ថ្ងៃពុធ ទី០៨ ខែឧសភា ឆ្នាំ២០២៤
ថ្ងៃពុធ ទី០៨ ខែឧសភា ឆ្នាំ២០២៤
ដើម្បីចែករំលែកទុក្ខលំបាកជាមួយពលរដ្ឋរងគ្រោះដោយសារគ្រោះទឹកជំនន់ នៅរសៀលថ្ងៃទី២០ ខែតុលានេះ ថ្នាក់ដឹកនាំនិងក្រុមការងារស្ថានីយទូរទស្សន៍ PNN បាននាំយកអំណោយជាស្បៀងអាហារចែកជូនដល់ជនរងគ្រោះនៅទីទួលសុវត្ថិភាព ស្ថិតក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញ។
លោក សោម ឆាយា អគ្គនាយករងនៃស្ថានីយទូរទស្សន៍ PNN បានលើកឡើងថា នេះជាការបង្ហាញនូវមនោសញ្ចេតនាអាណិតអាសូរ ចូលរួមចែករំលែកការលំបាក និងចូលរួមសោកស្តាយយ៉ាងក្រៃលែងជាមួយបងប្អូនប្រជាពលរដ្ឋទាំងអស់ ដែលបានទទួលរងគ្រោះដោយទឹកជំនន់។
លោកបានថ្លែងប្រាប់ពលរដ្ឋក្នុងឱកាសនេះថា គ្រោះធម្មជាតិនេះពលរដ្ឋត្រូវប្រកាន់ភ្ជាប់នូវការរស់នៅប្រកបដោយអនាម័យ ជាពិសេសការហូបទឹកស្អាត ឬទឹកដាំពុះដើម្បីគេចផុតពីជំងឺតម្កាត់ផ្សេងៗ។
គួរបញ្ជាក់ថា អំណោយដែលប្រគល់ជូនក្នុងពេលនេះរួមមានអង្ករ ៣៦បេ ទឹកត្រី៣១យួរ ទឹកស៊ីអ៊ីវ៣៤យួរ មី១១៦កេស ត្រីខ១២២យួរ មីកំប៉ុង២យួរ ម្រេច១០កញ្ចប់តូច និងទឹកដោះគោបីតប៉ារ៉ាធំ២០កេស។
ក្នុងឱកាសនេះ ឯកត្ដម ឃួង ស្រេង អភិបាល នៃគណៈអោះភិបាលរាជធនីភ្នំពេញក៏បានចូលរួមសំណេះសំណាល និងជួយសម្រួលដល់ការរៀបចំនិងបែកចែកអំណោយជូនពលរដ្ឋក្នុងទីតាំងខាងលើផងដែរ។
ដោយឡែក ក្រុមហ៊ុននិងសប្បុរសជនដែលចូលរួមជាមួយភីអិនអិន រួមមាន ក្រុមហ៊ុនដូនពេញហ្វូតនិងបេវើរិច ក្រុមហ៊ុនអិមស៊ីអិនវី ផលិតកម្ម LD ផលិតកម្មភូមិពេជ្រ ផលិតកម្មភីអរ តារាសម្តែងអ្នកនាង សិទ្ធី នីកា កញ្ញា នូ យូរី លោក ខេវិន លោក ខេត វ៉ាន់ណាថាត់៕