ដំណើរទស្សនកិច្ចសិក្សាមួយ ត្រូវបានរៀបចំឡើង ចេញពីភ្នំពេញ ទៅកាន់ទីតាំងសិប្បកម្មកែច្នៃប្រហុកសៀមរាប សំណាង សុធី ដែលជាសិប្បកម្មផលិតប្រហុកសៀមរាប ទទួលបានការចុះបញ្ជីជាម៉ាកសម្គាល់ភូមិសាស្ត្រទំនិញ ដែលហៅកាត់ថា GI កាលពីថ្ងៃទី១០ ខែកញ្ញា ឆ្នាំ២០២៥ ក្រោមកិច្ចសហការរវាងក្រសួងកសិកម្ម រុក្ខាប្រមាញ់ និងនេសាទ ព្រមទាំងអង្គការសហប្រជាជាតិដើម្បីអភិវឌ្ឍន៍ឧស្សាហកម្ម ហៅកាត់UNIDO ប្រចាំនៅកម្ពុជា និងសហភាពអឺរ៉ុបប្រចាំនៅកម្ពុជា។

លោក ឃួន អេវីរ៉ាត លេខាទីមួយ និងជាអនុប្រធានផ្នែកសហប្រតិបត្តិការនៃប្រតិភូសហភាពអឺរ៉ុប ប្រចាំនៅកម្ពុជា បានលើកឡើងថា  ការដែលអនុញ្ញាតឱ្យផលិតផលមួយ ចូលទៅក្នុងទីផ្សារសហភាពអឺរ៉ុប គឺទាមទារលក្ខខណ្ឌតម្រូវជាច្រើន ហើយនៅក្នុងកិច្ចចរចាកិច្ចព្រមព្រៀងពាណិជ្ជកម្មរបស់សហភាពអឺរ៉ុប ការចុះបញ្ជីជាម៉ាកសម្គាល់ភូមិសាស្ត្រទំនិញ គឺកត្តាគន្លឹះមួយ ឈានដល់ការព្រៀមព្រៀងពាណិជ្ជកម្មជាមួយសហភាពអឺរ៉ុប។ 
 

អត្ថបទ៖ អ៊ីសា ហាសាណះ  រូបភាព៖ ហ៊ុន សុជាតា