ថ្ងៃសុក្រ ទី១៩ ខែកក្កដា ឆ្នាំ២០២៤

ស្លាប់ម្នាក់ក្នុងករណីអគ្គិភ័យឆាបឆេះផ្ទះនៅក្បែរប៉ុស្តិស្ទឹងមានជ័យទី១  

០៧ ​វិច្ឆិកា ២០២៣ | ព័ត៌មានជាតិ

 

ភ្នំពេញ៖  តាមការបញ្ជាក់របស់អាជ្ញាធរខណ្ឌមានជ័យបានអោយដឹងថា មានករណីអគ្គីភ័យឆាបឆេះ ចំនួន ២ទីតាំង  នៅក្នុងក្រុមទី៥ និងក្រុមទី៧ ភូមិថ្មី សង្កាត់ស្ទឹងមានជ័យទី១  ខណ្ឌមានជ័យ  រាជធានីភ្នំពេញ  កាលពីវេលាម៉ោង  ១២និង០០ នាទីថ្ងៃទី ៧ ខែ វិច្ឆិកា ឆ្នាំ២០២៣ ។ 

 

 

 

 

ដោយករណីទី១  កេីតឡេីងនៅផ្លូវលំ ក្រុមទី៥ ភូមិថ្មី នៅផ្ទះរបស់លោក គី ប៊ុនស៊ាន ភេទ ប្រុស អាយុ ៦៨ ឆ្នាំ ជនជាតិ ខែ្មរ បណ្តាលមកពីកូនរបស់គាត់បែកថ្នាំបានធ្វើការដុតផ្ទះដោយចងទ្វាជាប់ ទើបបណ្តាលឲ្យមានការឆាបឆេះខ្លាំង  បំផ្លាញទ្រព្យសម្បត្តិក្នុងផ្ទះអស់ទាំងស្រុង និងបណ្តាលមានអ្នកស្លាប់ម្នាក់ ឈ្មោះ គី ប៊ុនសែន ភេទ ប្រុស អាយុ ៣៣ ឆ្នាំ មុខរបរ នៅផ្ទះ ហេីយករណីនេះបានប្រើប្រាស់រថយន្តពន្លត់អគ្គីភ័យអស់ចំនួន ១៤ គ្រឿង និងបំពង់ពន្លត់អគ្គីភ័យអស់ចំនួន ៣បំពង់  ចំណែកករណីទី ២.ស្ថិតនៅក្រុមទី៥ ភូមិថ្មីដដែរ  ឆ្លងចរន្តអគ្គីសនីឆាបឆេះបង្គោលភ្លើង តែករណីនេះមិនប៉ះពាល់ដល់ទ្រព្យសម្បត្តិប្រជាពលរដ្ឋនោះទេ ការពន្លត់នេះប្រើបំពង់ពន្លត់អគ្គីភ័យអស់ចំនួន ២០បំពង់។ 

 

 

 

គួរបញ្ជាក់ថាក្នុងប្រតិបត្តិការអន្តរាគមន៍ពន្លត់ករណីអគ្គិភ័យដឹកនាំបញ្ជាដោយលោក  ហែម  ដារិទ្ធ  អភិបាលនៃគណៈអភិបាលខណ្ឌមានជ័យ រួមសហការជាមួយកម្លាំងបង្កានិងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ  កម្លាំងកងរាជអាវុធហត្ថ  កម្លាំងសមត្ថកិច្ចនិងកម្លាំងសណ្តាប់ធ្នាប់ក្នុងមូលដ្ឋានខណ្ឌមានជ័យ៕

 

 

រូបភាព៖រដ្ឋបាលសង្កាត់ស្ទឹងមានជ័យទី១

 

 

ព័ត៌មានដែលទាក់ទង

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024