ក្រសួងដឹកជញ្ជូនរបស់ប្រទេសកូរ៉េខាងត្បូង ឱ្យដឹងនៅថ្ងៃពុធ(១មករា)ថា ប្រអប់ខ្មៅរបស់យន្តហោះដែលធ្លាក់នៅថ្ងៃអាទិត្យ(២៩ធ្ន) នឹងត្រូវបញ្ជូនទៅសហរដ្ឋអាមេរិកដើម្បីសិក្សាវិភាគ។

អ្នកដំណើរទាំងអស់នៅលើយន្តហោះ១៧៥នាក់ និងក្រុមការងារបំរើការលើយន្តហោះ៦នាក់ ស្លាប់នៅថ្ងៃអាទិត្យ នៅពេលយន្តហោះរបស់ក្រុមហ៊ុនអាកាសចរណ៍Jeju Air ចុះចតនៅអាកាសយានដ្ឋាន Muan International Airport ហើយបានជ្រុលទៅបុកទៅនិងជញ្ជាំងបេតុង បន្ទាប់ មកយន្តហោះក៏ត្រូវផ្ទុះឆេះ។

ស្របគ្នា ក្រសួងដឹកជញ្ជូន ឱ្យដឹងថា ក្រុមអ្នកស៊ើបអង្កេតកូរ៉េខាងត្បូង បានស្រង់ទិន្នន័យចេញពីប្រដាប់ថតសំឡេងនៅកាប៊ីនយន្តហោះ ហើយនឹងបម្លែងទិន្នន័យទាំងអស់នោះ ទៅជាឯកសារសំឡេងមួយដោយសង្ឃឹមថា នឹងផ្តល់ជូនព័ត៌មានសំខាន់ៗដើម្បីបានបកស្រាយពន្យល់ពីហេតុការណ៍នៅនាទីចុងក្រោយមុនយន្តហោះធ្លាក់។ សម្រាប់កិច្ចការនេះ ក្រុមអ្នកជំនាញនឹងត្រូវការពេលប្រហែល២ថ្ងៃ។ 

ស្របគ្នា ក្រុមគ្រួសារជនរងគ្រោះ រៀបចំធ្វើបុណ្យសពឱ្យសាច់ញាតិរបស់ខ្លួន ក្រោយពីអាជ្ញាធរបញ្ចប់ការកំណត់អត្តសញ្ញាណជនរងគ្រោះទាំង១៧៩នាក់នៅក្នុងគ្រោះមហន្តរាយធ្លាក់យន្តហោះដ៏អាក្រក់បំផុតរបស់ប្រទេសកូរ៉េខាងត្បូងជាផ្លវការ។ 
 

ប្រែសម្រួល៖ណាវ័ន្ត