ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ក្រុម KMH Academy FC ទើបតែផ្តួល ចចកអេហ្វស៊ី ដោយលទ្ធផល ១-០ លើទីលាន KMH Park កាលថ្ងៃសៅរ៍ ទី១០ ធ្នូ កន្លងទៅ ក្នុងវគ្គសន្សំពិន្ទុពូល D នៃពានរង្វាន់ពាក់កណ្ដាលអាជីពធំបំផុត KMH Champions League រដូវកាល ២០១៦-២០១៧។
លោក Mamadou Diarra គ្រូបង្វឹកក្រុម KMH Academy FC បានសម្ដែងក្ដីសាទរ ប៉ុន្តែថាក្រុមលោកត្រូវកែលម្អបន្ថែមទៀតសម្រាប់ប្រកួតបន្តបន្ទាប់ ទោះយកបាន៣ពិន្ទុក្នុងជំនួបដ៏តានតឹងលើ ចចកអេហ្វស៊ី កាលថ្ងៃសៅរ៍ ក្ដី។
"ថ្ងៃនេះ ខ្ញុំពិតជាសប្បាយចិត្ត ព្រោះក្រុមរបស់ខ្ញុំទទួលបានជ័យជម្នះ។ ទោះជាយ៉ាងណា ក្រុមខ្ញុំនៅខ្វះតិចនិកបន្តិច។ ចំណុចខ្សោយមួយទៀត គឺក្រុមខ្ញុំធ្វើឲ្យបាត់បង់គ្រាប់បាល់ច្រើន ហើយខ្ញុំនឹងព្យាយាមពង្រឹងបន្ថែមទៀត"។ លោក Mamadou Diarra បន្ថែម។
ដោយឡែក នៅថ្ងៃសៅរ៍ ទី១៧ ធ្នូ ចុងសប្ដាហ៍នេះ ក្រុម GCS UNITED នឹងតតាំងក្រុម TN KANDAL FC ដើម្បីស្វែងរក ៣ ពិន្ទុរៀងខ្លួននៅពូល B ក្នុងពានរង្វាន់ពាក់កណ្ដាលអាជីពប្រមូលផ្ដុំដោយក្រុមឆ្នើមៗមួយនេះ។ ជំនួបដ៏ស្វិតស្វាញនេះធ្វើឡើងនៅទីលាន KMH Park បណ្តោយផ្លូវវេងស្រេង ដោយប្រិយមិត្តអាចចូលរួមទស្សនាដោយសេរី ឬក៏អាចទស្សនាតាមរយៈកញ្ចក់ទូរទស្សន៍ PNN ចាប់ពីម៉ោង ៤ រសៀលតទៅ៕
ទស្សនាព្រឹត្តិការណ៍ KMH Champions League៖