ថ្ងៃសុក្រ ទី១៩ ខែកក្កដា ឆ្នាំ២០២៤

Krystal ក្រុម f(x) បង្ហាញខ្លួននៅមហស្រពទីក្រុងកានលើកដំបូងជាមួយភាពយន្ត “Cobweb”

២៩ ឧសភា ២០២៣ | កម្សាន្ដ

 

 

តារា​ចម្រៀង​និងសម្ដែងកូរ៉េ Krystal Jung (គ្រីស្តាល់ ជុង) បាន​បង្ហាញ​ខ្លួន​ជា​លើក​ដំបូង​នៅមហោស្រព​ភាពយន្តទីក្រុងកានកាល​ពី​ថ្ងៃ​ទី២៥ ខែឧសភា សម្រាប់ការសម្ពោធបញ្ចាំង​ភាពយន្ត​ថ្មីរបស់ខ្លួន​មាន​ចំណង​ជើង​ថា "Cobweb" (ខប់វេប)។

 


ខ្សែភាពយន្តកូរ៉េ "Cobweb" (ខប់វេប) ដែលសម្តែងដោយតួឯកភាពយន្ត "Parasite" (ផារ៉ាសាយ) លោក Song Kang-ho (សុង ខាងហូ) និងតារាស្រី Krystal Jung (គ្រីស្តាល់ ជុង) បានរៀបចំការសម្ពោធបញ្ចាំងនៅក្នុងព្រឹត្តិការណ៍មហោស្រពភាពយន្តទីក្រុងកាន ដោយមានវត្តមានតារាកូរ៉េល្បីៗជាច្រើនចូលរួម។

 


ភាពយន្តនេះមានសាច់រឿងរៀបរាប់ពីអ្នកដឹកនាំរឿងក្នុងទសវត្សរ៍ឆ្នាំ ១៩៧០ ម្នាក់ដែលមានបំណងចង់ថតចុងបញ្ចប់នៃខ្សែភាពយន្តមួយរបស់ខ្លួនឡើងវិញ ដើម្បីអាចក្លាយជាស្នាដៃដ៏ល្អបំផុតរបស់ខ្លួន ដោយភាពយន្តនោះមានចំណងជើងថា “Cobweb” (ខប់វេប)។

 

 

ដោយឡែកតារាស្រី Krystal Jung ដែលជាអតីតសមាជិកក្រុមចម្រៀងខេប៉ុប f(x) (អេហ្វអិច) បានដើរតួជាតារាស្រីវ័យក្មេងម្នាក់ដែលចាប់ផ្ដើមល្បីឈ្មោះដោយសារភាពយន្ត "Cobweb" ។នេះ​ជា​ភាពយន្ត​ទី​បី​របស់អ្នកដឹកនាំកូរ៉េ Kim Jee-woon (គីម ជីវូន) ដែលបាន​ដាក់​បញ្ចាំង​ក្រៅ​ការ​ប្រកួត​នៅ​មហោស្រព​ភាពយន្តទីក្រុងកាន។


គួរបញ្ជាក់ថា មហោស្រពភាពយន្តទីក្រុងកានលើកទី៧៦ គឺឆ្នាំ២០២៣នេះមានការបញ្ចាំងខ្សែភាពយន្តកូរ៉េចំនួន ៥រឿងប៉ុន្តែមិនមានរឿងណាមួយស្ថិតនៅក្នុងបញ្ជីប្រកួតប្រជែងពានរង្វាន់នោះទេ ខណៈកាលពីឆ្នាំ២០១៩ ភាពយន្ត “Parasite” បានក្លាយជាភាពយន្តកូរ៉េដំបូងគេដែលបានឈ្នះពានរង្វាន់ធំ Palme d'Or (ផាម ឌ័រ) ពីមហោស្រពភាពយន្តនេះ ៕

 

 

ប្រែសម្រួល៖ វ៉ាន់ថន

 

ព័ត៌មានដែលទាក់ទង

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024