ប្រទេសចិន បានសម្រេចដាក់ទណ្ឌកម្មលើក្រុមហ៊ុនយោធាសហរដ្ឋអាមេរិកចំនួន១៣ចាប់ពីថ្ងៃព្រហស្បតិ៍តទៅ  ដើម្បីជាការឆ្លើយតបទៅនឹងការលក់អាវុធរបស់សហរដ្ឋអាមេរិកទៅឱ្យកោះតៃវ៉ាន់។ នេះបើតាមការឱ្យដឹងពីក្រសួងការបរទេសចិន ក្រោយពីសហរដ្ឋអាមេរិកបានរៀបចំឱ្យប្រធានាធិបតីតៃវ៉ាន់ឆ្លងកាត់តាមទឹកដីរបស់ខ្លួន។

ចំណាត់ការបានធ្វើឡើងក្រោយមានការជំទាស់យ៉ាងខ្លាំងរបស់ប្រទេសចិនចំពោះសហរដ្ឋអាមេរិក ដែលអនុញ្ញាតឱ្យមានការលក់បរិក្ខារយោធាតម្លៃជិត៤០០លានដុល្លារអាមេរិកឱ្យតៃវ៉ាន់ដែលរដ្ឋាភិបាលទីក្រុងប៉េកាំងនិយាយថា ប៉ះពាល់អធិបតេយ្យភាព និងបូរណភាពទឹកដីរបស់ប្រទេសចិន។ 

ប្រទេសចិន ដែលចាត់ទុកថា កោះតៃវ៉ាន់ជាចំណែកទឹកដីរបស់ខ្លួនហើយប្រធានាធិបតីតៃវ៉ាន់លោកLai Ching-te ជាអ្នកបំបែកខ្លួនដ៏គ្រោះថ្នាក់នោះ បានប្រឆាំងទៅនឹងប្រឆាំងនឹងអន្តរកម្មបរទេស ឬទស្សនកិច្ចរបស់មេដឹកនាំកោះនេះ។

ក្រុមហ៊ុន ដែលបានដាក់ទណ្ឌកម្ម រួមមាន ក្រុមហ៊ុន Teledyne Brown Engineering Inc ក្រុមហ៊ុន BRINC Drones Inc និងក្រុមហ៊ុន Shield AI Inc ។យោងសេចក្តីប្រកាសព័ត៌មានកាលពីថ្ងៃព្រហស្បតិ៍របស់ក្រសួងការបរទេសចិន។

ក្រុមហ៊ុនផ្សេងទៀត ដែលប្រទេសចិនដាក់ទណ្ឌកម្ម មានក្រុមហ៊ុន  ក្រុមហ៊ុនRapid Flight LLC, ក្រុមហ៊ុនRed Six Solutions, ក្រុមហ៊ុនSYNEXXUS Inc, ក្រុមហ៊ុនFirestorm Labs Inc, ក្រុមហ៊ុនKratos Unmanned Aerial Systems Inc, ក្រុមហ៊ុនHavocAI, ក្រុមហ៊ុនNeros Technologies, ក្រុមហ៊ុនCyberlux Corporation, ក្រុមហ៊ុនDomo Tactical Communications និងក្រុមហ៊ុនGroup W។

ប្រែសម្រួល៖ណាវ័ន្ត