ថ្ងៃព្រហស្បតិ៍ ទី២៥ ខែមេសា ឆ្នាំ២០២៤

ដ្បិតមិនទាន់មានដំណឹងរៀបការតែ មាន សូនីតា ដាក់គោលដៅសម្រេចបំណងធំ២ក្នុងឆ្នាំនេះ!

២១ កុម្ភៈ ២០២៤ | កម្សាន្ដ

 

 

ចូលវ័យ ៣៤ ឆ្នាំកញ្ញា មាន សូនីតា ដ្បិតមិនទាន់មានដំណឹងរៀបការជាមួយគូស្នេហ៍ ក៏ប៉ុន្តែកញ្ញាបានដាក់គោលដៅសម្រេចបំណងធំ២ឱ្យបានក្នុងឆ្នាំ២០២៤នេះ។

 

 

ថ្វីដ្បិតតែដើមឆ្នាំ ២០២៤ នេះតារាសម្តែង មាន សូនីតា ពុំទាន់មានដំណឹងរៀបការ ប៉ុន្តែនាងបានសម្រេចបំណងប្រាថ្នាធំពីរផ្ទួនៗគ្នា ដែលជាកាដូធំនៅក្នុងថ្ងៃខួបកំណើតវ័យ ៣៤ ឆ្នាំរបស់ខ្លួនឆ្នាំនេះ ។ 

 

 

គម្រោងការងារធំពីររបស់តារាល្បីឈ្មោះរូបនេះ ដែលបានលេចចេញជារូបរាងនៅដើមឆ្នាំ ២០២៤ នេះ រួមមានគម្រោងការងារផលិតកម្មវិធី « កម្ពុជា ឋានសូគ៌លើដី » និងគម្រោង Cover បទចម្រៀង ព្រមទាំងថត MV ចម្រៀងថ្មីមួយដែលបានចំណាយថវិការផ្ទាល់ខ្លួនផលិតឡើងដើម្បីទុកជាអនុស្សាវរីយ៍ ។

 

 

កញ្ញា បាននិយាយថា នាងបានជំនះចិត្តដើម្បី Cover បទចម្រៀងដែលមានចំណងជើងថា « ព្យាយាមគ្មានន័យ »  ដែលជាសំនៀងដើមរបស់ តារាចម្រៀង មាស សុខសោភា ដូចដឹងស្រាប់ហើយថា កន្លងមកមានទស្សនិកជនជាច្រើនរិះគន់ និងមើលងាយសម្លេងរបស់នាង ដោយសារនាងមានសម្លេងមិនពិរោះ តែទោះជាយ៉ាងណា មាន សូនីតា បានខំប្រឹងធ្វើអស់ពីសមត្ថភាព ដើម្បីសម្រេចបំណងប្រាថ្នារបស់ខ្លួននៅក្នុងឆ្នាំ ២០២៤នេះ  ។

 

 

នេះជាលើកទីមួយហើយដែលរាជនីក្រមារូបនេះ ក្លាហានជម្នះ ថតបទចម្រៀងនេះឡើង បន្ទាប់ពីសាងកេរ្តិ៍ឈ្មោះក្នុងសិល្បៈអស់ពេល ១៥ ឆ្នាំ ។ មានសូនីតា សង្ឃឹមថាមហាជននិងពេញចិត្តបទចម្រៀងដែលនាងបានច្រៀង ហើយឈប់រិះគន់សម្លេងនាងដូចមុនទៀត ។ 

 

 

កាលពីឆ្នាំមុនកញ្ញា មាន សូនីតា ធ្លាប់បានបញ្ជាក់ប្រាប់ថា នាងគ្រោងនឹងរៀបការនៅបំណាច់ឆ្នាំ ២០២៣ ឬ ក្នុងឆ្នាំ ២០២៤ ពេលនេះចូលឆ្នាំថ្មីហើយ នាងនៅតែពុំទាន់ដឹកដៃគូស្នេហ៍ចូលរោងការទៀត ។

 

 

ចំពោះរឿងនេះ មាន សូនីតា បានចេញមុខប្រកាសសាជាថ្មីថា « រឿងរៀបការខ្ញុំមិនទាន់មានគម្រោងរៀបចំនៅឡើយទេ ដោយសារយើងទាំងពីរនាក់ពុំទាន់ច្បាស់រៀងៗខ្លួន ។

 

 

ទោះបីជា មាន សូនីតា និយាយបែបនេះក្តី តែមើលទៅអារម្មណ៍ និងទឹកចិត្តនាង គឺនាងចង់រៀបការឆាប់ៗដូចជាមិត្តសិល្បករផ្សេងដែរ ប៉ុន្តែដៃគូរបស់នាងនៅពុំទាន់អូខេចំពោះរឿងនេះ ៕ 

 

 

អត្ថបទ ៖ ម៉ា រីសា  រូបភាព ៖  ភីអិនអិន និង ហ្វេសប៊ុក  

 

 

 

  
 

ព័ត៌មានដែលទាក់ទង

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024