ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
ប៉ែន អធិជេដ្ឋា កុមារាវ័យ ៥ឆ្នាំ មានសមត្ថភាពពិសេសមួយ ដែលកុមារវ័យប្រហែលគេភាគច្រើនពុំអាចធ្វើបាន នោះគឺការចេះចាំយ៉ាងស្ទាត់នូវឈ្មោះសត្វដាយណូស័រ ដោយគ្រាន់តែគណៈកម្មការកម្មវិធី តូច ខ្លឹម ខ្លាំង របស់ភីអិនអិនបង្ហាញរូបរាង ឬគ្រោងឆ្អឹងរបស់វាតែប៉ុណ្ណោះ។
ក្រៅតែពីការសម្គាល់បានរូបរាង ឬគ្រោងឆ្អឹង ដែលធ្វើឲ្យគណៈកម្មការទាំង ៣រូប សរសើរភាពជំនាញរបស់គេ កុមារារូបនេះក៏អាចប្រាប់បានផងដែរ ពីប្រភេទចំណីដែលសត្វដាយណូស័រនីមួយៗស៊ី ដូចជាប្រភេទស៊ីសាច់ និងស៊ីរុក្ខជាតិជាអាហារជាដើម។
លោក ប៉ែន មិថុនា និងអ្នកស្រី តុង ស៊ូឆេង មានទីកំណើតនៅខេត្តបាត់ដំបង ដែលជាឪពុកម្ដាយរបស់កុមារាជេដ្ឋា ឲ្យក្រុមការងារយើងដឹងថា កូនប្រុសម្នាក់នេះស្គាល់ឈ្មោះសត្វដាយណូស័រ តាមរយៈការមើលវីដេអូនៅលើ YouTube តាំងពីគេមានអាយុជាង ៣ឆ្នាំមកម្ល៉េះ។
ដើម្បីជ្រាបច្បាស់ថា ប៉ែន អធិជេដ្ឋា មានសមត្ថភាពពិសេសកម្រិតណា? ហើយថា តើគេអាចយកពាក្យ «តូច ខ្លឹម ខ្លាំង» ពីគណៈកម្មការទាំង ៣ រួមជាមួយប្រាក់រង្វាន់ ១លាន ២សែន ត្រលប់ទៅផ្ទះវិញបានទេនោះ? កុំភ្លេចតាមដានទស្សនាកម្មវិធី តូច ខ្លឹម ខ្លាំង នាថ្ងៃអាទិត្យ ទី២៤ ខែមករានេះ ចាប់ពីម៉ោង ១១ព្រឹកតទៅ។
នៅមានទៀត! ក្រៅតែពីការបង្ហាញសមត្ថភាពចងចាំសត្វដាយណូស័ររបស់ជេដ្ឋា ក៏មានការបង្ហាញសមត្ថភាពសិល្បៈលើជំនាញសម្ដែងរបាំបុរាណ និងច្រៀងបទភ្លេងការរបស់កុមារីវ័យ ១១ឆ្នាំ សៀរ នីតា ផងដែរ។ កុមារទាំង ២នាក់សុទ្ធតែមានជំនាញអស្ចារ្យរៀងៗខ្លួន ចាំមើលគេអាចទទួលបានពាក្យ តូច ខ្លឹម ខ្លាំង ពីគណៈកម្មការដែរឬទេ?
នាំមកជូនជាពិសេសផ្តាច់មុខដោយ Freshy yogurt ឆ្ងាញ់ៗ ញ៉ាំមួយ បានប្រយោជន៍បី!
.jpg)
