ថ្ងៃច័ន្ទ ទី២៣ ខែមិថុនា ឆ្នាំ២០២៥
ថ្ងៃច័ន្ទ ទី២៣ ខែមិថុនា ឆ្នាំ២០២៥
អ្នកឡើងជញ្ជាំងអគារជនជាតិបារាំងគឺលោក អាឡាំង រ៉ូបឺត ដែលគេស្គាល់ថាជា «មនុស្សពីងពាវ» ប្រចាំប្រទេសបារាំងនោះបានដើរឡើងអគារខ្ពស់កប់ពពកអមដោយអ្នកឡើង ៣ នាក់ផ្សេងទៀតនៅសង្កាត់ពាណិជ្ជកម្មក្រុងប៉ារីស ឡា អេហ្វឺដ (La Defense) កាលពីដើមខែនេះ។
នេះជាលើកដំបូងហើយដែលមនុស្សពីងពាង រ៉ូប៊ឺត បានឡើងអគារដោយមានអ្នកចូលរួមឡើងជាមួយព្រោះកន្លងមកគឺគាត់តែងតែធ្វើបែបនេះតែម្នាក់ឯង ហើយពេលនេះគាត់បានជ្រើសរើសយកអគារ Total Energies ដែលមានកម្ពស់ ១៨៧ ម៉ែត្រពីលើដី។
លោក រ៉ូបឺត បានឡើងអគារខ្ពស់ៗរាប់មិនអស់ទៅហើយ ហើយនេះគឺជាលើកទី១១ដែលគាត់ឡើងអគារពិសេសបែបនេះ។ ប៉ុន្តែនៅពេលនេះ អ្នកឡើងអគារវ័យក្មេង ៣ នាក់ទៀតបានចូលរួមជាមួយអត្តពលិកអាយុ ៦០ ឆ្នាំរូបនេះដែលនិយាយថា គាត់នឹងបន្តឡើងរហូតដល់រាងកាយរបស់គាត់ប្រាប់គាត់ឱ្យឈប់។
អ្នកឡើងអមទាំង៣នាក់នេះគឺជនជាតិបារាំង២នាក់នេះគឺលោក Leo Urban និងលោក Alexis Landot ហើយម្នាក់ទៀតគឺជនជាតិប៉ូឡូញឈ្មោះ Marcin Banot ដោយពួកគេបានតាំងខ្លួនឯងថាជាខ្មាន់កាំភ្លើងទាំង៣សម្រាប់ឱកាសនេះ ហើយពួកគេសុទ្ធតែមានបទពិសោធន៍ឡើងអគារនេះប៉ុន្តែអ្វីដែលអស្ចារ្យនោះគឺពួកគេបានឡើងជាមួយលោក រ៉ូបឺត ដែលវីរបុរសរបស់ពួកគេ។
ពួកគេបានចំណាយពេលប្រហែលមួយម៉ោងដើម្បីឡើងទៅដល់កំពូលអគារនេះជាទីដែលប៉ូលិសកំពុងរង់ចាំពួកគេនៅលើនោះ។ លោក រ៉ូប៊ឺត ធ្លាប់ត្រូវបានប៉ូលិសឆ្មក់ចាប់បាននៅលើកំពូលអគារខ្ពស់បែបនេះ ហើយក្រោយមកត្រូវឃុំខ្លួនគាត់អស់ជាច្រើនម៉ោង៕
ប្រែសម្រួល៖ ប៉ិច ស៊ីនួន
