ថ្ងៃសុក្រ ទី១៨ ខែតុលា ឆ្នាំ២០២៤
ថ្ងៃសុក្រ ទី១៨ ខែតុលា ឆ្នាំ២០២៤
សម្តេចតេជោ ហ៊ុន សែន ប្រធានព្រឹទ្ធសភា តាមរយៈក្រសួងប្រៃសណីយ៍ និងទូរគមនាគមន៍ បានប្រកាសផ្តល់អាហារូបករណ៍ ៥០០កន្លែង ដល់សិស្សានុសិស្ស ដែលទើបតែប្រឡងបញ្ចប់បាក់ឌុប ចូលរៀនថ្នាក់បរិញ្ញាបត្រជំនាញឌីជីថល។
អាហារូបករណ៍ ដែលសម្តេចតេជោ ផ្តល់ជូននេះ ធ្វើឡើង ក្នុងគោលបំណង ជួយជំរុញការអភិវឌ្ឍសេដ្ឋកិច្ច និងសង្គមឌីជីថល នៅកម្ពុជា តាមរយៈការផ្តល់ឱកាសអោយសិស្សានុសិស្ស ដែលទើបប្រឡងចប់បាក់ឌុប ក្នុងឆ្នាំ ២០២៤នេះ អាចចូលរៀនថ្នាក់បរិញ្ញាបត្រ នៅសាកលវិទ្យាល័យល្បីៗ ចំនួន ៦ នៅកម្ពុជា ដោយឥតគិតថ្លៃ។
អត្ថបទ៖ ហ៊ុន ឌីណូ រូបភាព៖ ឯកសារ