ជម្លោះរាប់ឆ្នាំថែមទាំងបានប្ដឹងផ្ដល់គ្នាឡើងតុលាការថែមទៀតផងរវាង ម៉េង កែវពេជ្ចតា និង ចន ច័ន្ទលក្ខិណា បានព្រមព្រៀងគ្នាបញ្ចប់ជម្លោះបានអូលបន្លាយរាប់ឆ្នាំមកហើយ ដើម្បីធ្វើជាគំរូដល់សិល្បករ សិល្បការិនីផ្សេងៗទៀត។នៅទីបំផុតជម្លោះក្ដៅគគុករវាងអ្នកនាង ម៉េង កែវពេជ្ជតា និងអ្នកនាង ចន ច័ន្ទលក្ខិណា បានព្រមព្រៀងគ្នាបញ្ចប់ជម្លោះហើយក្រោមការជួយសម្របសម្រួលពីប្រធានសមាគមសិល្បករខ្មែរទើបឡើងថ្មីលោកជំទាវ ម៉ៅ ចំណាន។ 

ការព្រមព្រៀងបញ្ចប់ជម្លោះអូសបន្លាយរាប់ឆ្នាំ ហើយថែមទាំងបានប្ដឹងផ្ដល់គ្នាឡើងតុលាការថែមទៀតនោះ គឺជាការសម្រេចចិត្តដើម្បីធ្វើជាគំរូដល់សិល្បករសិល្បនាការិនីដទៃទៀត ជាពិសេសសិល្បករក្មេងៗជំនាន់ក្រោយតែម្ដង។ជុំវិញនៃការបិទបញ្ចប់សង្រ្គាមរុំារ៉ៃជាច្រើនឆ្នាំនេះ បានធ្វើឱ្យមហាជនខ្លះជឿ និង មហាជនខ្លះមិនជឿ ពីព្រោះថា សង្រ្គាមពាក្យសម្តីដ៏ក្តៅគគុករវាងតារាសម្តែង អ្នកនាង ចន ច័ន្ទលក្ខិណា និងតារាចម្រៀង ម៉េង កែវពេជ្ជតា កើ់តឡើងច្រើនឆ្នាំហើយ ទោះបីអ្នកទាំងពីរជួបមុខគ្នាក៏មិនដែលសម្លឹង ឬ មើលមុខគ្នាដែរ។

 ជាក់ស្តែងកាលពីប៉ុន្មានខែមុន អ្នកនាង ចន ច័ន្ទលក្ខិណា សម្រេចចិត្តដាក់ពាក្យបណ្តឹង ប្តឹងផ្តល់អ្នកនាង ម៉េង កែវពេជ្ជតា តាមផ្លូវច្បាប់ តាមរយៈវិដេអូឡាយមួយអ្នកនាង ចន ច័ន្ទលក្ខិណា បានស្រក់ទឹកភ្នែក និង ប្រកាសក្តែងៗត្រូវតែប្តឹង បន្ទាប់ពីអត់ធ្មត់អស់ពេលជាច្រើនឆ្នាំ ។ ចំណែកអ្នកនាង ម៉េង កែវពេជ្ជតា វិញ ក៏មិនខ្លាចរអារនិងការប្តឹងផ្តល់នោះដែរ ផ្ទុយទៅវិញអ្នកនាងថែមទាំងនិយាយថា ស្វាគមន៍ អ្នកនាងនឹងកំដរដល់ទីបញ្ចប់ ពីព្រោះអ្នកនាងក៏មានភស្តុងតាងដើម្បីតតាំងក្តីនេះដែរ ។ 

ទន្ទឹមនិងការប្តឹងផ្តល់គ្នានាពេលនោះ បានធ្វើឱ្យមានការរង្គោះរង្គើរខ្លាំងក្នុងវិស័យសិល្បៈ សូម្បីតែអ្នកគាំទ្រក៏ទន្ទឹងរងចាំមើលការប្តឹងផ្តល់នេះដែរ ។ ដោយឡែកនៅថ្ងៃទី ២២ ខែ កក្កដា ឆ្នាំ កន្លងមកនេះ ស្រាប់តែស្ងាត់ៗខាងសមាគមសិល្បករ ខ្មែរ បែរជាប្រកាសថា ជម្លោះដ៏ក្តៅគគុករវាងអ្នកនាង ម៉េង កែវពេជ្ជតា និង ចន ច័ន្ទលក្ខិណា បានឈានដល់ទីបញ្ចប់ ក្រោមការសម្របសម្រូលពីលោកជំទាវ ម៉ៅ ចំណាន ប្រធានសមាគមសិល្បករ ខ្មែរ នៅក្នុងអណត្តិថ្មីនេះ ភាគគីទាំងសងខាងបានព្រមបញ្ចប់ជម្លោះដោយផ្ទាល់ និង ប្រយោល ទាំងនៅលើបណ្តាញសង្គម និង តាមមធ្យោបាយផ្សេងៗ...។

អ្នកនាង ចន ច័ន្ទលក្ខិណា និង អ្នកនាង ម៉េង កែវពេជ្ជតា បានថតរូបកៀកស្មាគ្នា លាយឡំជាមួយស្នាមញញឹមយ៉ាងស្រស់ស្រាយ ដើម្បីបង្ហាញថា អ្នកទាំងពីរគឺសម្រេចចិត្តឈប់ប្តឹងផ្តល់គ្នា ដើម្បីធ្វើជាគំរូដល់មិត្តសិល្បករជំនាន់ក្រោយ ៕ 

 

អត្ថបទ ៖ ម៉ា រីសា  រូបភាព ៖ ភីអិនអិន និង ហ្វេសប៊ុក