ប្រជាជនជិត១០,០០០នាក់ ត្រូវផ្លាស់ប្តូរទីជម្រក ក្រោយពីទឹកជំនន់ភ្លាមៗដែលបង្កឡើងពីភ្លៀងធ្លាក់ខ្លាំង បានសម្លាប់មនុស្ស១៣នាក់ និង៣០នាក់ផ្សេងទៀតបាត់ខ្លួន នៅខេត្តហ្គាន់ស៊ូ(Gansu) ប្រទេសចិន។ យោងសារព័ត៌មានរដ្ឋចិនCCTV ផ្សាយនៅថ្ងៃច័ន្ទ(១១សីហា)។ 

សារព័ត៌មានCCTV បានបង្ហាញពីរូបភាពផ្ទះនិងផ្លូវជាច្រើនដែលរងការបំផ្លិចបំផ្លាញក្នុងគ្រោះមហន្តរាយធម្មជាតិនេះ ខណៈដែលកិច្ចខិតខំប្រឹងប្រែងសង្គ្រោះនិងរុករកនៅតែបន្តធ្វើឡើងនៅឡើយ។ 

ភ្លៀងធ្លាក់ខ្លាំងចាប់ផ្តើមនៅម៉ោង៦ល្ងាចម៉ោងក្នុងតំបន់នៅថ្ងៃព្រហស្បតិ៍(៧សីហា) និងទឹកជំនន់ភ្លាមៗ នៅទីក្រុងយូស៊ង(Yuzhong) ខេត្តហ្គាន់ស៊ូ ធ្វើឱ្យមនុស្សប្រហែល៤០០០នាក់ជាប់ក្នុងគ្រោះទឹកជំនន់។ យោងសារព័ត៌មានCCTV។ 
 

លោកប្រធានាធិបតីចិន Xi Jinping បានចេញបញ្ជាឱ្យអាជ្ញាធរ ខិតខំប្រឹងប្រែងជួយសង្គ្រោះប្រជាជនរងគ្រោះតាមគ្រប់មធ្យោបាយនៅថ្ងៃសុក្រ(៨សីហា)។ 

ភ្លៀងធ្លាក់ខ្លាំងនៅតំបន់ភាគខាងជើងនិងភាគខាងត្បូងប្រទេសចិននៅប៉ុន្មានសប្តាហ៍ចុងក្រោយនេះ ត្រូវអ្នកឧតុនិយមចាត់ទុកថាជា ភ្លៀងធ្លាក់ខ្លាំងដោយសារបំរែបំរួអាកាសធាតុ។ 
 

ប្រែសម្រួល៖ណាវ័ន្ត