កីឡដ្ឋាន Maracana ជាប្រវត្តិសាស្ត្របានស្វាគមន៍កីឡាករបាល់ទាត់ប្រេស៊ីល Thiago Silva ចំពេលមានកាំជ្រួច និងអ្នកគាំទ្ររាប់ពាន់នាក់អបអរសាទរចំពោះការវិលត្រលប់មកក្លឹបកំណើតរបស់គាត់ Fluminense ទោះបីជាការបង្ហាញខ្លួនលើកដំបូងរបស់គាត់នឹងមិនកើតឡើងរហូតដល់ខែកក្កដាក៏ដោយ ប៉ុន្តែអ្នកគាំទ្រដ៏រំភើបជាង 55,000 នាក់បានអបអរសាទរការត្រឡប់មកវិញរបស់គាត់ដោយការច្រៀង និងរាំពីកន្លែងអង្គុយរបស់ពួកគេនៅឯកីឡដ្ឋានដ៏ល្បីមួយនេះ នេះបើយោងតាមប្រព័ន្ធផ្សព្វផ្សាយក្នុងស្រុក។

Silva វ័យ 39 ឆ្នាំបានលេងនៅក្លឹប Fluminense ពីឆ្នាំ 2007-2009 មុនពេលគាត់ផ្លាស់ទៅអឺរ៉ុប ហើយបានរកឃើញភាពជោគជ័យនៅ AC Milan, PSG និង Chelsea ។គាត់បានចុះហត្ថលេខាលើកិច្ចសន្យារយៈពេលពីរឆ្នាំជាមួយអតីតក្លឹបរបស់គាត់បន្ទាប់ពីចាកចេញពី Chelsea នៅចុងបញ្ចប់នៃរដូវកាល Premier League ។Silva ត្រូវបានចុះហត្ថលេខាជាមួយ Fluminense រហូតដល់ខែមិថុនាឆ្នាំ 2026 ។