ថ្ងៃពុធ ទី២៣ ខែតុលា ឆ្នាំ២០២៤
ថ្ងៃពុធ ទី២៣ ខែតុលា ឆ្នាំ២០២៤
លោកXi Jinping ប្រធានាធិបតីចិន បានប្រាប់ទៅលោកVladimir Putin ប្រធានាធិបតីរុស្ស៊ី ថា ស្ថានភាពអន្តរជាតិស្ថិតនៅក្នុងភាពវឹកវរ ប៉ុន្តែភាពជាដៃគូយុទ្ធសាស្ត្ររបស់ទីក្រុងប៉េកាំង ជាមួយទីក្រុងម៉ូស្គូ គឺជាកម្លាំងសម្រាប់ស្ថិរភាព ខណៈមានការប្រែប្រួលខ្លាំងបំផុតទើបតែបានឃើញក្នុងពេលមួយសតវត្ស។
លោកXi និងលោកPutin កាលពីខែឧសភា បានសន្យាថានឹងបង្កើតសករាជថ្មីនៃភាពជាដៃគូររវាងប្រទេសទាំងពីរដែលប្រទេសទាំង២នេះ, ជាគូប្រជែងដ៏មានឥទ្ធិពលបំផុតរបស់សហរដ្ឋអាមេរិក។
«បច្ចុប្បន្ន, ពិភពលោកកំពុងឆ្លងកាត់ការផ្លាស់ប្តុរជាច្រើនមិនធ្លាប់ឃើញក្នុងពេល១០០ឆ្នាំ , ស្ថានភាពអន្តរជាតិរមួលចូលគ្នាក្នុងភាពចលាចលវឹកវរ»។ លោកXi ថ្លែងប្រាប់លោកPutin នៅទីក្រុងKazan ប្រទេសរុស្ស៊ីក្នុងពេលបើកកិច្ចប្រជុំកំពូលBRICS។
«ប៉ុន្តែខ្ញុំជឿជាក់យ៉ាងខ្លាំងថា មិត្តភាពរវាងប្រទេសចិន និងរុស្ស៊ីនឹងបន្តទៅមុខជាច្រើនជំនាន់ ហើយការទទួលខុសត្រូវខ្លាំងបំផុតរវាងប្រទេសទាំងពីរចំពោះប្រជាជនរបស់គេនឹងមិនផ្លាស់ប្តូរ»។ លោកប្រធានាធិបតីចិនXiបន្ថែម។
ប្រែសម្រួល៖ណាំវ័ន្ត