លោកប្រធានាធិបតីអាមេរិក Donald Trump នៅថ្ងៃច័ន្ទ(២៥សីហា) បាននិយាយថា​ លោកចង់ជួបជាមួយលោក Kim Jong Un មេដឹកនាំកូរ៉េខាងជើងនៅឆ្នាំនេះ។

នៅពេលថ្លែងទៅកាន់អ្នកសារ័ត៌មានមុនពេលកិច្ចប្រជុំជាមួយលោក Lee Jae Myung ប្រធានាធិបតីកូរ៉េខាងត្បូង នៅសេតវិមាន លោកTrump បាននិយាយថា «ខ្ញុំមានទំនាក់ទំនងល្អណាស់។ ខ្ញុំយល់ពីពួកគេ។ ខ្ញុំ​បាន​ចំណាយ​ពេល​ទំនេរ​ជា​ច្រើន​ជាមួយ​ពួក​គេ ​និយាយ​ពី​រឿង​ដែល​យើង​ប្រហែល​ជាគិតថានឹងមិននិយាយដល់។ ហើយ​អ្នក​ដឹង​ទេ ខ្ញុំចុះសម្រុងជាមួយគាត់បានយ៉ាងល្អ។ ខ្ញុំគិតថាគាត់មានប្រទេសមួយដែលមានសក្តានុពល​ខ្លាំង,សក្តានុពលដ៏អស្ចារ្យ»​។ 

នៅពេលអ្នកសារព័ត៌មានសួរថា តើលោកចង់ជួបលោកKim នៅឆ្នាំនេះ ឬឆ្នាំក្រោយ? , លោក Trump ក៏បានឆ្លើយតបទៅថា «ពិតហើយ។ ខ្ញុំជួបមនុស្សជាច្រើន។ ខ្ញុំចង់មានន័យថា ។ ពិបាកនឹងកំណត់ពីរឿងនេះ។ ប៉ុន្តែខ្ញុំពិតជាចង់ជួបគាត់(លោកKim) នៅឆ្នាំនេះ»។ 
 

ប្រែសម្រួល៖ណាវ័ន្ត