ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
ការកាន់កាប់អំណាចជានាយករដ្ឋមន្ត្រីអ៊ីស្រាអ៊ែលរយៈពេល១២ឆ្នាំរបស់លោកBenjamin Netanyahu(បេនចាមីន នេតាន់យ៉ាហូ) បានបញ្ចប់ទៅនៅថ្ងៃអាទិត្យ(១៣មិថុនា) បន្ទាប់ពីសភាជាតិអ៊ីស្រាអ៊ែលបានបោះឆ្នោតគាំទ្ររដ្ឋាភិបាលថ្មី។
លោកនេតាន់យ៉ាហូដែលជាអ្នកនយោបាយមានអំណាចខ្លាំងរបស់ប្រទេសអ៊ីស្រាអ៊ែល បានបរាជ័យនៅក្នុងការបង្កើតរដ្ឋាភិបាលនៅក្រោយការបោះឆ្នោតថ្ងៃទី២៣ខែមីនា។
លោកNaftali Bennett(ណាហ្វតាលី បេននេត)អ្នកនយោបាយស្តាំនិយមរបស់ប្រទេសអ៊ីស្រាអ៊ែលជានាយករដ្ឋមន្ត្រីថ្មីរបស់ប្រទេសអ៊ីស្រាអ៊ែល។
សម្រាប់រដ្ឋាភិបាលថ្មី លោកBennettដែលជាអ្នកដឹកនាំគណបក្សYamina (យ៉ាមិណា) នឹងត្រូវកាន់តំណែងជានាយករដ្ឋមន្ត្រីអ៊ីស្រាអ៊ែលរហូតដល់ខែកញ្ញាឆ្នាំ២០២៣។
បន្ទាប់មកនាយករដ្ឋមន្ត្រីរូបនេះ នឹងត្រូវផ្ទេរអំណាចទៅអោយ លោក Yair Lapid (យ៉ា ឡាភីដ) មេដឹនាំកណ្តាលនិយមជ្រុល សម្រាប់ការដឹកនាំប្រទេសរយៈពេល២ឆ្នាំបន្តទៀត។
លោក Netanyahu មេដឹកនាំកាន់អំណាចយូរបំផុតរបស់ប្រទេសអ៊ីស្រាអ៊ែល នឹងក្លាយជាមេដឹកនាំគណបក្សប្រឆាំង។
ប្រែសម្រួល៖ណាវ័ន្ត