រូបភាពពីទីភ្នាក់ងារភូគព្ភសាស្ដ្រសហរដ្ឋអាមេរិក(USGS) បានបង្ហាញពីទិដ្ឋភាពព្រះអាទិត្យរះយ៉ាងត្រចេះត្រចង់ នៅអំឡុងពេលផ្ទុះភ្នំភ្លើងKilauea នៅកោះហាវៃ នៃសហរដ្ឋអាមេរិកនៅថ្ងៃសុក្រ(១៩កញ្ញា)។ 
 

ភ្នំភ្លើងKilauea នៅតែបន្តបញ្ចេញកម្អែរភ្នំភ្លើង អំឡុងពេលផ្ទុះចុងក្រោយបំផុត នៅពេលយប់រំលងអាធ្រាត្រ។

ភ្នំភ្លើងKilauea បញ្ចេញកម្អែភ្នំភ្លើងកំពស់១៥០ម៉ែត្រទៅក្នុងលំហអាកាស ហើយឧស្ម័ន និងចំហាយទឹកដ៏ធំមានកំពស់ដល់ទៅ៣០០០ម៉ែត្រពីផ្ទៃដី។ 

យោងគេហទំព័រទីភ្នាក់ងារ(USGS) ភ្នំភ្លើងKilauea ជាភ្នំភ្លើងមួយស្ថិតនៅក្នុងចំណោមភ្នំភ្លើងដែលមានសកម្មភាពខ្លាំងបំផុតក្នុងពិភពលោក ហើយបានផ្ទុះឡើងជាបន្តបន្ទាប់រហូតមកចាប់តាំងពីថ្ងៃ២៣ធ្នូឆ្នាំ២០២៤។  

គេហទំព័រ USGS ក៏​បញ្ជាក់​ដែរ​ថា ភ្នំភ្លើង​នេះ​បាន​ផ្ទុះ​រាប់សិប​ដង​ចាប់តាំងពី​ឆ្នាំ​១៩៥២​មក​។

ប្រែសម្រួល៖ណាវ័ន្ត