ក្រុមអ្នកចម្បាំង ៤រូប ក្នុងកម្មវិធី Rapper Fighter របស់ PNN ចូលរួមជាមួយក្រុមហ៊ុន Ganzberg រៀបចំ និងដឹកអំណោយ ចែកជូនប្រជាពលរដ្ឋភៀសសឹក ១ម៉ឺនគ្រួសារ នៅទីសុវត្ថិភាព ក្នុងខេត្តព្រះវិហារ និងខេត្តឧត្តរមានជ័យ

ក្រុមអ្នកចម្រៀង Rapper ៤រូប ដែលគេស្គាល់ថា «ក្រុមអ្នកចម្បាំង» ក្នុងកម្មវិធី Rapper Fighter របស់ទូរទស្សន៍ PNN បាននាំអំណោយ ពីភ្នំពេញ ទៅចែកជូនប្រជាពលរដ្ឋខ្មែរ ភៀសសឹក ចំនួន ១ម៉ឺនគ្រួសារ ដែលកំពុងស្នាក់នៅទីកន្លែងសុវត្ថិភាព ក្នុងខេត្តព្រះវិហារ និងខេត្តឧត្តរមានជ័យ។

ក្រុមអ្នកចម្រៀង Rapper និងក្រុមការងារ បានចេញដំណើរពីភ្នំពេញ នៅថ្ងៃសៅរ៍ ទី២៦ ខែកក្កដានេះ ហើយពិធីចែកអំណោយ ដល់ប្រជាពលរដ្ឋខ្មែរ ជនភៀសសឹក ពីសង្គ្រាមឈ្លានពានរបស់កងទ័ពថៃ នៅក្នុងខេត្តព្រះវិហារ និងខេត្តឧត្តរមានជ័យ នឹងធ្វើឡើង នៅថ្ងៃអាទិត្យ ទី២៧ ខែកក្កដា ឆ្នាំ២០២៥។

សូមរម្លឹកថា តាមការគ្រោងទុក អំណោយរបស់ Ganzberg មានអង្ករ ១០០តោន ភេសជ្ជៈ ៣០០០កេស និងទូរទស្សន៍ PNN រួមមាន មី១០០កេស និងត្រីខ ១០០កេស ខាងលើនេះ នឹងចែកជូនប្រជាពលរដ្ឋខ្មែរ ជាជនភៀសសឹក នៅទីសុវត្ថិភាពក្នុងឧត្តរមានជ័យ រួមមាន៖ នៅស្រុកបន្ទាយអំពិល ចំនួន ២៥០០គ្រួសារ និងនៅមុខសាលាខេត្តឧត្តរមានជ័យ ចំនួន ២៥០០គ្រួសារ។ ចំណែកទីកន្លែងសុវត្ថិភាព ក្នុងខេត្តព្រះវិហារ រួមមាន៖ វត្តពោធិ៍ ៥ពាន់ដើម ចំនួន ៤០០០គ្រួសារ នៅតាកឹង ៥០០គ្រួសារ និងនៅផ្លូវបំបែក ចំនួន ៥០០គ្រួសារ៕

 អត្ថបទ និងរូបភាព៖ PNN