណាយពេលវេលាមួយឆ្នាំដើម្បីពង្រឹងសមត្ថភាព មុននឹងឡើងឆាកប្រកួតជាថ្មីម្តងទៀតនៅក្នុងឆ្នាំ២០២៥ ។
កញ្ញា ចាន់ណា ពិសី រំពឹងថាឆាក Miss Cosmo Cambodia 2025 នឹងធ្វើឱ្យនាងល្បីឈ្មោះជាងឆាកមុនៗ ដោយសារតែឆាកនេះប្រជុំទៅដោយបេក្ខភាពមានសតម្ថភាពខ្ពស់ៗ ដែលកាន់តែធ្វើឱ្យនាងមានកម្លាំងចិត្តក្នុងការដណ្តើមមកុដ ៕
អត្ថបទ ៖ ម៉ា រីសា រូបភាព ៖ អ៊ិន អាត និង ហ្វេសប៊ុក