ថ្ងៃសៅរ៍ ទី២៧ ខែមេសា ឆ្នាំ២០២៤
ថ្ងៃសៅរ៍ ទី២៧ ខែមេសា ឆ្នាំ២០២៤
មានទីតាំងក្នុងទីក្រុង Dongyang (តុងយ៉ាង) ខេត្ត Zhejiang (ជេជាំង) ស្ទូឌីយោ Hengdian World (ហឹងទៀនវើល) គឺជាស្ទូឌីយោថតភាពយន្តធំជាងគេបំផុតក្នុងប្រទេសចិន ដែលត្រូវបានសាងសង់ឡើងក្នុងឆ្នាំ ១៩៩៦ សម្រាប់ថតខ្សែភាពយន្តចំណងជើងថា "សង្គ្រាមអាភៀន" ដឹកនាំដោយអ្នកដឹកនាំរឿងល្បីរបស់ចិនឈ្មោះលោក Xie Jin (សៀ ជីន)។ ចាប់តាំងពីពេលនោះមកស្ទូឌីយោ Hengdian World បានក្លាយជាទីតាំងថតភាពយន្ត និងភាពយន្តភាគទូរទស្សន៍ល្បីជាងគេនៅប្រទេសចិន ដោយ ៧០% នៃភាពយន្ត និងភាពយន្តភាគទូរទស្សន៍ក្នុងប្រទេសចិន បានថតឡើងនៅស្ទូឌីយោនេះ។
យ៉ាងណាក្ដីស្ទូឌីយោ Hengdian World មានភ័ព្វវាសនាមិនខុសពីតំបន់ជាច្រើនទៀតក្នុងប្រទេសចិននោះទេ ដោយត្រូវបង្ខំចិត្តបិទទ្វាក្រោមវិធានការបិទខេត្ត/ក្រុងរបស់រដ្ឋាភិបាលចិន ដើម្បីកាត់បន្ថយការឆ្លងជំងឺកូវីដ១៩ក្នុងប្រទេសចិន។ ប៉ុន្តែពេលនេះ ស្ទូឌីយោបានបើកទ្វារឡើងវិញដើម្បីទទួលការផលិតភាពយន្ត និងភ្ញៀវទេសចរចូលទស្សនា បន្ទាប់ពីជំងឺកូវីដ១៩ចាប់ផ្ដើមមានសភាពធូរស្រាលក្នុងតំបន់ភាគច្រើននៅប្រទេសចិន។
ខ្សែភាពយន្តធំមួយដែលកំពុងតែថតនៅស្ទូឌីយោ Hengdian នាពេលនេះគឺភាពយន្ត “The Glory and the Dream” ដែលជាភាពយន្តប្រវត្តិសាស្ត្រ ផលិតឡើងសម្រាប់អបអរខួបទី១០០ឆ្នាំ នៃការបង្កើតបក្សកុម្មុយនិស្តចិន៕
ប្រែសម្រួល៖ វ៉ាន់ថន