សមាគមឧកញ៉ាកម្ពុជា គោរពអញ្ជើញ អ្នកមានគោរមងារ «ឧកញ៉ា» ចូលរួមគ្រុប Telegram ដោយស្កេន QR Code និងចុះឈ្មោះចូលរួមពិធីប្រកាសផ្លូវការ សមាគមឧកញ៉ាកម្ពុជា ក្រោមអធិបតីដ៏ខ្ពង់ខ្ពស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត នៅថ្ងៃទី១០ ខែមិថុនា ខាងមុខ។

សមាគមឧកញ៉ាកម្ពុជា នៅថ្ងៃទី៣០ ខែឧសភា ឆ្នាំ២០២៣នេះ បានជូនដំណឹងចំពោះអ្នកមានគោរមងារ «ឧកញ៉ា» ទាំងអស់ចូលរួមគ្រុប Telegram ដោយស្កេន QR Code (ភ្ជាប់ជូន) និងចុះឈ្មោះចូលរួមក្នុងពិធីប្រកាសជាផ្លូវការសមាគមឧកញ៉ាកម្ពុជា និងពិសាអាហារសាមគ្គី ដែលនឹងប្រព្រឹត្តទៅក្រោមអធិបតីដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាថ្ងៃទី១០ ខែមិថុនា ឆ្នាំ២០២៣ វេលាម៉ោង១៥:០០នាទីរសៀល។ ពិធីនេះនឹងមានការអញ្ជើញចូលរួមផងដែរពីថ្នាក់ដឹកនាំរាជរដ្ឋាភិបាល និងតំណាងពីវិស័យឯកជនសំខាន់ៗមួយចំនួន។

ដើម្បីផ្តល់នូវភាពងាយស្រួលដល់ការរៀបចំពិធី សមាគមឧកញ៉ាកម្ពុជា ស្នើ អ្នកឧកញ៉ា ឧកញ៉ាទាំងអស់ចុះឈ្មោះអោយបានត្រឹមថ្ងៃសៅរ៏ ទី០៣ ខែមិថុនា ឆ្នាំ២០២៣ ដោយទំនាក់ទំនងមក អគ្គលេខាធិការដ្ឋាន តាមរយៈស្កេន QR Code និងលេខទូរស័ព្ទ៖ ០២៣ ៨៦០ ៩៩៩, ០១៦ ៣១៣ ៧៧៧, ០១២ ៨១០ ៨១១។

អត្ថបទ៖ ម៉ៅ ចរិយា រូបភាព៖ ឯកសារ