យើងខ្ញុំទាំងអស់គ្នាមានសេក្តីក្តុកក្តូលនិងសោកស្តាយជាអនេក បន្ទាប់ពីបានទទួលដំណឹងដ៏ក្រៀមក្រំអំពីមរណភាពរបស់ លោក ឡន វណ្ណា ភ្នាក់ងារព័ត៌មាន PNN ប្រចាំខេត្តស្ទឹងត្រែង   កាលពីវេលាម៉ោង៩យប់ ថ្ងៃសុក្រ ទី២៤ មីនា ២០២៣ ក្រោយជួប​ឧបទ្ទវហេតុ ​ធ្លាក់​ចូល​អណ្ដូង​មានជម្រៅ​ជ្រៅ នៅ​ក្នុង​ដីចម្ការ​មួយ​កន្លែង ស្ថិត​ក្នុងភូមិ​អូរ​ស្ពាន សង្កាត់​ស្ពាន​មាន​ជ័យ ក្រុង​សែន​មនោ​រម្យ ខេត្តមណ្ឌលគិរី។

ការទទួលមរណភាពរបស់ លោក ឡន វណ្ណា គឺជាការបាត់បង់ស្វាមី បិតា ជីតាប្រកបដោយ​     ព្រហ្មវិហារធម៌ ជាការបាត់បង់មិត្តភក្តិ សហការី និងធនធានមនុស្សដ៏សំខាន់ក្នុងផ្នែកព័ត៌មានរបស់ PNN។

តាងនាមឲ្យថ្នាក់ដឹកនាំ ព្រមទាំងបុគ្គលិកទាំងអស់របស់ ភីអិនអិន  ខ្ញុំបាទសូមចូលរួមរំលែកទុក្ខដ៏ក្រៀមក្រំនេះជាមួយលោកស្រី កាន់ សុខុម៉ា ព្រមទាំងក្រុមគ្រួសារ ញាតិមិត្តទាំងអស់នៃសព និងសូមឧទ្ទិសបួងសួងដល់ដួងវិញ្ញាណក្ខន្ធរបស់ លោក ឡន វណ្ណា  បានសោយសុខក្នុងសុគតិភពកុំបីឃ្លៀងឃ្លាតឡើយ។

គោរពចូលរួមមរណទុក្ខពី

លោក Sarayut Suksathit

នាយកគ្រប់គ្រងស្ថានីយទូរទស្សន៍ PNN

ព្រមទាំងបុគ្គលិកគ្រប់ផ្នែកនៃស្ថានីយទូរទស្សន៍ PNN