បង្ហាញចំណាត់ថ្នាក់ក្រុមចម្រៀងនារីខេប៉ុបមានប្រជាប្រិយភាពបំផុតប្រចាំខែកញ្ញា

១៦ កញ្ញា ២០២៤ | កម្សាន្ដ

វិទ្យាស្ថានស្រាវជ្រាវពាណិជ្ជកម្មកូរ៉េទើបតែបញ្ចេញចំណាត់ថ្នាក់ក្រុមចម្រៀងខេប៉ុបនារីមានប្រជាប្រិយភាពបំផុតប្រចាំខែកញ្ញាកាលពីពេលថ្មីៗនេះ។ ចង់ដឹងថាក្រុមណាខ្លះបានជាប់ចំណាត់ថ្នាក់ Top សូមតាមដានទាំងអស់គ្នាតែម្ដង។

ផ្អែកតាមការបូកសរុបទិន្នន័យនានាដូចជាការស្ដាប់និងទស្សនាចម្រៀង ការបង្ហាញមុខលើប្រព័ន្ធផ្សព្វផ្សាយ និងទំនាក់ទំនងសហគមន៍ ចាប់ពីពាក់កណ្ដាលខែសីហាដល់ពាក់កណ្ដលកញ្ញា បានបង្ហាញថាក្រុមចម្រៀងនារី aespa (អេស្ប៉ា) ពីផលិតកម្ម SM Entertainment នៅតែជាក្រុមចម្រៀងស្រីមានកេរ្តិ៍ឈ្មោះខ្លាំងជាងគេដដែល ដោយទទួលបានសន្ទស្សន៍ប្រជាប្រិយភាពសរុប ៥ លានពិន្ទុ ខណៈពួកគេកំពុងបន្តការប្រគំតន្ត្រីទេសចរណ៍ពិភពលោក ហើយបទចម្រៀង "Supernova” នៅតែជាបទដែលទទួលការគាំទ្រច្រើន។

ចំណែកក្រុម IVE របស់ផលិតកម្ម Starship ក៏នៅតែរក្សាបានចំណាត់ថ្នាក់កំពូលទី២ ដដែលក្នុងខែនេះជាមួយសន្ទស្សន៍ប្រជាប្រិយភាពសរុប ៣,៦ លានពិន្ទុ ដោយកើនឡើងជិត ១៥ ភាគរយធៀបនឹងខែមុន ស្របពេលក្រុម LE SSERAFIM ដែលទើបតែធ្វើការ Comeback ជាមួយបទចម្រៀងថ្មី "Crazy” បានឡើងពីចំណាត់ថ្នាក់លេខ ៥ កាលពីខែមុន មកចំណាត់ថ្នាក់លេខ៣ ខណៈសន្ទស្សន៍ប្រជាប្រិយភាពរបស់ពួកគេកើនឡើង ៣៣ ភាគរយ ពោលគឺបានដល់ ៣,៥ លានពិន្ទុ។

ចំណាត់ថ្នាក់លេខ៤ បានទៅលើក្រុម (G)I-DLE (ជីអាយដល) ពីផលិតកម្ម CUBE ជាមួយសន្ទស្សន៍ប្រជាប្រិយភាព ២,៧៧ លាន ស្របពេលចំណាត់ថ្នាក់កំពូលទី៥ បានទៅលើក្រុម Red Velvet ពីផលិតកម្ម SM Entertainment ដែលទទួលបានសន្ទស្សន៍ប្រជាប្រិយភាពសរុប ២,៧៥ លានក្នុងខែនេះ។សម្រាប់ចំណាត់ថ្នាក់ចាប់ពីលេខ៦ ដល់លេខ ១០ មានដូចជាក្រុម OH MY GIRL ជាប់លេខ៦ ក្រុម TWICE ជាប់លេខ ៧ ក្រុម BLACKPINK ជាប់លេខ៨ ក្រុម Girls' Generation ជាប់លេខ៩ និងក្រុម Apink ជាប់លេខ១០ ៕

ប្រែសម្រួល៖ វ៉ាន់ថន

ព័ត៌មានដែលទាក់ទង

កម្សាន្ដ

សិល្បករ ជាង ២០០នាក់ ប្រឹងប្រែងហាត់សមយ៉ាងយកចិត្តទុកដាក់ត្រៀមសម្តែងក្នុងមហោស្រពបុរាណខ្មែររឿង « ព្រះបាទជ័យវរ្ម័នទី ៧ » ចុងខែនេះ

១៨ កញ្ញា ២០២៤

កម្សាន្ដ