មន្ត្រីជាន់ខ្ពស់ក្រសួងទេសចរណ៍ នៅក្នុងកិច្ចប្រជុំ នៅថ្ងៃទី១០ ខែកញ្ញានេះ បានប្រកាសថា ក្រសួងទេសចរណ៍ កំពុងសិក្សាលទ្ធភាព ដើម្បីស្នើសុំគោលការណ៍ អនុញ្ញាតបើកទ្វារប្រទេស ស្វាគមន៍អ្នកទេសចរបរទេស ក្នុងជម្រើសផ្សេងៗ ពីសម្តេចប្រមុខរាជរដ្ឋាភិបាល បន្ទាប់ពីប្រទេសកម្ពុជា បច្ចុប្បន្ន ហាក់បានបន្សាំខ្លួនបានច្រើនជាមួយការរស់នៅបែបថ្មី ជាមួយជំងឺកូវីដ-១៩។

ក្រៅពីគម្រោងស្នើសុំគោលការណ៍អនុញ្ញាតបើកទ្វារប្រទេសស្វាគមន៍អ្នកទេសចរ បរទេស ក្រសួងទេសចរណ៍ នៅថ្ងៃនេះ ក៏បានដាក់ចេញនូវគោលការណ៍ ដើម្បីត្រៀមបំរុងទទួលស្វាគមន៍អ្នកទេសចរ ដែលអាចនឹងមានកំណើនក្នុងឱកាសបុណ្យភ្ជំបិណ្ឌខាងមុខ ភ្ជាប់នឹងការពារ កុំអោយឆ្លងជំងឺកូវីដ-១៩ ផងដែរ។

អត្ថបទ៖ ហ៊ុន ឌីណូ     រូបភាព៖ ឈាវ ថុក វីរៈ