ថ្ងៃសៅរ៍ ទី២៧ ខែមេសា ឆ្នាំ២០២៤
ថ្ងៃសៅរ៍ ទី២៧ ខែមេសា ឆ្នាំ២០២៤
តូក្យូ(Tokyo)ជាទីក្រុងម្ចាស់ផ្ទះនៃការប្រកួតកីឡាអូឡាំពិកឆ្នាំ២០២០ ទីក្រុងនេះ មានតួលេខអ្នកឆ្លងជំងឺកូវីដ១៩ កើនឡើងដល់ទៅ៣១៧៧នាក់ នៅក្នុងថ្ងៃពុធតែមួយថ្ងៃ។ យោងតាមការប្រកាសអោយដឹងពីអាជ្ញាធរជប៉ុន ។ តួលេខនេះបញ្ជាក់ថា សម្រាប់ទីក្រុងតូក្យូ ថ្ងៃពុធជាថ្ងៃទី២ហើយដែលទីក្រុងមួយនេះ មានតួលេខអ្នកឆ្លងជំងឺកូវីដ១៩ខ្ពស់បំផុត។
ពលរដ្ឋរស់នៅទីក្រុងតូក្យូ បានលើកឡើងថា ពួកគេមានការបារម្ភអំពីការកើនឡើងតួលេខអ្នកឆ្លងជំងឺកូវីដ១៩។ «ខ្ញុំមិនដឹងថាត្រូវធ្វើយ៉ាងដូចម្តេចទេ ប៉ុន្តែខ្ញុំត្រូវតែចេញក្រៅ បើនិយាយអោយស្មោះត្រង់ទៅខ្ញុំពិតជាខ្លាចណាស់។ នេះជាការលើកឡើងរបស់បុគ្គលិកការិយាល័យម្នាក់អាយុ៥៧ឆ្នាំ។ ស្របគ្នា បុគ្គលិកនៅក្នុងឧស្សាហកម្មសំណង់ម្នាក់បានលើកឡើងថា នាងមិនមានអារម្មណ៍ថាមានសុវត្ថិភាពឡើយ ទោះជានាងបានចាក់វ៉ាក់ស៊ាំងជំងឺកូវីដ១៩ហើយក៏ដោយ។
ការកើនឡើងតួលេខអ្នកជំងឺកូវីដ១៩ បាននាំជាបញ្ហាមួយសម្រាប់នាយករដ្ឋមន្ត្រីជប៉ុន លោក យូសិហៃឌិ ស៊ូហ្គា (Yoshihide Suga)ផងដែរ។ នាយករដ្ឋមន្ត្រីជប៉ុនរូបនេះ កាលពីពេលថ្មីៗ ទទួលបានអត្រាប្រជាប្រិយកម្រិតទាបបំផុតចាប់តាំងពីលើកឡើងកាន់កាលពីខែកញ្ញាឆ្នាំមុន។
មានអ្នកសារព័ត៌មានជាច្រើនរូប បានស្នើអោយលោកសូហ្គា និយាយពីបញ្ហាតួលេខអ្នកឆ្លងជំងឺកូវីដ១៩ឡើងខ្ពស់ ហើយផ្ញើរសារទៅកាន់សាធារណៈជន ប៉ុន្តែលោកសូហ្គា បានដើរចេញពីការិយាល័យដោយគ្មាននិយាយអ្វីមួយម៉ាត់។ ទីក្រុងតូក្យូ ស្ថិតនៅក្រោមការប្រកាសដាក់រដ្ឋក្នុងស្ថានភាពអាសន្នកម្រិតទី៤ ដែលគ្រោងនឹងអនុវត្តន៍រហូតដល់ចប់កីឡាអូឡាំពិក។
ប្រែសម្រួល៖ណាវ័ន្ត