ក្រុម AS Roma បានបណ្តេញគ្រូបង្វឹក Daniele De Rossi បន្ទាប់ពីក្លឹបមិនបានឈ្នះការប្រកួតលីកចំនួន 4 ដំបូងនៃរដូវកាលរបស់ពួកគេ។De Rossi ដែលបានចំណាយពេលជិត 2 ទសវត្សរ៍នៅ Roma ក្នុងនាមជាកីឡាករបានចូលកាន់តំណែងជាគ្រូបង្វឹកកាលពីខែមករា បន្ទាប់ពីលោក Jose Mourninho ត្រូវបានបណ្តេញចេញ។ គាត់បានចុះកិច្ចសន្យាបន្តរហូតដល់ឆ្នាំ 2027 ក្នុងខែមិថុនា។

Roma បាននិយាយនៅក្នុងសេចក្តីថ្លែងការណ៍មួយថា "Daniele De Rossi ត្រូវសម្រាកពីភារកិច្ចរបស់គាត់ក្នុងនាមជាគ្រូបង្វឹកនាពេលនេះ" ។"ការសម្រេចចិត្តរបស់ក្លឹបគឺធ្វើឡើងក្នុងគោលបំណងល្អបំផុតរបស់ក្រុម ដើម្បីត្រលប់ទៅរកផ្លូវដែលចង់បានឱ្យបានឆាប់តាមដែលអាចធ្វើទៅបាន នៅពេលដែលរដូវកាលនេះនៅតែស្ថិតក្នុងដំណាក់កាលដំបូងតែប៉ុនណ្ណោះ"។

Roma ដែលបានស្មើក្នុងលទ្ធផលស្មើ 1-1 នៅលើទឹកដី Genoa កាលពីចុងសប្តាហ៍មុន មានបីពិន្ទុបន្ទាប់ពីប្រកួតចំនួនបួន។ ពួកគេធ្វើជាម្ចាស់ផ្ទះ Udinese នៅថ្ងៃអាទិត្យ។