ការិយាល័យពន្លត់អគ្គីភ័យប្រទេសមីយ៉ាន់ម៉ា នៅថ្ងៃច័ន្ទ(៣១មីនា) បានបង្ហាញពីអាគារបាក់រលំដល់ដីនៅទីក្រុងMandalayប្រទេសមីយ៉ាន់ម៉ា បន្ទាប់ពីរញ្ជួយដីកម្លាំងខ្លាំងនៅប្រទេសតំបន់អាស៊ានមួយនេះសម្លាប់មនុស្សយ៉ាងតិច២០០០នាក់។ 

នៅតំបន់ភាគកណ្តាលប្រទេសមីយ៉ាន់ម៉ា ក្រុមសង្គ្រោះ បានជួយមនុស្ស៤នាក់រួមមានស្ត្រីមានផ្ទៃពោះម្នាក់ និងក្មេងស្រីម្នាក់ ចេញពីអាគារបាក់រលំ នៅទីក្រុងMandalay នៅជិតទីតាំងរញ្ជយដីកាលពីថ្ងៃសុក្រ(២៨មីនា)កម្លាំង៧,៧រ៉ិច័រ។ យោងសារព័ត៌មានចិនXinhua។

សង្គ្រាមស៊ីវិលនៅប្រទេសមីយ៉ាន់ម៉ា ដែលកាលណោះរដ្ឋាភិបាលយោធាមីយ៉ាន់ម៉ា បានដណ្តើមអំណាចក្នុងរដ្ឋប្រហារយោធាឆ្នាំ២០២១ បានធ្វើឱ្យកិច្ចខិតខំប្រឹងប្រែងជួយសង្គ្រោះកាន់តែស្មុគស្មាញ ទៅដល់កន្លែងជួយសង្គ្រោះជនរងគ្រោះ ហើយធ្វើឱ្យមនុស្សជាច្រើនបាត់បង់លំនៅដ្ឋានដោយសាររញ្ជួយដីកម្លាំងខ្លាំងបំផុតនៅប្រទេសតំបន់អាស៊ានមួយនេះមិនធ្លាប់មានក្នុងពេល១០០ឆ្នាំកន្លងមក។ 

សារព័ត៌មានរដ្ឋមីយ៉ាន់ម៉ា ឱ្យដឹងថា តួលេខអ្នកស្លាប់បានកើនឡើងដល់២០៦៥នាក់ និងច្រើនជាង៣៩០០នាក់រងរបួស និងច្រើនជាង២៧០នាក់ បាត់ខ្លួន។ រដ្ឋាភិបាលយោធាមីយ៉ាន់ម៉ា បានប្រកាសពេលវេលាកាន់ទុក្ខរយៈពេល១សប្តាហ៍ចាប់ពីថ្ងៃច័ន្ទ។ 

ប្រែសម្រួល៖ណាវ័ន្ត