តារាឆ្នើមរបស់បារាំង Kylian Mbappe បានហ្វឹកហាត់ជាមួយក្រុម Real Madrid ខណៈដែលអ្នកតំណាងរបស់គេបាននិយាយកាលពីថ្ងៃអង្គារ (15 តុលា) បាននិយាយថា ការចោទប្រកាន់ពីបទរំលោភផ្លូវភេទដែលមានការចោទកន្លងមកគឺ "មិនពិត" និង "ពាក្យចចាមអារ៉ាមដែលបង្កាច់បង្ខូច  បន្ទាប់ពីសារព័ត៌មានបានរាយការណ៍ថាមាន ការស៊ើបអង្កេតលើឧប្បត្តិហេតុមួយ។ នៅក្នុងសណ្ឋាគារ Stockholm កាលពីថ្ងៃទី១០ ខែតុលា។

ក្នុងនោះរដ្ឋអាជ្ញាស៊ុយអែតបានបញ្ជាក់នៅក្នុងសេចក្តីថ្លែងការណ៍មួយក្នុងការឆ្លើយតបទៅនឹងការផ្សាយរបស់ប្រព័ន្ធផ្សព្វផ្សាយថា ការស៊ើបអង្កេតលើករណីរំលោភសេពសន្ថវៈនៅសណ្ឋាគារមួយនៅកណ្តាលរដ្ឋធានី Stockholm ត្រូវបានបើក ប៉ុន្តែមិនបានកំណត់អត្តសញ្ញាណជនសង្ស័យនោះទេ។

ទូរទស្សន៍សាធារណៈរបស់ប្រទេសស៊ុយអែត SVT និងកាសែតប្រចាំថ្ងៃ Expressen និង Aftonbladet ដោយដកស្រង់ប្រភពមិនបញ្ចេញឈ្មោះបានរាយការណ៍ថា Mbappe អាយុ 25 ឆ្នាំជាជនសង្ស័យក្នុងសំណុំរឿងនេះ។

យ៉ាងណាមិញMbappe បានបង្ហោះតំណភ្ជាប់ទៅនឹងរឿងរបស់គេនៅលើប្រព័ន្ធផ្សព្វផ្សាយបារាំងអំពីបញ្ហានេះនៅលើបណ្ដាញសង្គម X ហើយបានសរសេរថា៖ "Fake News!!!!"ខណៈ Real Madrid មិនបានឆ្លើយតបភ្លាមៗទេនៅពេលត្រូវបានគេសួរថាតើពួកគេបានដឹងពីការស៊ើបអង្កេតឬអត់ហើយថាតើវាត្រូវបានគេទាក់ទងដោយអាជ្ញាធរស៊ុយអែតឬអត់។