ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
អ្នកចាត់ការទូទៅក្រុមបាល់ទាត់កូនខ្មែរអេហ្វស៊ី លោក ហៃ ឡេង បានលើកឡើងពីក្ដីរំពឹងតិចតួចរបស់ក្រុមខ្លួន ចំពោះជំនួបទល់នឹងក្រុមល្បី វិកតូរី ក្នុងព្រឹត្តិការណ៍បាល់ទាត់ពាក់កណ្ដាលអាជីព KMH CHAMPIONS LEAGUE នាថ្ងៃសៅរ៍ចុងសប្ដាហ៍នេះ។
ជំនួបដ៏ជក់ចិត្តរវាង កូនខ្មែរ និង វិកតូរី ក្នុងពានរង្វាន់ KHM CHAMPIONS LEAGUE នាថ្ងៃសៅរ៍សប្ដាហ៍នេះ នឹងមានផ្សាយផ្ទាល់នៅលើកញ្ចក់ទូរទស្សន៍ភីអិនអិន ចាប់ពីម៉ោង ៤ ដល់៦ល្ងាច។
លោក ហៃ ឡេង ពន្យល់ថា ក្នុងការប្រកួតនេះក្រុមលោក ពុំរំពឹងច្រើនឡើយថានឹងអាចយកបាន៣ពិន្ទុពីវិកតូរី ដ្បិតបានដឹងច្បាស់ថា វិកតូរី ជាក្រុមប្រជុំដោយកីឡាករឆ្នើមៗ មានពិសោធន៍លេងក្រាស់ក្រែល ព្រមទាំងមានកីឡាករបរទេសចូលរួមទៀតផង។
បែបណាក្ដី អ្នកចាត់ការដដែលអះអាងថា ទោះពុំរំពឹងយកឈ្នះលើគូប្រជែង ក៏ក្រុមរបស់ខ្លួនពុំបណ្ដោយឲ្យ វិកតូរី ធ្វើព្យុះធ្វើភ្លៀងតាមអំពើចិត្តឡើយ ពោលពុំថ្លោះធ្លោយចាញ់ច្រើនគ្រាប់ច្រើនពេកនោះទេ។ លោកបញ្ជាក់ថា ៖ « កីឡាករគ្រប់គ្នាក្នុងក្រុមសុទ្ធតែបានតាំងចិត្តខិតខំអស់ពីសមត្ថភាពរៀងៗខ្លួន ហើយប្រឹងស្រូបយកបទពិសោធថ្មីៗ ដើម្បីពង្រឹងក្រុមគុណភាពក្រុមទៅថ្ងៃក្រោយ។»
ក្នុងការប្រកួតដំបូងប្រចាំពូល E កូនខ្មែរអេហ្វស៊ី ប្រកួតស្មើ ២-២ ទល់នឹង SIS STEEL ខណៈ វិកតូរី ចាញ់ក្រុម Rolling FC ប្រផុតប្រផើយ ៣-៤។
សម្រាប់ប្រិយមិត្តមានបំណងទស្សនាផ្ទាល់ អាចអញ្ជើញទៅទស្សនាដោយឥតគិតថ្លៃនៅកីឡដ្ឋាន KMH Park ស្ថិតនៅតាមបណ្ដោយផ្លូវវេងស្រេង៕
ទស្សនាព្រឹត្តិការណ៍ខ្លីៗសូមចុច៖