កម្មវិធីបង្ហាញម៉ូដសំលៀកបំពាក់ដ៏ធំមួយ បានប្រព្រឹត្តនៅទីក្រុងប៉េកាំង ប្រទេសចិន ដែលកម្មវិធីនេះប្រព្រឹត្តទៅចាប់ពីថ្ងៃទី២៤ ខែតុលា រហូតដល់ថ្ងៃទី១ ខែវិច្ឆិកា សរុបទៅមានរយៈពេល៩ថ្ងៃឯណោះ។

កម្មវិធីសប្ដាហ៍ម៉ូដសំលៀកបំពាក់ China International Fashion Week បានចាប់ផ្ដើមប្រព្រឹត្តឡើងកាលពីចុងសប្ដាហ៍កន្លងទៅនេះ នៅក្នុងទីក្រុងប៉េកាំង ប្រទេសចិន។

កម្មវិធីតាំងបង្ហាញម៉ូដនេះមានគម្រោងចាក់ផ្សាយជាលក្ខណៈអនឡាញផង និងបើកឲ្យចូលរួមទស្សនាផ្ទាល់ផង ដែលធ្វើឡើងចាប់ពីថ្ងៃទី២៤ ខែតុលា ដល់ថ្ងៃទី១ ខែវិច្ឆិកា។ រយៈពេល៩ថ្ងៃនេះ នឹងមានការរៀបចំជាកម្មវិធីតូចៗជិត ១០០ និងមានការប្រកួតប្រជែងផ្នែកសំលៀកបំពាក់ចំនួនពីរនៅក្នុងនោះផងដែរ។ 

កម្មវិធីនេះដែរ រំពឹងថាមិនត្រឹមតែអាចទាក់ទាញអ្នកច្នៃម៉ូដសំលៀកបំពាក់ក្នុងប្រទេសចិនប៉ុណ្ណោះទេ ប៉ុន្តែក៏រំពឹងថាមានការចូលរួមពីអ្នកច្នៃម៉ូដពីប្រទេសជាច្រើនរួមមានមកពីចក្រភពអង់គ្លេស និងប្រទេសប៉េរូជាដើម៕

ប្រែសម្រួល៖ វ៉ាន់ថន