ថ្ងៃសៅរ៍ ទី២៧ ខែមេសា ឆ្នាំ២០២៤
ថ្ងៃសៅរ៍ ទី២៧ ខែមេសា ឆ្នាំ២០២៤
ការវេចខ្ចប់អាហារយកទៅទទួលទាននៅខាងក្រៅអាហារដ្ឋាន និងការដឹកជញ្ជូនអាហារទៅដល់ដៃអតិថិជន បានក្លាយជារឿងសាមញ្ញទូទៅនៅរយៈកាលចុងក្រោយនេះ ដោយសារតែបញ្ហាជំងឺកូវីដ១៩ ហើយការវេចខ្ចប់អាហារនេះ បានធ្វើអោយតម្រូវការប្រើប្រាស់ប្លាស្ទិចកើនឡើងកាន់តែច្រើន ហើយក៏បន្សល់សំណល់ប្លាស្ទិចកាន់តែច្រើនឡើងផងដែរ។
ការបញ្ជាទិញអាហារមកទទួលទាននៅការិយាល័យ និងកន្លែងធ្វើការជារឿងធម្មតាទូទៅហើយ នៅអំឡុង ពេលផ្ទុះជំងឺកូវីដ១៩។ ការបញ្ជាទិញអាហារតាមApp មានការ កើនឡើងខ្លាំងដល់ទៅ៦០ភាគរយ។ ត្បិតថា ល្អសម្រាប់អាជីវកម្ម ប៉ុន្តែការបញ្ជាទិញអាហារវេចខ្ចប់កាន់តែច្រើន នោះការប្រើប្រាស់សំណល់ប្លាស្ទិចក៏ កាន់តែច្រើនដែរ។
វិធីសាស្ត្រល្អបំផុត អតិថិជនគួរជៀសវាងប្រើប្រាស់ប្លាស្ទិច ហើយអាចយកប្រអប់ពីលំនៅដ្ឋាន នៅពេលពួកគេទិញអាហារយកទៅខាងក្រៅ។ បើប្រៀបធៀបនឹងរយៈពេល ដែលប្លាស្ទិចត្រូវបានប្រើប្រាស់ក្នុងរយៈពេលខ្លីៗនោះ ពិតជាការខាតបង់មួយ ដោយសារប្លាស្ទិច រលាយអាចប្រើពេលដល់ទៅ៥០០ឆ្នាំ។
ប្រែសម្រួល៖ ទួត ណាវ័ន្ត